LXX VII

Lettre missive de Richard Vurpillot, receveur de Blamont, au procureur général Heotor Lorys, lui transmettant la déposition de Thiébaut Joly, de Pont-de-Roide, au sujet des démarches faites lors de l'invasion par les seigneurs de Valangin et autres auprès du duc de Guise, à l'effet d'empêcher l'incendie du comté de Montbéliard.

Monseigneur le procureur,

J'ay receu les lettres qu'il vous a pleu m'envoyer, et pour responce d'icelles serez adverty que j'ay faict tous debvoirs à moy possibles faire venir en ce lieu celluy du Pont de Roide dont je vous avois parlé, nommé Thiebaut Joly, ce que ne s'est pehu faire jusques à ce present jourd'huy, et comme il a faict reffus d'aller à Montbeliard,nonobstanttouttes prieres et admonitions, je l’ay ouy et examiné 8secretement et par serment, selon qu'il est requis, sur les articles que m'avez mis es mains, lequel a deposé et respondu qu'il ne scavoit rien du contenu d'icelles, sinon que au temps que les trouppes des duc de Guise et marquis du Pont arrivarent aud. Pont de Roide, il veit et aperceut bien que les s de Valangin et plusieurs aultres feirent grandes prieres et instances envers led. 8° de Guise, à ce qu'il luy pleut de ne brusler les contez et seigneuries de Son Excellence, ce que led. seigneur de Guise leur accorda, et que si l’on brusloit, c’estoit oultre son grey et volonté, qu'il l'avoit totalement deffendu; ce que led. Joly entendit aussy des pre-

vostz desd. armées logez en sa maison, que luy declairarent que c'estoit oultre le grey dud. seigneur de Guise, et que ceulx qui avoient charge de brusler n’estoient de sa compagnie ny soubs sa charge, et que les plus resoluz de brusler avoient estez reiterés fois à Montbeliard et receuz plusieurs biens faicts de Son Excellence. Led. s° de Guise fut monstré aud. Joly par l’ung desd. prevost, et veit bien iceluy Joly led. s' de Guyse qui avoit une cicatrice en la joue, et entendit de luy lesd. excuses et deffences touchant lesd. bruslemens, disant que ceulx qui estoient en deliberation de brusler n'estoient soubz sa charge, comme dit est. Qu'est tout ce que led. Joly en scayt, que pourrez, (si le treuvez bon, inserer en vostre besoigne);ilest eagé d'environ XXX ans, et est dud. Pont de Roide, seigneurie de Neufchastel; je vous en envoye d'’aultres dud. Pont que pourrez examiner, s'il vous plaict, avec led. pourteur. Sur ce, après vous avoir presenté mes tres humbles recommandaces à voz bonne grace, prie le Createur,

Mons" le procureur, vous maintenir en santé longue et heureuse vye.

De Blaumont, ce VII: en febvrier 1591,

Vostre tres humble serviteur, cousin, compere et entier amys (1).

RICHARD VURPILLOT.

Suscription: À mon très honnoré, Monsieur le procureur general, à Montbeliard.

Original sur papier.

Archives Nationales, fonds Montbéliard, K 1967.

(1) Gette lettre est annexée à l'enquête précédente.

Bnquéte sur les INHUMANITEZ, DEPPORTEMENTZ TY- RANNIQUES et excès de tout genre, commis par les troupes lorraines dans le comté de Montbéliard, faite d’après les instructions de Frédéric de Wurtemberg par Nicolas Rossel, notaire impérial et bourgeois de Porrentruy.

Je, Nicolas Rossel (1), notaire publicque imperial, bourgeois de Pourrentruy, scavoir fais à tous que le premier jour du mois de febvrier, an present, mill cinq cens nonante et deux, styll ancien, estant au lieu de Montbeliardt au chasteau d'illec, y mandé de la part de tres illustre, hault et puissant prince et seigneur, Frideric comte de Wirtemberg et dud. Montbeliardt, prince du Sainct Empire, souverain seigneur d’Estobon, Blantmont, Hericourt, Chastelot, Clemont, seigneur de Granges, Clerval, Passavant, icelluy tres illustre prince, addressant benignement et doulcement ses parolles à moy, son tres humble serviteur, m'a dit et remonstré que es

