Aye d'Avignon

a Irons à Karlemaine por toi merci proier;

a Je li dorrai einçois de besanz .1. sestier

« Que ne te perdoint s'ire à petit de targier

« Ce que tu confessas de li tuer l'autrier,

« Et que tu le dévoies par poisons engignier.

« Fai lai ysnelement , je le te lo, Garnier,

a Et se tu ce ne fais , saches sans mençongier

« Ja te porfendrai tôt de m'espée d'acier,

a Que Dieu ne saint ni herbe ne t'i ara mestier. »

Garniers a d'Auboyn la remporne entendue , Et si a la colée bien du gloton sentue; Le sanc voit de sa teste chéoir sor Perbe drue ; Or sachiez que Garniers en a grant ire eue : Adont fier Auboyn de s'espée molue.

Li glos li a la targe à l'encontre tendue; Li dus Garniers li a par le milieu fendue. Sor le cercle de l'yaume l'espée est descendue, Ensement li trancha corn fust une laitue ; Par si très grant reidor l'espée est descendue Que la senestre oreille li a du chief tolue. Dont li a dit Garniers à la fiere véue : a Par Dieu , sire Auboyn, m'espée avez sentue, « Encor ne l'avez vos pas à droit connéue ; « Mes , se il plest à Dieu et la Virge asolue , « Vos la connoistrez miex ainz que nuit soit venue. « Mar avez contre moi traïson esméue; a II vous vausist miex estre en Ynde la perdue. « Au premier larrecin que ferez de venue « Serez tantost pendu , ce est chose séue. « Vos n'avez c'une oreille, l'autre vous ai tolue; « Vo loiauté sera encui apercéue , « Et la grant tricherie de vous reconnéue. « Si soit l'ame de moi du cors Dieu asolue

20 Aye d'Avignon. 612-644

« Que onques traïson par moi ne fu méue. »

AUBOYN a grant duel quant la parole entent, S'oreille voit à terre , dont a le cuer dolent ; Onques mes n'ot tel duel en trestout son vivant. II jura Damedieu, le glorieus poissant, Que se il ne s'en venge , ne se prise noiant. Venus est vers Garnier moult enragiement, De sa tranchant espée le fiert si roidement Amont sor son escu que très par mi li fent , Et de l'yaume du chief une pièce ensement. S'or ne tornast l'espée el poing au soduiant, Il éust mort Garnier, dont fust domage grant ; Mes l'espée torna si comme en resortant, Fors du poing li vola malgré son nés devant. Adont fu Auboyin esbahi durement; Repenre la cuida, mes trop ala tarjant, Que Garniers de Nentuel l'avoit levée avant. La soue met ou feurre, l'autre va paumoiant , A Auboïn escrie : « Dans glos, n'irez avant; « Çà me Ierez la teste, se Diex le me consent. » Mes Auboyn estoit hardis et combatant; Vers son cheval s'adrece qui se gesoit el champ, Et a pris une mace qui à son arçon pent. Mes Achart et Hondré, qui furent si parant , (Cil furent fil Maquaire, se l'estoire ne ment) Celé part sont venu à .XXX. de lor gent; Ja ociront Garnier, se Dieu pitié n'en prent. Si eussent il fet sanz nul delaiement Se ne fussent les gardes qui bien gardent le champ , Qui homme furent Karle, et furent plus de .c. A l'encontre lor sont saillis ynellement ; La mellée commence et la noise s'estent. Tost en orent le pis li félon soudoiant ;

*4j— 677 Aye d'Avignon. it

.XXII. en ont mort à Pencommencement,

Et les .vin. en prison furent mis laidement.

Karles jura la barbe qui au menton li pent

Que il ne bevra mes ne claré ne piment

Tant qu'il ara fet d'eus tout son plain jugement.

Auboyn et Garniers furent encor ou champ.

AUBOYN fu ou champ, qui fu frère Milon, Et fu cousin Maquaire et neveu Ganelon , Qui fist en Renchevaus la maie traïson Dont furent mort à glaive li .XII. compaignon. Li glos tint une mace de cuivre et de laton , Que il ot aportée pendant à son arçon ; Par mautalent en fiert Garnier, le fiz Doo n, Desor son elme [amont] li donna tel fraion Que si fu estordis Garniers le fiz Doon , Que il est d'un genoil chéu à genoillon. Se li glos recouvrast, mort éust le baron; Mes Garniers se dreça sanz nulle aresteson, Et a haucié Pespée qui ja fu au gloton , Auboyn a féru , car ne het se lui non , Ainsi comme Diex volt , le roi de tôt le mon , Que le poing li copa , dont je fis mencion, A quoi il tint la mace, si li en fist mongon. A terre chiet li glos très emmi le sablon. De celui cop a joie da,me Aie d'Avignon; Elle ne fust si liée de tôt l'or d'Aragon. Auboyn une pièce se juten pasmeson, Et quant il resperit , si dist en sa raison : « Ne me touchiez vous plus , gentil fiz de baron , « Et je confesserai toute la traïson « Par quoi je vous avoie merle au roi Karlon ; a Faitez moi ci venir Karle de Monlaon. » Et les gardes ont dit : « Volentiers le feron. »

2i ,Aye d'Avignon. 678—711

Karlemaines vint là, o lui le duc Naymon

Et des barons de France assez et à foison.

