BESANÇON DE BELFORT
Archier de la garde de Son Allesse.
(1) Argiésans, Haut-Rhin, territoire de Belfort.
Des nouvelle de Lorraine, j'espere qu'il ce traicterat unge pay pour les faict de Jamais (1), Dieu veulle qu'elle soit bonne.
Suscription : À Monsieur, Monsieur de Beaulxjeu, gouverneur de la ville de Montbillard (?).
Original sur papier.
Archives Nationales, fonds Montbéliard, K 1966.
(1) Allusion à la guerre du duc de Lorraine dans le duché de Bouillon et au siège de Jametz par M. d'Haussonville.
(2) Paul de Beaujou, seigneur de Villers-Vineux, gentilhomme bourguignon, réfugié à Montbéliard pour cause de religion, et bien connu par l'entreprise audacieuse qu'il dirigea contre la ville de Besançon, le 21 juin 15#5; ce jour ilréussit à pénétrer dans cette place à la tête d’une troupe d’émigrés, réunie à Montbéliard, mais fut renversé de cheval et grièvement blessé, ce qui occasionna une panique et fit échouer l’expédition. En 1587, il servit dans les rangs de l’armée allemande sous les ordres du baron de Dohna, et reçut du comte Frédéric le commandement de la place de Montbéliard, qu'ilréussit à préserver de l’invasion. Après la campagne des Guises, il resta attaché à la personne du comte Frédéric; les Mémoires de La Huguerye, (t. rx, p. 261), mentionnent le capitaine Beaujeu en première ligne « des gentilshommes françois, retirez à Montbéliard, qui pratiquoient et gouvernoient ce prince » et l’excitaient à tirer vengeance « des feuz mis partout en son petit estat par l’armée de Lorraine. » Paul de Beaujeu mourut en mars 1590 au château du Magny-d'’Anigon dont la jouissance lui avait été donnée en récompense de ses services, et ne laissa aucune postérité. (V. Haag, France protestante, p. 91-%). Sa sœur, Etiennette de Beaujeu, mariée à Henri de Franquemont, fit son testament le 19 juin 1619.
Mémoire adressé au comte Frédéric de Wurtemberg par les maîtres bourgeois d'Héricourt contenant réponse aux allégations du sieur Besançon de Belfort, et justification de leur conduite lors de la capitulation de cette ville.
A tres illustre prince et seigneur, Friderich, conte de Wirtemberg et Montbeliard, souverain seigneur d'Hericourt, Chastellot, Blamont, Clemont.
Tres illustre prince,
Nous soubsignez, tres humbles subjectz de Vostre Exellences, receumes hier vostre ordonnance par lettres de mons" vostre tresorier, contenant que deussions incontinant respondre par escript sur tout le contenu de telles quelles lettres envoyez par Pierre Besançon de Belfort à mons' de Beaujeu, pour à quoy satisfaire Vostredicte Exellence soit advertie que lesd. lettres (par le serement que debvons à Dieu et à Vostredicte Exellence, et saufz l'honneur et reverence que debvons à icelles) sont remplies de choses mensongieres et controuvez, mesme vostre prudence (illustre prince) le peult clairement congnoistre, en ce que led. Besançon se contrarie de luy mesme, disant qu'il scavoit bien les voulontez de Son Alteze, de mons: le marcquis qu'estoyent de ne faire aulcung desordre aux terres de VostredicteExellence, synon que de passer le plus ligierement que possible seroit, et d'aultre part en parlant de l'entré de Saint Bellemont en ce lieu et du desordre, que s’il heust pencé que ce ne fust esté
tj —
les volontez de mons le marcquis, il ne s'y fut pas treuvé. Lequel Besançon a faict austant et plus d'effort d'y entrer que poinct d’aultres, ayant usé de tel et semblables propos devant la porte du costet de Breuvelier,accompaignant led. Sainct Bellemont, assavoir, que par la mort, par la chair, par le ventre Dey et aultres execrables blaphemes, baïllant son corps et son ame à tous les diables, que sy l’on ne se rendoit, l’on brusleroit entierement la ville, et mectroit on le tout à feug et à sang, car l’on admenoît de l'artillerie, assavoir cinq pieces de Besançon, et que l’on en auroit encoire à Beffort, sy besoing faisoit, mais qu'il n'en failloit pas tant pour