sn Aye d'Avignon

— Sire, je m'i acorde » , ce dit le pautonnier. Dont les fet devant lui Karlemaines baisier. Mes ce fu pais sanz foi , si com m'orrez noncier, Que puis en fu ocis en traïson Garnier.

A icele parole ez vous .1. messagier

Qui monta les degrés du grant palais plenier ;

Karlemaine demande , on Ii va enseignier,

Et Ii mes devant lui se cort agenoillier.

Ja dira tel parole à petit de targier,

Qui moult corouça puis le gentis duc Garnier

Et Aye d'Avignon sa cortoise moillier,

Si com porrois oïr à petit de targier.

Li mes vint devant Karle, en la sale pavée, Qui ot fet sa justisse d'Auboyn la jornée, Dont sa lingnie est moult corocie et troublée, Por quant au duc Garnier orentfet l'acordée, Mes ce fu une pais de traïson forrée.

Li mes a une leitre au roi el poing plantée , Et Karles la fet lire, quant la cire ot froée, A .1. sien chapelain qui li a recordée. A Karlemaine a dit : « N'i doi faire celée, « Rois Enséys vous mande, [de] Colongne la lée, « Que félon Sarrazin li tolent sa contrée ; « Por Diex secorez lai , si vos plest et agrée. « En convant li éustez, jadis une jornée, « Que , se de Sarrazins sa terre estoit gastée, « Vous le secorriés vos et vo gent armée.

— Tôt cefu voir, fet Karles, par ma barbe mellée. » Au messagier a dit : « Escoute ma pensée :

« Va, di à ton seignor, ainz quinzaine passée, « Li ferai ge secors , par la vertu nommée, 0 0 moi .LXm. de bonne gent armée; « Par Garnier i sera m'oriflambe portée,

26 Aye d'Avignon. 812—844

« Milon venra 0 nous à iceste assemblée.

— Sire, ce dit li glos, si soit corn vous agrée. » Adont fu la gent Karle inellement mandée, Plus de .imxx. mile a on sa gent esmée. Karlemaines commande que l'ost soit aroutée , A Garnierde Nentuel Poriflambe a livrée. Dame Aye d'Avignon a li dus apelée :

« Alez à Avignon où vos serez menée ;

« Foucon et Guinemer à la chiere membrée,

« Et Girars de Riviers , à la bone pensée,

« Vos menront à Nentuel , si vous plest et agrée ,

« A .xxx. chevaliers de mesnie privée.

— Sire, ce dit dame Aye, si soit corn vos agrée. » Au partir de Garnier mainte lerme a plorée. Karles esmut son ost , sa gent sont aroutée ;

0 lui s'en va Millon à la maie pensée.

Amauguin et Senson otdit à recelée

Que de lor gent .vc. soit tantost aprestée ,

Qui s'iront embuchier ens el bois de Val prée ;

Yllec sera dame Aye saisie et atrapée ,

Et la gent qui l'amainnent soient à mort livrée.

Et il ont respondu : « Il nous plest et agrée;

« Quant vous serez de là en celé autre contrée ,

« Pensez comment Garniers ait la vie finée.

« Dame Aye d'Avignon vous sera bien gardée;

« Si tost corn revenrez en France la loée,

« Nous feron tant à Karle, par la Virge honorée,

« Que dame Aye sera vo moillier espousée. »

Si ont la traïson li glotons acordé.

Karlemaines s'esmut 0 son riche barné Por secorre Anséys, qui est roi coronné. D'autre part s'en va Sensés et Amauguin l'enflé, A .Ve. de lor gent, et si ont tant aie

845—878 Aye d'Avignon, j 27

Que sont en la forest de quoi je vos parlé ,

Par où Aye devoit aler en son régné.

Foucon et Guinemer ont dame Aye adestré

A .xxxv. personnes et Girart le séné.