Et l'emperere apele Auboyn le gloton :

« Vassal, dit Karlemaines, di ta confession;

« Por quoi merlas à moi Garnier, le fiz Doon ?

— Ha! sire , fet li glos, le voir vos en diron :

« Je mis sus à Garnier la mortel traïson,

« Qu'il vos voloit ocire d'espée ou de poison ;

« Et si vos dirai, sire, par quel condicion :

« Je le cuidai ocire en ce champ à bandon ,

« Et si cuidai avoir dame Aye d'Avignon ;

« Je l'eusse donnée à mon frère Milon

<c Qui la déust avoir par droit et par raison ;

« Por tant que vos jadis l'en féistes le don,

« Bien la déut avoir par droit et par raison ;

« Car sachiez que mon frère est loial et preudon,

« Ni onques n'i pensa nule rien se bien non;

« Il n'a culpe en ce fet , que le celerion ?

« Ce fet me fist enpenre Aquart et Hondrion ,

« Ceus que vos avez mis hui en vostre prison ;

« Par ceus ai ge perdu et l'oreille et le pon.

« Et vos , soiez honnis , emperere Karlon ,

« Se vos ne lor rendez de ce fet guerredon.

« Je me rent por vaincu par devant maint baron ;

« Por ce ne di je pas que cuide avoir pardon ,

> Ne à l'ame de moi nulle remission :

« Se je vois en enfer, selon m'entencion ,

« Je trouverai laiens mon oncle Ganelon

« Pinabel de Sorence , et mon parent Guion ;

« Nous seron moult grant geste en celé région.

« Mes je descorpe bien mon chier frère Millon;

« Se l'ame de moi ait au jugement pardon,

« Mon frère n'i pensa onques riens se bien non ;

« Le fet esvint par ceus c'on a mis en prison

7ia—744 Aye d'Avignon. 2$

« Et par moi ensement , que le celerion ?

— Barons, dit Karlemaines , prenez moi ce gloton, « Et me faites les .VIII. geter de la prison

« Qui mistrent sus Garnier la maie traïson « Et le voudrent ocire ; si est droit et reison « Que chacun d'eus en ait tantost son guerredon. « Or tost si les menez tous .IX. à Monfaucon ; « Que par l'ame Pépin mon père , le baron , « Je ne mengerai mes de char ne de poisson , « Si aront lor déserte d'avoir lor guerredon. » Et cil ont respondu : « Volentiers le feron.

— Barons, dit Karlemaines, bien est raison etdrois, « De ceux qui ont mespris la venjance prenois; « Auboyn se confesse , si corn vous entendois , « Que ce li firent faire li gloton maléois « Qui sont en ma prison; par Dieu qui fist les lois, « 11 en seront destruit, tant voeil que vos sachois, «■ Et Auboyn ov'eus, li félons maléois. « Mes Millon n'i a coupes , si corn vous entendois; « Son frère le descorpe, si est raison et drois a Que ne li soit jamès reprochié de François.

— Sire, dient li per, vos en ferois vo chois. » Adont sont amené li gloton maléois; Auboyn devant toz fu atelez ençois ;

Lui et les maus glotons , trichieres maléois , Ne furent traînés ne pendus c'une fois. Et Mille fet trosser près d'un mui de mensois, A Karlon les tremet qui de France fu rois. Karles prist le présent, mais ainz que soit [.!.] mois, Se Damediex n'en pense , le comperra li rois , Et si fera Garniers de Nentuel, lecortois. Or vient bonne chançon , mes que vos entendois ; amès par jouglaor nulle meillor n'orrois.

24 Aye d'Avignon. 74s— 778

Ll rois fet le présent et penre et estoier Que li envoia Mille, le félon pautonnier. En iceli présent avoit maint bon denier Que puis conpera Karles , si fist li dus Garnier, Si com porrois oïr à petit de targier. Karles a por Milon tantost fet envoier, Et li manda li rois qui a France à baillier, Viengne parler à lui en son palais plenier. Et Millon si a fet , qui ne l'osa leissier. Li rois l'asist lez lui en son palais plenier, Puis li a dit li rois, oiant maint chevalier : « Miles, ce dit li rois, je sai sanz mençongier « Vos estez d'une geste où il a maint princier, « Et si avez sous vous tel terre à justicier « Dont vos poez mander de gent .XV. millier. ,« Por la grant loiauté que j'oi de vos noncier, « Que n'avez ou fet corpes de cest estor premier « De quoi on a destruit maint vaillant chevalier, « De ce fet vous clain quite de bon cuer et d'entier; « Descorpé vos en a tel que ne voeil noncier. « Vos ne vos devez pas nulement corocier « S'on fet à 11. mauves sa droiture paier ; « Et je deffens à tous en mon palais plenier « Que le vous doie nus nullement reprovier. « Je vos commant com rois, et deproi et requier « Que vos d'ore en avant soiez amis Garnier, ce Le seignor de Nentuel , que je par ai tant chier; « Entre vos .11. et Nayme soiez mi conseiller. « Par si faite raison com ja m'orrés noncier, « Je vous afi com roi que la prime moillier « Que vos vorrois avoir en mon païs plenier, « Por qu'elle n'ait mari , loiaument , sanz trichier, « Que je la vous dorrai de bon cuer et d'entier ; « Et soiez bons amis plus que n'estiés yer.