MARQUIS DU PONT
Sur les rescriptions faictes à la court par les officiers de Quingey (1), des désordres faiz en leur ressort, mesmes à Abbans (2) par les reystres suyvans les compaignies des seigneurs marquis du Pont et de Guyse.
M. de Boisset. — Que l'en doit advertir M. le conte de Champlite du contenu esdictes lettres et luy en envoyer copie, et le prier de faire donner ordre à la gendarmerie desd. seigneurs, afin qu'ilz se contiennent modestement sans faire aucunes pilleries
(1} Quingey, Doubs, arr. de Besançon, cb. 1. de canton. (2) Abbans, Doubs, arr. de Besançon, cant. de Boussière.
et ranssonnemens, et que à cest effect il'en escripve ausd. seigneurs que, s'ilz n'y pourvoyent, l'en sera contrainct en advertir sa Majesté et son Alteze.
M. Belin. — Escripre bien particulierement tout ce que s'est passé à mond. s° le Conte et le prier d'y pourveoir par rescript ausd. seigneurs marquis et de Guyse, leur faisant entendre les hostelités de leurs gens de guerre, et ques’ilz n’y mectent ordre, l'en en advertira sa Majesté et son Alteze, et au surplus ordonner aux officiers des ressorts où lesd. gens de guerre sont passez d'informer des pilleries, exactions et aultres actes par eulx commis en chaque vilaige et des interestz que les particuliers en ont receu, et ce fait, envoyer le tout à son Alteze.
M. Galyot. — Advertir M. le Conte bien particulierement desd. desordres, et le prier encorres une bonne foy d'y faire pourveoir.
M. Florimont. — Id., et au surplus informer.
comme a dict M. Belin.
M. Le Jeune. M. Garnier, M. Mairet. — Idem.
M. Colin, comme M. Belin.
M. de la Tour, comme M. Florimont.
M. de la Villeneufve. — \dem.
M. le Président. — Idem.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588.
Désorätes et excès commis entre Saint-Olaude et Pontarlier par les troupes du marquis de Pont, remontranoes à 0e sujet adressées aux princes lorrains.
Le dimanche tier jour du mois de janvier 1588, à sept heures du matin, la court s'est assemblée en la Chambre du Conseil pour veoir les lettres à elle escriptes par mons’. le conte de Champlite et les advis y joinctz au faict de l’armée du marquis du Pont estant du coustel de Sainct Claude, laquelle veult rebrousser chemin contre la Chaulx de Crostenay (1), Nozeroy (2), Ponterlier et aultres lieux de ce peïs où desja où ilz ont faict grand domaige, combien que le dict marquis du Pont et duc de Guyse estant avec luy avoient donné asseurance de passer legierement par ce peïs pour aller combattre les restres hors icelluy du coustel de Ponterlier, sur quoy mond. s' le Conte demande l’advis de lad. court, y ayant opiné comme s’ensuyt:
M. de Boisset. — Que l'on doibt envoyer devers mons”. le conte de Champlite ung conseillier pour veoir ce qu'il a dressé pour representer à Sa Majesté sur le faict des foules que le peïs a receu par le moien des gendarmeries, affin d'en faire part à lad. court pour par elle y corriger ou adjouster ce qu'elle verra convenir.
Cependent que M. de la Villeneufve debvra in-
(1) Chaux-des-Crotenay (la), Jura, arr. de Poligny, canton des Ptanches.
(2) Nozeroy, Jura, arr. de Poligny, ch. 1. de canton.
continent aller trouver mond.s" le Conte de l'assister pour costoier ladicte armée es lieux où besoing sera et selon qu'elle s’encheminera. En laquelle armée mond. s' le Conte debvra envoyer trois personaiges de respect, l'ung en l'avant garde, l'aultre en la bataille, l’aultre en l'arriere garde, affin de les faire mieulx contenir. Et au surplus, pour ce que l'on parle d'ung passaige qui se doibt faire de gendarmerie espaignole, l'on debvra incontinent escripre au Roy pour faire fornir argent ou grains pour la nourriture d'icelle gendarmerie, attendu qu'il n'y a argent ny grains au peïs.