Onques n'en sorent mot li baron nature,

Si se virent enclos de .Ve. ferarmé.

Lor défense lor a le jor petit duré ;

Toz i furent le jor ocis et afolé ,

Fors Fouqueset Guynemer et Girars le séné.

Amaugin les éust pendus etencroé ,

N'éust esté Senson qui l'en a destorné.

Là fu prise dame Aye qui tant a de biauté j

Amauguin en éust feite sa volenté,

Et si éust son cors honni etvergondé,

Mes Senson l'en defent : puis fu guerredonné,

Si corn porrois oïr ainz qu'i soit avespré.

Onques n'ot des dame Aye c'un vallet eschapé,

Qui estoit par le cors d'un roit espié navré.

1 vint à Larion , une riche ferté ;

Là trouva Fouquerant et Renier le séné,

Qui sont neveu Garnier de Nentuel, Palosé.

Li escuiers lor a conté la vérité,

Ainssin corn Amauguin et Senson ont ovré ,

Qui ont prise dame Aie et Girart le membre , Et Fouque et Guinemer et lor gent desrobé. « Nous n'estion que .xxx., chacun tôt desarmé, « Ne nous donnions garde de celé fauseté , « Quant Sensé et Amauguin nous orent escrié « A tôt plus de .Ve. fervestn et armé; « Onques ne fu que moi solement eschapé. a Por Dieu ! franc chevalier, soiez bien avisé , « Si rescouez dame Aye, où tant a de biauté , « Qui est mollier Garnier vostre oncle , le séné, a Qui s'en va avec Karle en estrange régné. »

28 Ayë d'Avignon. 879—910

Fouquerant et Renier, quant il ont escouté, Ont fet sonner .1. greille et lor gent sont armé, Plus de .imm. hommes sor bonschevaus monté; Ou bois de Lorion sont au devant aie, Au pas où li gloton durent estre passé. Miex vaut amis en voie, souvent est recordé, Que denier en corroie, ja vos sera prové.

Li .II. neveu Garnier de Nentue[l] le baron, Fouquerant et Renier, furent de grand renon. Quant ont apris du fet corn Aye d'Avignon En enmainne Amauguin et son oncle Senson , Lor gent font aprester, n'i ont fet lonc sarmon. Bien furent .imm. entr'eusli compaignon , Que [Reniers] a à route el bois de Lorion, Par où devoit passer Amauguin et Senson , Auquiex se combatront por Aye d'Avignon . Et li gloton aprochent dont je fis mencion, Qui ne se donnent garde de lor destruction. Renier et Fouquerant, fiz Garin de Mascon, Et Aquart de Niviers et Thiebaut d'Arquenchon , (Cil sont del parenté Garnier, le fiz Doon) , Il sont venus encontre Amaugin et Senson ; Chacun c'est escrié fièrement àcler son : « Trop alez folement , fiz à putain gloton ; « Mar véistez dame Aye, la nièce au roi Karlon. » Puis ne tienent marchié ne de fer ne [de] pion, Tantost les vont ferir, si esmut la tençon ; Estez les vous merlez por Aye d'Avignon. « Hé',! Diex, fet la duchese, par ton saintime nom, a Quiex gent ont asailli les oirsde Grailemont? « G'i voi une autre enseingne, je ne sai qui il sont. « Grant souffraite ai de vous , Garnier, le fiz Dooa « James ne me verrois, gentis fil de baron. »

