A LA MESME

TU n'as pas seulement de nostre Paix souci. Soit pour avoir bien sceu rechercher, et bien faire, Soit pour la préserver du trouble, son contraire. Mais nostre guerre en main tu as pris tout ainsi :

J'enten[s] guerre licite et non celle qu'ici

Un mal d'esprit a peu sinistrement attraire.

Pour du lien commun d'un seul Dieu nous distraire,

D'un seul Christ, d'un seul Roy, d'un seul païs aussi.

Le Havre où ton advis tout seul poussa l'armée De ton cœur, de ton heur, de ton droit animée.

Les soldats enflammez et guerdonnez par toy :

Les blessez recueillis, le lieu que tu oiJonnes, Où la vie honorable après l'honneur leur donnes, Monstrent que nous avons eu une Royne un Roy.