nous avoir. Crioit contre les femmes et filles que l'on les chevaulcheroït devant leurs propres marys, usant d’aultres plus vilains et detestables propos, que ne sont de dire et n'oserions escripre, voire que incontinant à la mesme heure l'on verroit le feug en tout et par tout les villages de ceste seigneurie, ce que baïlla une frayeur aux subjectz estans en garnison, de quoy le capitaine Sage en poura, s’il veult, rendre tesmoingnage, lequel ayant promis d'envoyer aud. s°' de Sainct Bellemont, quy vouloit soudainement entrer, prenant terme de luy seullement le mesme jour ou le lendemain de bon matin qu'il auroit parlé à ce pauvre peuple de ce lieu (ainsy le nommoit-il), Par son ordonnance et commandement, propre vouloir et consantement, après avoir parlé aud. peuple, furent envoyez quatre hommes au lieu de Regiesans expressement choisiz, pour encoire empescher le desseing et vouloir dud. Sainct Bellemont et non point pour le faire entrer en leur ville, de quoy ilz ne parlerent oncques aud. s° de Sainct Bellemont ny aud. Besançon, moings à d’aultres de telz propoz, car aussy ilz ne les treuvarent
aud. Regiesans, de quoy ilz furent tres aises et jouyeulx, comme aussy fut led. capitaine Sage, quant il le sceut et qu'ilz furent de retour, selon que de mesme il en poura rendre tesmoingnage, esperant qu'ilz deslogeroyent sans plus nous tourmenter, et ce que dessus lesd. quatre hommes le maintiendront aud. Besançon en jugement et hors jugement et devant tout le monde, jusques à la derriere goutte de leur sang. Et detant s'en fault qu'iceluy Besançon se soit comporté sy modestement qu'il dit, qu'au contraire Vostredicte Exellence poura estre dehuement infourmée tant par ceulx de Breuvelier (1), par ceulx de Bian et par d'aulcungs de Chenebié (2) des saccagementz et volleries que luy et les filz de Jean Guenin ont faict tant esd. lieux que aultres, enmenans sur chariotz fourment, chair, linges, meubles, bestiaulx, et ce que leur estoit propre en leurs maisons, selon mesme que leur voisins quy scavent le pillages qu’ilz ont en leur maisons en pouront rendre tesmongnage; item, ayant declairez led. Besançon avoir encoire vingt vaches donnant laict en sad. maison, septante ficses de lard, sans le bestial qu’il a faict mener vendre au lieu de Sereney (3) que alleurs, n'ayant jamais voulu permectre l'entré de sad. maison à voz pauvres subjectz pour recongnoistre leurs bestial, et jurant et blaphemant Dieu contre ceulx quy en repetoyent que s'ilz s’aprouchoyent il les tueroit, y en ayant quy en ont recongneu quy ne les ont peu ravoir. Et quant à ce qu'il jure sa foy qu'il ne coucha qu'ung soir en ced. lieu, il se faict tort à soy mesme, y ayant
(1) Brevilliers, Haute-Saône, arr. de Lure, cant. d'Héricourt. (2) Chenebier, Haute-Saône, arr. de Lure, cant. d'Héricourt. (8) Cernay, Haut-Rhin, arr. de Belfort, ch. L. de canton.
tousjour esté jusques au dernier jour, selon mesme que Vostredicte Exellence le poura recongnoistre par lad. lettres, en ce qu'il dit que pour le desordre de ce que l’on brusloit les livres qu'il s’en alla, lesquelx livres furent en premier bruslés la veille de leur partementz, quy fut le vendredy, et lesd. livres furent bruslés le jeudy matin, ayant demeurez neufz jours en ced. lieu, menant vie insolentes. Et ce que dit est, tres illustre prince, est pour la pure verité, comm’ aussy est la verité, ce que nous en avons desja respondu et signé par devant mons” vostred. tresorier, à quoy persistons et le voulons maintenir jusques à la fin, suplians vostre clemence les recepvoir avec cestes de bonne part, prions Dieu le souverain Createur quy doint à Vostredicte Exellence heureuse prosperité en bonne santé longue vie. D'Hericourt, ce 8 mars 88.
De Vostre Exellence les tres humbles subjectz.
‘J. D'ARGENT, AINRI OUDOT, P. BRIHENRIDOT, J. MOUREL.
Ainsy signé à requeste de Nicolas Barbauld et Anthoine Gremillot ne sachant signer.