9t i — 94) Aye d'Avignon. 29

La dame voit l'estor et ot chacun qui crie , fit elle ne fu pas foie ne esbahie, Ains descendi à terre du mulet de Sulie, Et lesse aval coler son bon mantel d'ermine, Et remest ou bliaut de porpre d'Aumarie. Puis aqueut une sente par une voie entie Par où la gent du lieu ont maint jor yaue quise A une grant fontaine qui contreval ravine. Nus hons n'i puet passer sanz barge ou sanz galie; Tant redouta la dame qu'elle ne soit honnie Qu'ele se fiert en l'iaue en péril de martire. Tant noe et tant travaille et tant Diex li aïe, Qu'el avint d'autre part droitement à la rive , Et garda devant li à la lande enermie , Et vit une abéye gastée et apovrie ; Illec estoit recluse Audegont la marchise, Avec li .XV. dames avoit de compaignie. Parmi ce Jeu gasté, en celle desertie, Ours y a et lyons et pors et sauvagine. La recluse l'apele et li a dit : « Amie, « Estes vos eschapée ou de chambre afoye, « Ou tolue à seignor ou il vos a guerpie ? « Lequel que fet avez , ne le me celez mie, « Et si ne vos dotez d'omme qui soit en vie, « Car vos estes du tôt céans à garantie.

— Dame , dit la duchoise , à moie foi , ge non ; « Sachiez que je sui famé à .1. noble baron : « Ne sui pas ci venue por mavez achoison. « Antoine fu mon père, li sires d'Avignon , « Et sui nièce de France au riche roi Karlon. « Le roi m'avoit donnée Garnier le fiz Doon ; « Il va o Pemperere, si porte le dragon , « Au siège de Colongne , où li Sarrazin sont.

$o Aye d'Avignon. 944—974

« Je m'en voloie aler tôt droit en Avignon,

« Amauguin m'espia, entre lui et Senson ;

« Mes hommes m'ont ocis, 0 mon avoir s'en vont ,

a Et je me mis en l'yaue sanz nage d'aviron ,

a Si m'a Diex aconduite et mise àgarison. »

Et respont la marchise : « Et nous vous retendron;

« Par la foi que vous doi, fallir ne vos devon.

« Antoine fu mon frère, li sire d'Avignon ;

a Or le ferai savoir Anséis et Droon,

« Renier et Fouquerans , fiz Garin de Mascon ,

« (Tuit cil sont mi cosin , ne ja ne me faudront)

« Et Achar de Mesines et Thiebaut de Chalon.

« Ja Damediex de gloire ne lor face pardon,

a Cil n'abatent I'orguel des parens Ganelon. »

La merci Damedieu , or est Aye garie ; Berengier ne Senson n'en auront mes baillie. Es bruis de Lorion fu grans la tabourie Et d'escus et de lances et d'espées forbies; Plus de .C chevaliers y perdirent les vies Por Aye la duchoise, et si ne Forent mie.

Es bruis de Lorion, es vaus de .1111. terres , Là cort l'eve d'Orfunde qui bruit parmi les estres. De pins et de Ioriers i fu labruille belle; D'ostors et de faucons y trêve l'en les estres. Illec perent les flors de maintes bêles herbes De quoi font les mecines li mires de Salerne. Li destrier ravineus il trestornent lor selles [Et] rompent et traînent [etj lorfrains et lor selles; Quant li cheval là marchent , itant souef lor flaire Remembre[r] vos péust de paradis terrestre.

Es bruis de Lorion fu li chapléis fiers ;

97$— '007 Aye d'Avignon. $i

Des grans cox que il donnent sont chargié li destrier,

Qu'onques à nulle foire ne pot si barguegnier.

Fouques et Guinemer et Girars de Rivier

Gesoient tuit lié, desous .1. olivier,

De saïnz et de cordes ; n'i ot que corocier.

Li homme Fouqueran et li homme Renier

Lor crient hautement : « Qui estez, prisonniez ? »

Et cil lor respondirent : « Hommes sommes Garnier ;

a Ov' Ayela duchoise fusmes desconfis yer. »

Et cil lor vont les cordes et Ie[s] saïnz trenchier;

De merveilleuses armes les font appareillier.

Premerains est monté dant Girars de Riviers,

A son co] .1. escu , en son poing .1. espié ,

Et va ferir Sanson qu'il encontra premiers.

