XCIII

Lettre missive de François de Vergy, gouverneur du comté de Bourgogne, au duc de Wurtemberg, déclarant que malgré tous ses efforts il n°a pu empêcher le passage de l'armée du marquis de Pont, ni préserver le pays de ses excès, et qu'il a même protesté contre la prise du château de Granges.

Monsieur,

J'ay le XXVII° du present mois receu celles de Vostre Excellence soubz la datte du IX° du mesme mois, et pour responce à icelles luy diray en prealable, que, comme je l’ay ja escript à monsieur le conte de Montbeliard, ce n'a esté de mon vouloir et

(1) Un extrait de cette lettre, tronqué et arrangé à la fantaisie de l'éditeur, a été publié par M. Ch. Duvernoy. (Journal de l'Institut historique, année 1855, p. 84).

consentement que l'armée de monsieur le marquis du Pont soit entrée en ce païs et conté de Bourgongne, mais disant aller rechercher ceulx desquelx ilz avoient receuz plusieurs tortz et injures, et moesmement les reistres, qui s'en retournoient de France en Allemagne, auroient prins de leur auctorité led. passage avec telles forces et soubdaineté que je n'avois les moiens promptz et facilles pour l’'empescher, estant certain qu'ilz y ont faict de tres grandes foulles et oppressions, sans que je y aye peu non plus rem2dier. Bien je n'aye mancqué à faire à lad. fin tous les bons offices qu'il convenoit tant envers led. prince que monsieur le duc de Lorraine, son pere, et par frequentes rescriptions, et par envoy de gentilhommes de ma part devers eulx, aiant aussi la court de Parlement en ced. païs faict diligenment de son costel les mesmes bons offices, signatment par la voie de deux conseilliers d'icelle, aians esté pour ce expressement rencontré lesd. princes, par où si tout ce nonobstant je n'auray peu prevenir ny aud. passage ny ausd. degastz, ny en preserver mon gouvernement, trop moingz doncques le pouvoye je faire hors icelluy. Bien veux je icy dire, qu'estant adverty que ceulx de lad. armée avoient prins le chasteau de Granges, qu'advint par la culpe et faulte du capitaine d'illec, je leur feiz à diligence entendre que lad. seigneurie estoit nuement de ced. païs et de la souveraineté du roy, mon maistre, duquel led. conte de Montbeliard la tenoit en fiefz, et que partant Sa Majesté ne prendroit de bonne part ce que y auroit esté faict au prejudice de ses auctoritez souveraines, de façon qu'ilz s'en departirent sans y attempter davantage. Voires nous auroit led. passage tellement esté à contrecœur, que si tost qu'ilz

meirent le pied en ced. païs, edictz de Sa Majesté roialle y furent partout publiez, prohibitifz à tous y vassaulx et subjectz se mesiler en lad. armée, ny de sortir en armes hors led. païs, à peine de rebellion et de confiscation de corps et de biens, si que, si led. s° conte de Montbeliard a quelque occasion de plainctes et mescontantement de ce costel là, nous n'en avons aussi par deça que par trop nostre part, que j'ay representé à Sad. Majesté et aussi à mons’ le duc de Parme. Et au regard du secours qu'il demanderoit, puisque lad. armée est retirée, il n'est pas necessaires pour le present, mais Sad. Majesté au besoing y sçaura bien pourveoir et faire tousjours congnoistre à tous ceulx qui vouldroient attempter à ses païs et estatz, combien Dieu mercy sa main est puissante et forte pour reprimer toutes telles entreprinses, et qu'il les en peult par sa grandeur preserver, et conserver ses vassaux soubz son auctorité roialle et souveraine. Et sur ce, me recommandant bien humblement à la bonne grace de Vostre Excellence, suplie au Createur,

Monsieur, luy donner en tres bonne santé, heureuse et tres longue vie. De Gray, ce XXX: janvier 1588 (1).

Tout entierement à luy rendre bien humble service,