Scène II
TUBRUGUS ARCHIVENEUR, BIRACURE, SIGIBERT.
TUBRUGUS
Je ne sçay quelles affaires sont survenues en Cour, qui ont empesché le Roy de prendre ses plaisirs àla chasse, ainsi qu'il a accoutumé; il faut que ce soit quelque chose grande, car le temps a esté si commode pour courre le cerf, que je m'esbahis fort comme Sa Majesté n'a commandé que je fisse publier la chasse.
Biracure
Aussi, je me suis estonné ces jours-cy, que j'ay veu le Roy tout pensif, et neantmoins je n'ay ouy parler d'aucune chose nouvelle ny sçeu qu'il fust arrivé quelques Ambassadeurs en Cour. Mais quoy qu'il y ait, il faut que ce soit affaires d'importance, pource que, comme vous avez bien remarqué, Sa Majesté n'est pas si longtemps sans prendre le plaisir des champs.
Tubrugus
Je ne doubte point, encores qu'on n'en face point de bruit, qu'il n'y ait quelque chose de sinistre aux affaires d'Estat; car je sçay
DU FmANOIARQUH Bl G à LL1 \ B-H E «7
trop bien que le Boy, de son naturel ne pend s;uis de très-grands empersohemena se garder de prendre les cxcicie s de la chasse. Il a beaucoup de contentemenl en son Royaume. et diverses choses auxquelles il se délecte infiniment, et neantmoins aucune ne luy apporte tant de plaisir et de resjouissance que la chasse, sans la commodité qu'il en reçoit en sa santé.
BlRACURE
Les Rois qui sont paisibles dans leurs Royaumes s'exercent à la fatigue et aux ruses de guerre par celles de la chasse, et j'ay tousjours ouy faire grand estât à mon père de cet exercice, d'autant qu'on s'y façonne merveilleusement à mille petites dexteritez qui se pratiquent à la rencontre, lors que l'on suit la beste. Ne diroit-on pas que ces chiens que nous tenons en laisse et au relais sont des embusches et escarmouches? Ces longues toilles que nous gardons, sont-ce pas espèce de tranchées? Et les bestes farouches après lesquelles nous courons de si grande affection, desirans les terrasser et tuer, sont-ce pas comme des ennemis que nous poursuivons en pleine campagne?
Tubrugus
Il est tout vray qu'il n'y a rien qui ressemble mieux à une guerre qu'une chasse
bien conduitte, et que c'est là tout ainsi qu'aux armées que l'on recognoist les meilleurs cavaliers et plus adroicts. Comment un gentil-homme se gardera-il de son ennemy en plein champ de bataille, si en raze campagne il se laisse chocquer à une beste, et qu'il soit si lourdaud, que venant à luy, il ne sçache comment luy couper chemin, ny où l'attendre et la choisir pour luy porter son coup bien à propos?
SlGIBERT
C'est grande adventure si ces deux-cy parlent d'autre chose que de la chasse. De quoy parliez-vous ensemble; dittes-moy la vérité : est-ce point de vos maistresses?
TUBRUGUS
Certes, Sire, nous avons bien d'autres pensemens, au moins moy, que de songer à l'amour; mais je ne respons pas pour Biracure, d'autant qu'on m'a dit qu'il a une maistresse depuis trois jours. Toutefois, il faict le fin et n'en parle à personne, estimant que l'on n'en sçait rien.
Biracure
Vous dittes de moy ce que vous craignez que je die de vous. Ma foy,Sire, si ce n'estoit vostre respect, je luy rendrois bien son change.
DE FRANCIARQUE ET CALLIXENE 89
S I G I B I BT
Dy-luy ce que tu voudras, car je ne t'estinicr.iy pas avoir de L'entendement, si tu ne sçay bien repartir à ce qu'il te reproche de ta maistresse nouvelle.
BlRACURE
Si je parlois à Tubrugus, je luy dirois à l'oreille qu'il n'y a pas longtemps que sa maistresse est sortie de la forge.
Tubrugus
Comment, de la forge? N'en parle point, elle est d'aussi bonne extraction que la tienne.
BlRACURE
Vrayment, je ne le prens pas là; mais, puisque tu le veux sçavoir, c'est qu'elle a encores les soufflets au cul.
Tubrugus
En dépit du vilain ; prens-là donc par où tu dis. Voilà de beaux propos; as -tu point de honte?
SlGIBERT
Je voy bien que c'est ; gardez ce vent là pour vous deux, qui mettez la bouche au
cornet, et m'allez apprester mes chevaux de chasse et mes chiens : je veux avoir le plaisir d'une biche après le disner.
TUBRUGUS
Sire, je pensois que la mousse viendroit aux pieds de vos lévriers; je vous asseure qu'ils feront bien leur devoir, et moy aussi.
BlRACURE
Tu entens possible que tu f erois mieux le devoir de disner que de la chasse.
TUBRUGUS
Par ma foy, si je le fais bien à table, tu le fais encore mieux. Parlons d'autre chose, puisque le Roy est allé disner; tout sera-il prest à l'escurie?
BlRACURE
Sonnez vostre cor, je m'en vois donner ordre partout.