L'escu qu'il ot au col li a fet enbrunchier,

Tant corn hante li dure, tôt envers Pabatié

Qu'en la terre li fet le vert elme fichier;

11 est pris de .c. pars , ainz qu'i puist redrecier,

Et Girars s'escria : » Avignon ! chevalier. »

Quant Sensés le connut, si l'apela premier :

« Est ce le guerredon que je deservi yer,

« Quant je vous garanti de la teste trenchier?

« Onques vostre parage ne tint jor le mien chier. »

Es bruis de Lorion fu li chaples tenus; Li cheval ravineus i traînent lor bus.

Atant par la bataille vint Amauguins li bruns ; Escrie hautement : « Sire oncles, que fais tu ? « Onques mais hons en terre tel perte ne reçut : « De .lllc. chevaliers , les blans haubers vestus, » N'enmenrez que .xim. ne soient confondus. « Tu nous i amenas , or nous en reconduis. » De la presse s'en ist Haguenons li chenus , Plus y a de .C. cox à l'espée férus.

$2 Aye d'Avignon. 1008—1040

Es bruis de Lorion fu li chaples moult gratis. Li jors est tous alez et la nuit est venant ; , Assez y acorut des hommes païsant Qui gardoient l'eschec de l'avoir au parant. Senson font desarmer, qui qu'en plort ne qui chant , Et il beise les mains Renier et Fouquerant Et Girartde Rivers, nobile combatant.

o Que ferez vous de moi , franc chevalier vaillant ? « Ja serai je pendus, se roi Karles me prent. » Et cil li respondirent : « N'en savonmes noient; « De vos fera li rois trestot li sien comment. » Icelle nuit se jurent sus l'erbe verdoient ; L'endemain se levèrent par son l'aube aparant. Estes vos le grant bruit et la joie et le chant ; Mais d'Aye la duchoise furent moult merveillant, Dont nus se soit à dire nouvele ne semblant. Le mantel et la mule trouvèrent en présent ; Dit Girars de Riviers : « Ce rêvait malement ; « Se ja madame y lais , bien semblerai enfant. » Il montent es chevaus et vont par tôt cerchant ; Nouveles lor en dient .1111. hommes païsant Qui venoient d'Orfonde peschier à .1. chalant. « Baron , franc chevalier, oez nostre semblant : « De famé crestienne ne savon tant ne quant; « Mais à celle fontainne, desous ce desrubant, a Viennent moult souvent fées , lor cors esbanoiant. « Ersoir en y ot une, et gente et avenant , « Si se feri en l'yaue sanz nef et sanz chalant, « Isci s'en passa outre , trestous nos eux voiant , « A celle grant chapelle à celle aube tenant; « Onques puis n'en oïsmes nouveles tant ne quant. » Et dit li uns à l'autre : a C'est elle , à esciant.» II poingnent les chevaus, si s'en tornent atant.

iLpoingnent les chevaus, qui la dame vont querre; L«s gués lor enseingnierent païsant de la terre. Et passèrent Orfonde , au pont sor Rochefrete , Et acuillent la route tôt droit à la chapelle, Et quant il trevent Aie, dont fu la joie belle. La dame oï Girart, en riant l'en apelle : « Fiz à bon chevalier, bien voi que Girart estes, « Ne me celez vous mie, corn est de l'autre perte ?

— Dame, ce dit Girars, ja commence tel guerre « Onques ne fu si grant, puis le premier encestre. « Sensés est retenu , paor a du chief perdre. -

— Certez, ce dist Aien, grant proesce avez faite; « Quant le saura Garnier, moult la tenra à belle.

