ARMÉE DU MARQUIS DE PONT
Le XXVIII jour du mois de décembre 1587, la court estant assemblée à sept heures du matin a leu les lettres à elle escriptes par M. le conte de Champlite la nuict passée, et venues par la poste au faict de l'armée de M. le marquis du Pont et de M. de Guyse, comme aussi des passaiges par le peis tant des restres, huguenotz que Suisses venans de France pour le service des huguenotz, aussi ont esté leues celles escriptes par mond. s° le Conte à M. de la Villeneufve au faict du passage desd. Suisses, et sur ce a esté opiné ainsi que s’ensuyt :
M. de Boisset. — Quesuyvant l'advis de mond.s"le conte de Champlite, l'on doibt escripre ausd. Suisses de ne bouger jusques ilz ayent nouvelles de luy.
M. Galiot. — Idem.
M. Florimont. — Id., y adjoustant que l'en leur pourra dire, que s’ilz veullent passer oultre, ilz se debvront advancer diligemment et leur faire à faire munition.
M. Le Jeune. — Que l’en doibt faire passer lesd. Suisses le plus diligemment que faire se pourra, et leur donner l'ung des plus apparens soldardz de la garnison de Dole pour les faire fornir de munition, en advertissant mons.'.le Conte et luy représentant les raisons.
M. Mairot. — Id., y adjoustant que l'en doibt envoyer promptement ung homme à Pesmes (1), pour ce que ceulx du lieu leur fermeront les portes s'ilz n'ont commandement au contraire.
M. Garnier. — Id., et advertir lesd. Suisses de desloger diligemment ou rentrer en la France.
M. Colin. — Que l'en doibt advertir les Suisses de l’'advis de M. le Conte et leur représenter ses raisons, et s’ilz ne le veullent suyvre, les enhorter de passer diligemment.
M. de la Tour. — Que l’en leur doibt dire qu'ilz advancent leur chemin en toute diligence.
M. de la Villeneufve. — Que l'en doibt envoyer diligemment ung personaige devers lesd. Suisses pour les faire passer en toute diligence, leur declairant le danger où ilz pourroient tumber s'ilz sejournoient en ce peïs, et le désir que l'en a de les gratiffier.
M. le Président. — Idem, a ainsi conclud.
Et de plus que commission sera despeschée à Jacques Tabel, sergent de la garnison dud. Dole, pour la conduicte desd. Suisses.
Item, que l'en escripra à M. de Chierlieu estant à Pesmes pour l'absence de M. le conte de Montrevel (2), pour faire passer lesd. Suisses sur les pontz de Pesmes, au long de la ville par les faubourgs d'em bas.
De plus que l'en escripra à M. le Conte, et luy sera donné advertissement de ce que dessus.
(1) Pesmes, Hte-Saône, arr. de Gray, ch. 1. de canton.
(2) Antoine, fils de François de la Baume, comte de Montrevel, seigneur de Pesmes, colonel de l’infanterie du comté de Bourgogne au service du roi d'Espagne et lieutenant au gouvernement de cette province. (Voir Dunod, Histoire du comte de Bourgogne, t. n, p. 532.) ‘
Dadventaige séra escript que les soldardz françois, albanoiïs et restres de l’armée de M. du Pont ont faict plusieurs exactions, pilleries et larrecins de chevaulx es lieux où ilz ont passé et ont mis le feug en plusieurs villaiges, affin qu'il le face entendre à M. de Guyse pour y pourveoir suyvant sa promesse.
Et suyvant ce ont esté expédiées lesd. lettres.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588.
Désordres commis à Quingey et à Abbans par les reîtres au service du marquis de Pont, enquêtes ordonnées.
