XL

Dont as-tu pris cette couleur naïve?

Comme as tu peint, Denisot, ce portrait, T'ant bien au vif contrefaisant l'atrait, 4 Qui dans son mort atrait de force vive?

Le dieu felon, qui de toutz biens me prive Pour un seul bien, qui de moy m'a soutrait, Ce vermillon detrampa de son trait, 8 Dans la coquille ou Venus vint a rive.

Se donne garde un chacun regardant, Que ce portrait ne luy voyse dardant 11 Un chaud brandon qui luy epregne l'ame :

Et si ce mort lui embrase le cueur, Qu'il pense aumoins la piteuse langueur, 14 Qui tient le mien par le vif qui l’enflamme.