« Girars, dit la duchoise, Sensés ne hé je mie: « Il te gari de mort quant l'en te volt ocire, « Quant eus sor ton col .11. espées forbies, « Et moi redefendi que je ne fu honnie; « Anmauveisé le fist se ne l'en rent mérite. « Por quant, de la prison nen istera il mie. « Jel ferai bien garder tant que venra mi sire, « Et si ert en prison en la chambre marbrinne; « Puis prierai merci Karlon de Saint Denise, « Qu'en prengne raençon, por Dieu, que ne l'ocic. « Et c'il en veut avoir, je l'en dorrai .C. livres, « Et se Garniers m'en faut, je n'iere mes s'amie. » I liée prennent congié d'Audegon la marchise; Lor eschec en menèrent, ne [lui] lessierent mie. Et trestous les vilains a fet joians et riches; Deci à Avignon l'esconduient et guient.

Senson met en la chartre , bien cuide estre garie ; Mes grant painne li vient et esprent et avive : Berengiers la sivra, ne li tardera mie.

Ayt d'Avignon. 3

34 Aye d'Avignon. 107}— 1104

AYE est Avignon , ou palais son encestre , Senson met en sa chartre , bien garie en cuide estre ; Or li revient li maus et ravive la guerre, Car Berengiers l'assaut au matin et au vespre. Karles fu en [Esjpengne et Garniers en repaire. A duel et à essil met Berengiers sa terre ; Se longuement demeure, moult sera grant la perte.

Ce fu à .1. matin que leva li solois , Par devant Avignon commença li tornois.

Dame Aye fu orerou mostier Sainte Crois, Et a la noise oie, les cris et les deffoïs ; Sor le mur est montée, et .C. dames 0 soi: Chacune i est alée et oïr et véoir.

Le jor sist Berengiers seur Estoudin norois, Qui le chief et le col ot si blanc comme noif , Et Girars de Riviers en Argon le danois. Il brochent les chevaus, par vertu lor vont drois, Et fendent les escus pains d'azur espaingnois; N'i a hante tant roide nefraingne et ne peçoit. Merveilleus cox se donnent, ambedui sont chéois. Au rescorre corurent chevaliers et borjois ; Il les font remonter : estez les vous tous frois.

Li tornois commença quant li jorsesclarci. Cel jor sist Guinemer seur Baucent l'arabi ; Karlemaines de France, li rois , il le conquist , Et donna son baron que il avoit norri. Mes onques chevalier si acesmé ne vi':

En son dos ot vestu .1. blanc haubert treslis, Et lacié en son chief .1. vert elme bruni ; En l'escu de son col pent .1. lioncel bis. Amaugin saut del renc tantost qu'il le choisit; Diex ! corn cil fu armez el destrier arabi !

uoj— 11)7 Aye d'Avignon. $5

Et cil dui chevalier s'entreferirent si Fendent soi les escus pains d'azur colori; N'i a hante tantroide ne brist ou ne pecist: Amaugin fu navrez et Guinemer chéi.

La dame l'esgarda, tôt le sanc li frémi , As dames le monstra : « Voiez de l'anemi ! « Sainte voire Paterne, quel chevalier a ci ' « Mais mal fu quant il est de la geste Alori. »

Par devant Avignon fu li tornois tenus; N'a borjois en la vile qui ne soit fors issus. Berengiers ot grant force de .lllim. escus; Ont rescous Amauguin que rien nen a perdu ; Ou il veillent ou non , les ont ens enbatu. El renc des gonfanons fu Amaugins le bruns; Tant enchauça à force que en la cité fu. Au repairier qu'il fist li est mal avenu : De plus de .xv. lances fu son cheval férus, Là fu son bon destrier sor li mors abatus , Et méime son cors et pris et retenus , A Aye la duchese ens son palais rendus. I li deslacent l'iaume, l'aubert li ont tolus. Il fu estroitement et chauciez et vestus, L'enforchéure ot grosse, moult fu grant sa vertus, Et le visage cler, les eux vers et agus ; Bien senble estre faucons qui de mue est issus. Dit Aie la duchese : « Amaugins, tant mar fus ! « Car se Karles vos tient, vos esterez penduz. » Et respont Amaugins : « Dont sui trop tost venus; « Maudit soit dont mon oncle et la soue vertus, « Que bien ajoustera .xinim. escus, « S'ençois n'est cest palais d'Avignon abatus « Et je fors de prison , que Karles soit venus » Elle l'a fait livrer à .un. de ses drus

36 Aye d'Avignon. 1138—1170

Et mener en la chartre que fist Salmanéus,

Uns des [félons] Juïs par qui Diex fu vendus.

