S4 LES AMOUREUX BRANDONS

tellement que poursuivant ses pratiques illicites, il s'ingéra de me la faire demander par personnes interposées. Sur ce, en ayant faict refus, comme d'un homme non sortable au rang et à la qualité que tient ma fille, par les bienfaits de Vostre Majesté envers moy, il s'adressa encores à ma femme, luy disant: Madame, pourrez-vous endurer qu'au préjudice de vostre volonté, Callixene soit donnée à un autre qu'à moy, à qui vous l'avez si volontairement promise en mariage? Non, Madame, f aides en sorte que vostre volonté soit suivie, car quant à moy, quoy que je ne tienne pas vostre place, et qu'en cela je n'attends la faveur que de vous, j'aimerois mieux mourir cent fois que la chose m' arrivas t. C'est par tels moyens et autres semblables par vies que ce meurdrier a porté la main de ma femme au coup qu'elle s'est donnée dans la poictrine, dont elle est morte tout sur le champ, tellement que je n'ay recours qu'à vous, Sire, pour en tirer raison. Outre celuy, je supplie encores Vostre Majesté de pardonner à ma femme l'offense qu'elle a faicte de se tuer ainsi elle-mesme : et en recognoissance des agréables services que je continueray de rendre à Vostre Majesté, qu'elle m'octroye benignement ceste faveur, que le bien qui a appartenu à Melancie, ne demeure point confisqué, et je prieray les dieux pour vostre prospérité, en qualité de

Vostre tres-obeissant et tres-humble subject et serviteur,

Cassarole.

de franciarque et callixene 85

Meroflede

Quand toutes ces choses seroient vrayes, la Cour, sauf correction, voit qu'il n'y a point lieu de décret.

Magnacaire

De vérité, le subject des lettres n'est pas assez preignant, et n'y a pas grandes charges; je me rapporte à la pluralité des opini ons

SlGIBERT

Nous ordonnons, pour certaines bonnes considérations à ce nous mouvant, que confiscation n'aura lieu sur les biens de Melancie, femme de nostre aimé gouverneur Cassarole, qui nous estoient acquis parle forfaict qu'elle avoit commis en sa personne. Et faisant droict sur les moyens d'accusation proposez à rencontre de Franciarque, gentilhomme ordinaire de nostre chambre, avons surcis et surceons, jusques à ce que plus amplement ait esté informé du faict par nous-mesme en propre personne, ou autre ayant charge expresse.