() Nicolas Rossel qui figure ici comme notaire impérial et bourgeois de Porrentruy, devint peu après juge de la seigneurie de Franquemont qui relevait de la principauté de Montbéliard, et en cette qualité présenta, le 31 octobre 159%, un projet de réglement pour l'administration de la justice dans cette seigneurie ; sa résidence était à Montbéliard, comme on le voit par une correspondance qu'il échangea de 1606 à 1612 avec Michel Delaunay, capitaine du château de Franquemont, au sujet de l’arrestation de Jean Guigon, habitant de Goumois, prévenu de voies de fait sur la personne du ministre Daniel Barthol. (Archives Nationales, fonds Montbéliard, K 1958, 2048, 2052.)

mois de decembre de l’an mill cinq cens octante et sept et de janvier mill cinq cens octante et huict, infinies voleries, brigandages, sodomies, raptz, meurtres, saccagemens, ravagemens, bruslementz et aultres nouvelles cruaultées non ouyes par cy devant, seroyent estées commises et perpetrées es terres de son comté dud. Montbeliardt et seigneuries souveraines y adjoinctes par le marquis du Pont, filz du duc de Loraine, et par le duc de Guise et leurs troppes, sans aulcung pretexte ou occasion legitime, ains par entreprinse et expedition detestable, plus que barbare, sans tenir aulcune forme de guerre, desquelz tortz, injures et cruautez, ainsi malheureusement exercées, n'en seroit esté encore satisfaict, afin de ne laisser passer soubz silence telz cruelz et inhumains actes, et qu'il en apparoisse à la posterité et aux personnes de ce siecle qui en ont ouy parler et desirent d'en scavoir la verité, aussi à ce qu'en temps et lieu il en pehut obtenir et avoir la reparation condigne de qui il appartiendrat par remedes à ce convenables, avoit par advis de conseil deliberé et resolu de faire dresser amples informations desd. inhumanitées et depportements tyrannicques, leur circonstances et deppendances, par ung notaire, personne publicque, non suspect, idoine et souffisant, homme de bien; pour lequel effect, pour la bonne notice et cognoissance qu'il avoit de moy, me tenant et reputant muny de touttes les qualitées avantd., m'avoit choisy, esleu et commis où mestier seroit, selon, (comm il disoit), pouvoir plus amplement conster et apparoir par lettres patentes expediées en papier, signées de Son Excellence et seelées du seel armoyer de ses armes ; qu'il m'a mis en main, et dont la teneur est à la fin de cestes inserée, me priant et requerant

partant de voulloir prendre et accepter la charge, et y proceder le plus dilligemment, singulierement et secretement que possible me seroit, sur les memoires et articles qui de sa part me seroyent données par escript, et mon besoingne parfaict, luy en voulloir depescher et deslivrer une grosse probante et authenticque pour valloir à luy et aux siens ce que de droit, et aux fins portées esd. lettres patentes qui contenoyent bail et ouctroy à moy auctorité et puissance pour le faict des citations de tesmoings, examen ot relaxations de serement d'iceulx, avec clause rogatoire, pour m'en servir où la neccessité le requeroit, et ce le tout moyennant sallaire competant. Ouyes lesquelles remonstrances et requisitions et vehu lesd. lettres patentes contenantes mad. charge et commission, trouvant le toui conforme à droit, equité et raison, pour le debvoir seullement qu’ay à Dieu, verité et justice, ay librementi prins et accepté dud. seigneur, tres illustre prince, lad. charge et commission, et declairé que au plustost y vacquerois avec toutte fidelité et rondeur de conscience requise sans amour ny haine de personne, ouctroyant à Sad. Excellence la grosse de mon besoingne en la forme cy dessus quise, pour luy valloir partant que de droit et raison. Ge faict, ayant demandé et obtenu congé gracieux de Sad. Excellence, me suis retirer à part au logis du Lyon d'Or aud. Montbeliardt, où j'ay commencé de vacquer à l'examen des tesmoings suigans sur les memoires et articles à moy donnez par escript, joingtz à mon besongne, iceulx tesmoings en prealable citez et adjornez à mon ordonnance par mr” Guillaume Vessaulx, sergent dud. Montbeliardt, selon qu'il a dehuement relaté, tesmoing mon seing

manuel cy mis aud. Montbeliardt les an, mois et jour que devant.

Signé : N. ROssEL.