Elle est toute de marbre environ et desus ;

Li leus est moult hideus, tenebreus et oscurs.

« Hé ! las, dist Amaugins, comme or sui confondus !

« Se longuement sui ci , à estrez sui pendus. »

Et Aie la duchese fu as estres des murs ,

Et Berengiers defors sor les loriers foillus ;

De merveilleus contraires ont lor lettres tenus.

« Dame Aye la duchese, dit li dus Berengier, « Li corages de famé si est vains et legiers, « Car ensement se torne comme li espreviers ; « Qui mieus le cuide avoir si est tost senestriers. « Par famé vint en terre le premerains péchiez, « Qui manja de la pomme par ledit l'aversier, « Dont encor est li siècles penezet traveillez; « Par vos vint ceste guerre et cest grant encombrier « Dont en morront encor plus de mil chevalier. « Vos avez fet fol change de moi et de Garnier.

— Berengiers, dit Ayen , bien savez préechier ; « Se vous chape et coronne et sautier aviez ,

« Ja por .1. sermon faire ne vous estuet changier. « Sensez et Amaugin vous ai bien herbegiés ; « Bien passera li ans ainz que voient lor pies, « N'auréssi grant besoing qu'il vos puissent aidier.

— Hé Diex ! ce dit li dus, corn or puis enragier; « Sainte Marie dame, car me lessiez vengier! » Il fet sonner .1. graille, si s'en retorne ariers. En la chartre remestrent et son frère et ses niés; Mais il les en gestast, s'il péust, volentiers.

Et fet aler les mes, qui portèrent les briés Por Milon l'Ardenois et Othon de Baiviers ; N'i ont pas oublié dant Haguenon le vies.

n7i— iîoï Aye d'Avignon. $7

Estre Parrie[re] ban que manda Berengiers , Sont bien plus de .xxm. oies arbalestiers. Hé Diex ! corn grant domage que Aye n'en set riens !

Berengiers chevaucha, il et sa compaignie, Et sont plus de .xxm. chevaliers que il guie, Et passent Pendemain la rive de Chargie; Vienent à Avignon où hautement s'escrie. Hé Diex! ce fu grant duel que Aye n'en seit mie; Tôt droit le jor devant ot sa gent départie. La dame ert en sa chambre, où estoit endormie, Et ot songié .1. songe dont moult ert effréie : Que Karles revenoit et s'ost iert départie ; Devant li en sa chambre entroit Gantiers ses sire , Et elle li tendoit une rose florie ; Li dus, par mautalent, n'en voloit prendre mie , .1. anel li toloitetson chief li deslie, Si la voloit ferir d'une espée forbie.

Du duel que elle avoit est la dame esperie; Elle a oï la noise de la gent qui s'escrie , Et les grailles sonner moult haut à la bondie ; .II II. fois s'escria : a Sainte Marie, aye! »

Berengiers les assaut par son l'aube aparant ; Sa gent sont bien armez, ne vont pas redoutant, Et portent maus de fer et bons espiés tranchant , Et drecent les eschieles , à quoi il vont montant ; Et le viel Haguenon à la porte bilant. Premerain depecierent le palais suriant.

Diex! corn à gran dolor i fu la gent manant ! Qui véist ses puceles as yglises fuiant ! Ces dames se demainnent et plorent lor enfant ; La véissiez foïr et borjois et serjant : Si avient en tous lieus, puisque on va doutant.