M. Belin. — Qu'il n'est besoing d'envoyer aulcung conseillier devers M. le Conte, bien y pourra aller M. de la Villeneufve qui luy dira qu'il fera bien de costoyer lad. armée, et y depputer commissaires pour obvier aux desordres.
M. Galiot. — Que l'on doibt conseiller à mond. s° le Conte d'envoyer devers les princes ung personaige de respect pour leur representer les grandz excès et insolences que commectent leurs gens en ce peïs, leur disant que les ennemys n'y eussent pas tant fait de maulx, car sy l’on les eust tenu pour demeurer, l’en eust faict la retraicte es villes fortes et chasteaulx; au surplus, comme M. Belin.
M. Florimont. — Que l'en doibt envoyer devers M. le Conte ung conseillier pour entendre sa volunté suyvant ce qu'il en a escript à M. le Président, et au surplus, idem.
M. Le Jeune. — Comme M. Galiot, y adjoustant que la court debvra escripre particullierement aux princes les excès de leurs gens et leur faire entendre que la court en advertira le Roy.
M. Clément. — Id., y adjoustant. que la court le debvra aussi escripre à Son Altesse.
M. Garnier. — Que M. le Conte debvra representer aux princes les grandz foulles faictes par leurs gens et leur dire que le Roy en sera adverty, et de mesmes que l'en en doibt escripre à Sa Majesté et à Son Altesse, adressant les lettres du Roy à sad. Altesse, la priant, sy elle le trouve bon, qu'elles luy soient envoyées.
M. Mairot. — Qu'il suffira que M. le Conte soit assisté de M. de la Villeneufve sans y envoyer ung conseillier, que l'en ne doibt pas escripre ausd. princes lesd. foulles, mais de leur faire representer verbalement par personaige signalé; et au surplus, comme les aultres.
M. Colin. — Que M. de la Villeneufve doibt aller devers M. le Conte auquel il fera entendre la resolution de la court sur l’advis qu'il luy demande, et luy dire qu'il debvra aller à Salins, et des la es lieux où besoing sera pour costoyer l’armée, en faisant representer aux princes les grandz excès de leurs gens, et en advertir Sa Majesté.
M. Jacquinot. — Id., y adjoustant que M. le Conte debvra faire tous les bons debvoirs et offices que possible sera pour faire sortir l'armée du peïs.
M. de la Tour. — Idem.
M. de la Villeneufve. — Qu'il sera prest d'assister M. le Conte, puisque la court le trouve bon, mais il est d'advis que l'on envoye ung conseillier devers mond. seigneur le Conte, puisqu'il le desire. De plus, M. le Conte debvra par lettres advertir le Roy et Son Altesse desd. excès, et donner par escript à M. de Discey ce qu'il debvra dire aux princes.
M. le Président. — Que le pays n'a pas la force promptement pour resister à lad. armée. Et ce que mond. s° le Conte y pourra faire pour le mieulx est de leur dresser le plus court chemin que possible
sera pour tirer en Lorrainne et les faire advancer tant que l'en pourra, sans leur faire dresser munitions.
Item, que l'en doibt avec led. s" de Discey prendre ung aultre personnaige de respect pour representer aux princes tout ce qu'il convient pour le service du Roy et du peïs. |
Que avec M. de la Villeneufve l’on doibt envoyer devers M. le Conte ung conseillier qui dira à mond. s" le Conte qu'il sera plus à la main en la ville de Salins, et des là il pourra costoier l'armée où hesoing sera.
Item, que l’on doibt du tout escripre à Son Altesse et luy dire que la court en advertira aussi Sa Majesté.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588.
Décision relative au service militaire exigé du sieur de Marnos par le comte de Montbéliard, son suserain.
CONTE DE MONTBEÉLIARD.