Teneur desd. lectres patentes dont cy dessus est faicte mention:

Fnderic, par la grace de Dieu, comte de Wirtemberg et de Montbeliardt, prince du Sainct Empire, souverain seigneur d’Estobon, Blanmont, Hericourt, Chastellot, Clemont, seigneur de Granges, Clerval, Passavant. Comme es mois de decembre de l'an 1587 et de janvier de l’an suigant 1588 infinies voleries, brigandages, sodomies, raptz, meurtres, saccagementz, ravagementz, bruslementz et aultres nouvelles cruautées non ouyes par cy devant seroyent estées commises es terres de nostre comté dud. Montbeliardt et desd. seigueuries souveraines y adjoinctes par le marquis du Pont, filz du duc de Loraine, et par le duc de Guise et leurs trouppes, sans aulcung pretexte ou occasion legitime, ains par entreprinse et expeditions detestable, plus que barbare, sans tenir aulcune forme de guerre, desquelz torts, injures et cruautées ainsi malheureusement exercées ne serions esté encour satisfaictz, affin de ne laisser passer soubz silence telz cruelz et inhumains actes, et qu'il cn apparoisse à la posterité et aux personnes de ce siecle qui en ont ouy parler et desirent d’en scavoir la verité, aussi à ce qu’en temps et lieu en puissions obtenir et avoir la reparation condigne de qui il apartiendra par remedes à ce convenables, avons par advis et desliberation de conseil choisi, prié et requis, choisissons, prions et requerons par cestes honnorable homme, Nicolas Rossel, bourgeois de Pourrentruy, notaire publicque imperial, à ce le commettant en tant que requis seroit, pour dresser informations desd. inhumanitez et depportemens tyrannicques, leur circonstances et deppendances, sur les memoires et articles que de nostre part luy seront donnez par escript, et pour cest effect ouyr et examiner en tel lieu que bon luy semblera, soit rier nosd. terres et jurisdictions ou dehors, personnages, gens de biens dignes de croire, mesmes les tesmoings oculaires de la pluspart desd. actes detestables, et ayans entendu les aultres des personnes mesmes qui ont estées tormentées par lesd. marquis du Pont, duc de Guise et leurs trouppes, par gehennes ettormentz de noveau par art diabolicque inventez, non jamais auparavant ouys ny entenduz, mectre et rediger par escript bien et au long soingneusement et fidelement les dictz et depositions desd.

tesmoings, donnant aud. commis pour ce faire toutte authorité et puissance neccessaire, mesme de faire assigner et comparoir devant luy et en tel lieu qu'il luy plaira telz de noz subjectz qu'il vouldra ; ausquelz commandons de luy obeyr, et de rendre leur bon et loyal tesmoingnage de verité de ce qu'ilz auront vehuz, sceu, experimenté et entendu desd. ravagemens, cruautez et actes enormes dont ilz seront enquis et demandez par led. commis, sans faveur, amours, hainne ou rancune de personne, saulf leur peines et journées raisonnables, lesquelz quant à ce relaxons du serement de fidelité qu'ilz nous doibvent comme leur prince et naturel seigneur. Desquelles depositions de tesmoins ainsi redigez par escript led. Rossel nous en debvrat depescher et deslivrer une grosse probante et authenticque, signée et cachetée de son cachet et seing accoustumé, le tout moyennant sallaire competant... Et en tant qu'il conviendroit faire examen desd. tesmoings ou d’aulcungs d'iceulx hors nosd. terres et seigneuries, prions et requerons tous princes, seigneurs, gouverneurs de villes et peys et gens de justice, qu'ilz souffrent et permectent faire icelluy examen par led. Rossel commis avantd. rier leurs peys, terres, seigneuries, gouvernemens et jurisdictions... En tesmoingnage de quoy avons soubsigné les presentes de nostre propre main, et à icelles faict apposer nostre seel secret. Données en nostre chasteau dud. Montbeliardt , le premier jour du mois de febvrier, l’an 1592, styl ancien. Ainsy signé: Friderich, et seellé d’un seal de cire rouge en placcard.

Signé : N. RosseL.

S'’ensuivent les articles sur lesquelz lesd. tesmoings sont estez examinez:

1. Siles soldats desd. marquis du Pont et duc de Guise disoyent pas leur avoir esté commandé de brusler, piller et saccager les pays et seigneuries de Son Excellence.