Original sur papier.
Archives Nationales, fonds Montbéliard, K 1966.
Rapport du châtelain et des officiers de Granges en réponse à la demande du comte de Montbéliard, concernant l'époque de l'arrivée du colonel Sohlegel à Granges, le jour de son départ ot les excès commis par ses reîtres.
Tres illustre prince,
Pour satisfaire au commandement de Vostre Exellance, donner advertissement en quel temps et à quel jour le colonel Scelegue arriva en ce lieu de Granges, en quel nombre de reiïistres, par quel temps ilz auroïent sejournez aud. lieu, du dommage par eulx y faict, du chemin qu'il auroit prins à son retour, et si luy et ses gens auroient esté present au bruslement, saccage et pillerie faict riere le comté de Montbeliart et aultres seigneuries de Vostre Exellance.
Nous susmes certains que led. colonel et ses gens arrivarent tant au lieu de Granges que Crevans et Cecenans (1) le propre jour des Rois, sixieme jour du mois de janvier, l'an mil cinq cens octante huict, selon le nouveaul kalendrié, en nombre d'envyron six cens chevaulx, leur sejour fut de quinze jours non comprins celluy de leur sortie que fut le vingt deuxieme dud. mois de janvier qu'ilz prindrent leur chemin contre Belfort, retornans en Allemaigne, sans avoir à leur retour logez riere la seignorie
(1) Crevans et Secenans, Haute-Saône, arr. de Lure, cant. de Villersexel.
d'Hericour, car le mesme jour de leur sortie ilz passarent par devant led. Belfort, où l'on feit rendre plusieurs chevaulx desrobez. Quant au dommage par eulx faictz, Vostre Exellance nous commanda en informé en terme général de la gendarmerie du sieur marquis du Pont tant desd. Allemans que aultres, ce que fut faict, et le besoingne envoyé à Vostre Exellance; pour à ce satisfaire nous estions separez, informans lung d'ung costel, l’aultre d’ung aultre par la seignorie, et nous i estans rassemblez, tous les besoingnes furent reduictz en ung volume que fut envoyé à Vostre Exellance, sans qu’en ayons treuvé aulcune copie par devers nous; bien sumes nous souvenant que le dommage et interestz des bourgeoïs et subjectz faict tant par lesd. reistres que les Lorrains que dez Lile repassarent par ses cartiers se montoit bien à cinquante mil frans, selon le rapport qu'en fut faict par les subjectz, chascun d’eulx par serement, scavoir es villages de ceste seignorie de Granges.
Quant au bruslement, nous n'avons jamais entendu que les reistres dud. colonel Scelegue y ayent assistez, soit riere le comté de Montbeliart ou aultres seignories de Vostre Exellance, mais au contraire il y avoit beaulcoupt de ses gens que
disoient estres faschez desd. bruslemens et disoient
que ceulx qui les faisoient estoient des Schlem.
Et combien que oud. temps l'on derompeit le molin de Grangeet que l’on brusla le four de Moffans (1), ce ne fut par le moyen desd. reistres, mais desd. Lorrains.
Quant aux pilleries tant de bestial que aultres meubles, les Allemans faisoient comme les aultres,
(1) Moffans, Haute-Saône, arr. et cant, de Lure.
et la pluspart des susd. dommages furent faictz par lesd. reistres. En lad. somme desd. cinquante mil frans. estoit comprins les dommages faictz à Son Exellance tant en prinse de vin, graines, que degastement de la maison es Veneurs que extimions à huict cens frans.
Tres illustre prince, nous prions le souverain Createur conserver Vostre Exellance en bonne prosperité et santé. Dez Granges, ce ? de febvrier
De Vostre Exellance
Les tres humbles et obeissans serviteurs, Les chastelain et officiers de Granges,
PouTIER, N. LIÉGEARD, Boucxuz, LABRUZz.
Suscription : A Son Exellance.
Original sur papier.
Archives Nationales, fonds Montbéliard, K 1967.
Avis du Conseil de régence de Montbéliard, tendant à 0x0nérer les sieurs Claude, François et Claude Ursanne de Valengin, frères, vassaux du comte de Montbéliard, du payement d’une somme de 105 livres, montant d'amendes dues par Claude de Valengin leur père, ledit avis basé sur les services rendus par ledit Claude pendant l'invasion des Guises.
