Scène I

SIGIBERT, roy, MAGNACAIRE, MEROFLEDE

SlGIBERT

Mes féaux amis, nous avons reçeu un pacquet de la part de nostre cher gouverneur Cassarole, par lequel nous sommes advertis, à nostre très-grand regret, que Melancie, sa femme, s'est tuée elle-mesme, vaincue d'impatience de douleur. Il attribue la principale cause de ce meschef à un grand homme de ma cour, lequel il nomme Franciarque, et nous expose que celuy-cy, par mauvaises pratiques et secrettes entreveuës de sa fille Callixene, l'a attirée à son amour, du consentement de la mère. Et encores il adjouste que sur le refus qui luy fut faict de luy donner Callixene en mariage, il dit à Melancie qu'elle pouvoit bien de son authorité propre promettre sa fille, autrement qu'elle monstreroit ne point avoir de courage, et que

pour luy, s'il estoit en son lieu, il aimeroit mieux mourir que voir une telle fille espousée contre sa volonté. A la fin de ceste lamentable histoire, il faict une humble supplication qu'il nous plaise, ayant esgard à ses griefves douleurs et aux bons services qu'il nous a fidèlement rendus, faire punir Franciarque selon son démérite, et que nous ne voulions approprier à nostre fisc le bien appartenant à Melancie, pour s'estre elle-mesme tuée contre la prohibition de nos loix. Vous avez donc à me donner advis en équité de vos consciences, si vous estimez que Franciarque soit digne de punition, et quelle nous la luy devrons donner, et encores si Melancie s'estant deffaicte de sa propre main, nous devons prendre son bien d'elle comme confisqué à nous.

Magnacaire

Sire, Pacte en soy, tel que Vostre Majesté le raconte, est triste et lamentable; mais les douleurs particulières qui nous touchent, sont que souvent nous en rejetons les fautes sur autruy : c'est pourquoy, sur l'accusation de Franciarque, je serois d'avis qu'il fust décerné commission pour en informer plus amplement, comme aussi des causes de la mort de Melancie, afin que s'il se trouve charges suffisantes, et indices de suscitation de la part de Franciarque, il soit puni. Et s'il est recogneu innocent du faict à luy imposé, que Cassarole, pour punition de ce, soit frustré

Dl ki:a\( lÎÀRQTTI II (ALMXENE 81 du bien de Mclancie, «pli <lesjà est acquis à

vostre lis.' par sa propre confession, selon les ordonnances m1"' rous-mesme aves falotes. Nous abhorrons itiix qui \ iolemmenl se defl'out «le Leurs propres mains, comme personnes d'une malice très-grande h tres-pernici»

car celuy-là qui se lu."' Boy-mesme, que n'osera»il poinl faire à autruy? Les sentinelles qui sont pOSéeS cil guerre feroient

un crime punissable de mort, si sans relevées de la part des Capitaines qui les ont assises, elles abandonnoient la tranchée; de mesme l'autheur de nature nous a mis en nos corps pour y demeurer tant qu'il luy plaira : et nous nous rendons punissables envers luy, si nous ouvrons nous-mesmes le chemin pour faire sortir nos âmes et nostre vie des corps où il les a mises. Les Empereurs niesmes n'ont pas estimé raisonnable que telles personnes jouissent des mesmes privilèges que les autres, et ont infirmé leurs testamens toutes et quantes fois que telles gens qui se deffont eux-mesmes ont testé. Cela se voit par la loy Si quis 6, au § nom eorum, soubs le tiltre de injusto rupto et irrito testamento, et encores en la loy cum aliter, première au § Si sibi manus, de Senatus consulte Syllaniano, au Digeste. Ainsi, quand Vostre Majesté rendra son jugement sur les charges et informations, elle pourra plus equitablement garder le droict à chacun, cependant que vostre demeurera garnie pour les biens qui ont appartenu à Melancie.

Meroflede

Sire, d'autant plus que cet acte est estrange, d'autant aussi me semble -il plustost digne de compassion et commisération, que de vengeance et punition. Car pour le premier chef, voudroit - on blasmer Franciarque d'avoir honnestement recerché l'alliance de Cassarole par le mariage de Callixene sa fille, et à cela y avoit employé non-seulement les artifices portez par les lettres du père, mais aussi encores davantage s'il l'avoit f aict. C'est une chose qui doibt estre libre que l'amour, et si ceste accusation avoit lieu pour punir comme crime ce qui ne tend qu'à alliance et amitié, où se trouveroient les jeunes hommes qui osassent demander nos filles en mariage? Pour le second chef de la mort de Melancie, si c'est son impatience qui l'a poussée à cela, ou l'imbécillité de sa condition, qui rend celles de son sexe moins aptes à supporter les accidens, et mesmement d'un bien simple refus que l'on leur faict de ce qu'elles demandent, il n'en faut point estendre la cause plus loin qu'à elle - mesme. Aussi, n'ayant offensé que soy- mesme, et n'estant point question de chose qui attouche Vostre Majesté, elle estant morte, tout le différend doibt estre terminé, ores mesmement qu'elle fust coulpable de quelque autre léger crime. C'est l'opinion de ce grand jurisconsulte Macer, en la loy in Senatus consultum, au § Si propter, soubs le filtre ad Senatus consultum Turpillia-

Dfl FKANOIAUQUE ET CALLIXENK 83

num, au Digeste. Partant, il Q6 troave point qu'il y iiii Lieu de décerner commission pour informer plus amplement du faict, car ores qu'il f ust tel que vous l'expose Cassarole, qui l';i aggravé autant qu'il luy a esté possible, quel jugement pourroit - on donner contre Franciarque? Je serois donc d'opinion que pour adoucir en quelque chose la tristesse du père, l'on ne luy ostast point le bien de sa femme, et ce par forme de grfice et privilège spécial. Quant à l'accusation de Franciarque, que Vostre Majesté remist Cassarole à une espérance que vous voulez plus particulièrement vous informer du faict.

SlGIBERT

Vous n'estes point d'accord en vos opinions; je sçauray à qui de vous deux la pluralité de voix s'accordera.

(Sigibert prend conseil des autres assistans, pub il retourne en son siège, et dict : )

Lisez les lettres de Cassarole.

Au Roy, mon tres-lionoré seigneur. Sire, la douleur me presse, à mon très-grand regret, d'implorer benignement vostre justice pour punir le tort qui m'a esté faict par un gentilhomme qui suit ordinairement vostre Cour, appelé Franciarque. Celuy-cy,par secrets moyens, s' estant insinué en V amitié d'une mienne fille, a tant fait envers Melancie ma femme, que sans mon sçeu, elle la luy a promise en mariage :