38 Aye d'Avignon. 1203—113

Dame Aye est en sa chambre moult escheriement; N'avoit que gens privée et .1. sien chambellant. Cil boutèrent à l'uis, cel rompent maintenant; Berengier tent la main, au poing destre la prent. Dit li viex Haguenons : « Ja n'ait Dieu à garant « Qui lessera por roi ne por homme vivant « Qu'il ne face de vous trestot à son talent. » Dit Aye la duchese : « Or oi folie grant; « Certez, comment qu'il prengne, dit avez sens d'enfant.

— Aye, dit Berengiers, or ai ce que je weil , « Or vos avérerai ce que dire vos suel. « Souvent en ai veillié, ni dormirent mi oeil, « De mes armes porter sous mes armes me duel ; « Or ai je pris le cerf que je tant chacier seul. « Sensés et Amaugin me rendez, car jel weil; « Icil me ramenront de chevaliers tel brueill a Dont je ferai dolent dant Garnier de Nentue!.... « Mon gonfanon de paille, la lance et l'aretuel. — Berengiers, ce dit Aye, quant tu seimmes, si cuell; « Encor abatra Karles de toi le grant orgueill , « Corn il fist de Guimarqui il toli Martuel. »

Berengiers fist rober la cité d'Avignon; Ne l'ose retenir, tant redoute Karlon.

Le grant avoir emportent escuier et garçon , De la chartre geterent Amaugin et Senson , Dame Aye la duchoise enmainent en prison Tôt droit à Grellemont, ou plus mestre donjon. Voirement la vot mètre en son lit à bandon , Quant si neveu li dient : « Par la foi Dieu, vos non ! « Se vous ja le pensez, de mort vos deffion ; «. Mes bien le tenez prise et nous la serviron, « Puis maintenez la guerre A guise [de] baron:

n55-'îé7 Aye d'Avignon. 39

« Se vos poez ocire Garnier, le fiz Doon ,

« Puis proierez merci l'emperéor Karlon

« Que il vous doint sa nièce et l'onor d'Avignon. »

Plevir et affier et jurer lues li font

Ne parlera à lui sanz autre conpaignon.

Or cuide Berengiers tôt avoir à bandon

Dame Aye la duchese qu'il ot en sa prison,

Et tôt deseriter à force le baron ;

Mes encor en1 ert mis fièrement à raison.

Li message se tornent à force d'Avignon,

Qui noncent en [Esjpengne l'emperéor Karlon

Au siège à Terraconne, où li crestien sont.

Charles revient d'Espengne de Sarrazins confondre; Toz les a desconfis au siège à Terraconne, Plus de .L. mile en y a mort par nombre, A l'amacour de Cordes a tolu sacoronne, S'en a donné l'enor au quens de Barselonne. Ainçois que l'emperere éust passé Nerbonne, Ez vous les messagiers qui li vienent encontre, De sa nièce li dient et le duel et la honte. Qui donc oïst Garnier com il se despersonne , Ses blanches mains détordre et ses cheveus derompre ! « Et car me conseilliez, sainte Paterne monde ! » Karles est descendu en une basse combe, Si en a apellé princes et dus et contes, Baiviers et Alerçians et tuit cil de Borgoine, François et Herupois. Or a Karles vergoingne; Il en jura saint Pierre que l'en requiert à Romme : « Barons, s'or ne m'aidiez cest orguel à confondre « Des .11. fiz Guenelon qui à tort me vergoingnent, « Qui donnai Graillemont , puis ne m'emmerent on- « Jamais à Saint Denis ne porterai coronne . [ques, « S'aurai vengié ce duel qui ens el cuer m'abonde. »

40 Aye d'Avignon. 1263—1299

Quant oent li baron que Karles se démente, Primes parla Ripaus qui tint Reinnes et Nentes : « Chevauche, riche rois, ja est ta gent ensemble. «. Où est donc celle terre que ne péussiez prendre ? « Et cités et chasteaus trestot ardons en sendre , « Si venge ton baron et le duel de sa famé. — Hé Diex ! dit l'emperere, ce fet bien à entendre. » Plus de .xxm. grailles y sonnèrent ensemble. Moult a poi sejorné Berengiers 0 la dame; Paor aura de mort s'orne se soit défendre.