TUBRUGUS
Ce goulu donnera mieux ordre à une cuisine qu'à la chasse; il prend bien la venaison, mais c'est un plat. Il est bien temps pour luy d'aller disner; je suis tousjours fourny dès le matin, car je craindrois qu'il prist envie au
DE FRANCIARQUE ET CALLIXENE 91
Roy, comme il m'a desjà, trompé deux ou trois fois, d'aller dès son resveil à la chasse; quand sa volonté le prend, il ne me demande pas si j'ay disné. Il n'est que de dcsjeusner du matin, d'autant que le plus souvent, qui s'attend à la viande du Roy est mal asseuré et disne bien tard. Je m'en vois sonner pour la seconde fois; le dernier couvert est sur la table, Sa Majesté aura incontinent achevé de prendre sa réfection.
BlRACURE
Me voicy prest et tous mes chiens accouplez; le Roy descend, d'autant que les gardes battent aux champs. Estes-vous d'avis que je voise devant?
Tubrugus
Voicy le Roy, nous ferons ce qu'il luy plaira.
SlGIBERT
Allons dans la haute forest; quelqu'un m'ail remis une biche?
Tubrugus
Vostre Majesté n'arrestera pas à rencontrer la beste. Biracure est du costé de la rivière qui vient à nous, avec les chiens; s'il vous plaist, Sire, je costoyeray le bas de la forest.
92 LES AMOUREUX BRANDONS SlGIBERT
A moy, compagnons, à moy! Tai, Mirault; icy, Sigaut ; voicy un sanglier qui a sur son dos un enfant qu'il emporte : à la beste, à la beste ! Je luy ay donné un coup d'espée dans l'espaule gauche , et sitost que je l'ay eu frappé, l'enfant qui estoit dessus a disparu, dont je m'esbahis grandement. Si ce n'eust esté que je craignois de blesser cet enfant, j'eusse aisément mis le sanglier par terre. Le mal-heur a voulu que nul de vous ne s'est trouvé autour de moy quand il a passé contre moy; suivons -le à la piste.
B ira eu RE
Sire, les chiens sont vers la grosse pierre et sont esgarez, ayans perdu leur sentiment; je crains que ce soit quelque fantosme et illusion : car quelques-uns d'entre eux sont hors d'haleine et comme troublez d'effroy, ayant perdu tout jugement de la beste.
Tubrugus
Je ne sçay, certes, que je doibs dire d'un tel accident : j'ay veu le sanglier tourner par deçà ; mais il n'y avoit aucun dessus ; néant moins, je ne doubte point que l'illusion ne m'ait trompé et que vous, Sire, n'ayez apperçeu un enfant dessus son dos. Or, il faut donc par nécessité que ce soit un fantosme qui fust
DE FRANCIARQUE ET CALLIXENE 93
dessus, ou que deux sangliers ayent passé près de vous, dont l'un eust l'enfant sur ses eschines; et toutes fois, il y a de la répugnance en ce que nous voyons par ces gouttes de sang qui sont à terre et sur la lame de vostre espée, que le sanglier estoit naturel, e1 qu*il n'y avoit que l'enfant qui a disparu, qui fust le fantosme.
SlGIBERT
Je l'ay ainsi remarqué, car après mon coup rudement poussé dans le flanc de la beste, elle s'est dressée contre moy, et a faict effro- 3'ablement craqueter ses défenses pour la douleur qu'elle a ressenty du coup : de sorte qu'elle a faict un tel effort contre moy, que j'ay esté contraint de mettre les deux mains à mon espée ; mais aussitost que j'ay eu tourné le bras, voulant redoubler mon coup, l'enfant a disparu, et le sanglier s'est jeté à travers les broussailles.
BlRACURE
Tousjours nouveaux subjects de tesmoigner vostre invincible courage se présentent à vous, Sire ; je m'estonne comme vous avez escbappé à ce danger, car de toutes les bestes qui se présentent aux chasses de ce pays, nous n'en avons point de si dangereuses que les sangliers. Ils ont le heurt et le choc impétueux, et la dent encores plus dangereuse ;
et faut bien que celuy - cy que vous avez blessé soit merveilleusement puissant, veu que vos chiens mesmes en ont eu peur.
Tubrugus
Ce n'est pas le sanglier qui leur a causé ceste frayeur; il faut par nécessité que ce soit le fantosme, d'autant que ce n'est pas le premier ny le plus grand qu'ils ont pris. En la dernière chasse que Vostre Majesté fit, il en fut tué un qui n'estoit gueres moindre que celuy que j'ay veu venir vers vous, si c'est celuy-là sur lequel estoit le fantosme.
Sigibert
Celuy que j'ay blessé estoit tout noir, fors une tache rougeastre qu'il avoit soubs le ventre, que j'ay apperçeuë quand il s'est dressé sur mon espée. Et c'est lorsque j'ay pensé que l'enfant qui tenoit ce sanglier par les oreilles fust tombé par terre; mais comme la beste s'est déferrée et a donné dans le bois, je nay plus veu l'enfant, et ay bien avant suivi le sanglier, et entendu comme il fuyoit parmy les feuillages.
Tubrugus
Certes, Sire, le sanglier que j'ay veu fuir vers vous estoit entièrement noir; il n'ira pas beaucoup avant. Vous plaist-il que nous le poursuivions ?
DE FRANCIAKQUE LT CALLIXENK 15 SlQIBERT
Non, qu'on appelle les chiens: je veux sçavoir de mon conseil que peut signifier un tel accident. Il ne faut point despiter la fortune ; possible que ce m'est un advertissement pour me garder quelque chose pire : que chacun me suive.