Le cinquieme jour du mois de janvier 1588, la court estant assemblée extraordinairement, ont esté leutes les lectres escriptes à M. le Président par le s' de Marnol (1), faisant entendre qu'il est
(1) Jean de Gilley, seigneur de Marnoz, possédait du chef de sa femme, Anne de St-Maurice, veuve du sieur de Vezet, divers fiefs
— MN — mandé par le conte de Montbeliard pour comparoir en armes au lieu où il sera mandé pour son service comme son vassal, lequel doubte de comparoir, sur quoy a esté opiné comme s'ensuyt:
M. de Boisset. — Que l'en doibt conseiller aud. s° de Marnol de se tenir prest en armes selon la nature de son fief pour servir deans ce peïs et non aultrement.
M. Belin. — Que led. s' de Marnol se pourra excuser sur l’edict par lequel est deffendu de servir en armes hors ce peïs aultre que le Roy à peine de rebellion.
M. Galiot. — Que sy la seignorie tenue en fied par le s' de Marnol dud. s' conte de Montbeliard est située rière ce peïs, lad. court doibt interdire aud. s° de Marnol de comparoir et d’obeir au mandement dud. conte de Montbeliard, laquelle deffense l'en Iuy pourra faire, puisqu'il n’appart qu'icelluy s° de Marnol tienne aulcune chose rière l'obeissance des peïs dud. conte de Montbeliard, de . renouveler l’edict cy devant faict en cas semblable. Et pourra prendre excuse led. s° de Marnol sur ce que en ce peïs l'en a publié le mandement de ban et rière ban et sur l’edict cy dessus mentioné.
M. Clément. — Id., y adjoustant que le premier debvoir est dehu au souverain.
relevant des seigneuries du Châtelot et d'Héricourt ; d’après les dénombrements qu'il fournit au comte de Montbéliard les 80 mars 1562 et 20 janvier 1591, il déclara reprendre en fief un château fort avec tours sis à Beutal, et d’autres domaines à Bretigney, Longevelle, St-Maurice, Colombier-Châtelot, Coisevaux, Verlans, le tout dépendant de la seigneurie du Châtelot (Archives Nationales, fonds Montbéliard, K 2145). 11 eut de son mariage avec Anne de St-Maurice une fille, Anne-Ursule de Gilley qui épousa, en 1589, François de la Tour. Jean de Gilley mourut vers 1591, laissant la réputation d'un littérateur distingué; ses biens furent saisis et vendus par décret, en 1597. (Arch. Nat., ibid., K 2147.)
M. Garnier. — Idem.
M. Colin. — Idem.
M. Tricornot. — Id., et envoyer aud. s° de Marnol le dernier edict publié et interdisant de servir hors ce peïs en armes aultre que le Roy.
M. Jacquinot. — Que l’en doibt escripre aud. s° de Marnol qu'il face du mieulx qu'il pourra sans comparoir en personne, mais il y pourra envoyer et commectre en son lieu ung personaige des subgectz dud. Montbeliard.
M. de Geneulles. — Idem.
M. de la Tour. — Idern.
M. le Président. — Que led. s° de Marnol debvra escripre aux officiers de Montbeliard pour entendre d'eulx en particulier quelz biens il tient en fied pour raison desquelx il est commandé;
Leur representer que par edict du Roy il est deffendu de porter armes hors le peïs pour aultre que pour luy à peine de rebellion;
Item, que M. le conte de Champlicte a ordonné à tous gentilhommes et vassaulx de ce peïs de se tenir prestz pour le ban et rière ban;
Et de plus que mandement a esté publié sur semblable faict par le regard des fiedz pretenduz du Chastelot, en quoy l'on peult aussi accommoder Hericourt.
Et sur ce a esté resolu que mond. s° le Président, auquel cestes lectres ont esté adressées, fera la responce en ceste sorte.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588. e
Bzoès commis dans le ressort de Pontarlier par les troupes lorraines, mesures prises en conséquence.
