Scène I

PHORBAXTE, FRAXCIARQUE, COSROES, CALLIXENE.

Phorbante

Il y a jà longtemps que délaissant mon exercice accoustumé, je n'ay fait aucunes courses en mer, et voy bien que mes affaires se feront mal, si dans peu de temps il ne m'arrive un bon butin. Je me suis tellement acasané en mon chasteau, que je crains que moy et mes gens trouvions estrange la fatigue de la mer, et suis d'opinion de faire au plustost equipper mes brigantins, et ramasser mes gens, afin d'aller cercher nostre bonne fortune. Je ne croy pas, et je l'apprens par expérience, que cette déesse rende indiscrettement, quoy que l'on en die, les uns pauvres et les autres riches ; mais il me semble au contraire que c'est nous qui nous