POUR L'ORDRE DES PASSAIGES DE GENDARMERTE

Le neufieme jour du mois de febvrier 1588, M. le President a proposé que suyvant les lettres de la court M. le conte de Champlite estoit venu en ce lieu et avoit convocqué les bons personaiges depputez aux affaires d'Estat du peïs, et que mond. s° le Conte desiroit que la court depputat aulcungs de la compaignie pour conferer avec luy et lesd. bons personaiges de ce qui est à faire pour le service du Roy et bien du peïs, et en cas de difficulté les resolutions en seroient prinses par ensemble en lad. court, sur quoy a esté opiné ainsi que s'ensuyt:

M. de Boisset. — Que M. le Conte doibt venir à la court suyvant la forme ancianne.

M. Belin. — Idem.

M. Marceret. — Que l'en doibt prier M. le Conte et lesd. bons personaiges de venir à la court selon qu'il a esté faict du passé.

M. Galiot. — Que l'en pourra depputer certains conseilliers pour aller communicquer avec M. le Conte sans toutesfois rien resoldre, et que la resolution se debvra faire par tous en la Chambre du Conseil en la maniere accoustumée.