François sont herbegiés es plains de Landemore, Et tranchent les jardins dont il firent lor loges, Tendent lor paveillons 0 les pons d'or à cordes. Karles vit le chastel que .11. eves encioent, El d'autre part la mer, qui le navie aporte De Puille et Sezile et de vers Babilone, De Surtre et de Calabre et de Costentinnoble , Les murs durs et «spès desous la roche sore , Les tors hautes et brunes du tens Costentinnoble.

Es pleins des Landesmores sont François herbegiés ; Essillent les jardins et copefnt] les vergiés Dont cil firent lor loges qui n'ont trez à drecier. Par la porte maior s'en issi Berengier, Senson et Amaugin et Haguenon le vieill , Et ont en lor compaigne .inm. chevaliers. Entresi que as loges vont le champ chalengier, Mors versent en la place .1111e. chevaliers. Que cuidiez vos en I'ost corn fait brait il i ert ! Ce fust avis as gens terre joinsist au ciel. Desherberges s'en issent plus de .xxx. millier; El premier chief devant si fu le duc Garnier: Diex ! corn il fu armez seur Fauvel son destrier!

i?oo-ini Aye d'Avignon. 41

L'escu par les enarmes, le gonfanon lacîés , Vait ferir Anséis qu'il encontra premier, (Cil fu fiz Haguenon et cosins Berengier). L'escu qu'il a au col li a frait et brisié, Et l'aubert de son dos rumpu et desmaillié ; Ou cors li met le fer de son tranchant espié, Tant corn hante li dure l'abat mort du destrier, Puis crie .1111. fois : « Avignon ! chevalier. « Encor comparront il le duel de ma moillier. w

Haguenon se regarde quant vit son fiz chéoir; Tel duel mainne du conte tôt en pert son savoir : « Gamiers le fiz Doon , tant ami m'as toloit ! « Li fil Aimmon ton oncle m'ocirent Amanffroit , « Girart de Valcorant leissierent mort tôt froit; « Tant m'afeit ton lingnageque pis estre m'en doit. « Ne place Damedieu que nulle fins en soit ! » Gamiers sist el fauvel et Haguenon el noir; Il brochent par vertu, li cheval lor vont droit, Fièrent sor les escus pains à or espengnois. N'i a hante tant roide ne plit ou ne peçoit; Merveilleus cox se donnent, mes ne sont pas ch[é]oit.

Les escus ont perciés , les escus estrouerent ; Là fu moult grant la presse ou il se rassenblerent. Et Garniers de Nantuel fist son tor par la prée ; Moult fièrement se sist seur la selle dorée. Il a brochié Fauvel tout une randonnée , Autresi li va droit corn faus à recelée. Vet ferir Haguenon du tranchant de l'espée Amont desor son hiaume, mes poi li ot durée: Enfreciques es dens li est toute colée; Li cors s'est estendus et Pâme fors aléc , Et li cheval s'en fuit, la rené abandonnée.

42 Aye d'Avignon. 1332-1561

Pieça n'oïstes chose ainssi aventurée , Que par delez le fiz rabat Garniers le père.

Or a Garniers ocis Haguenon le chenu; De lui a Berengiers tôt le conseil perdu. Et cil de Graillemont furent teisant et mu ; Puis n'i ot jouste faite ne chevalier féru , Ainz entrèrent es portes dolent et irascu. Et François les enchaucent à force et à vertu , A une arbalestrée lor ont maint tref tendu. Plus d'une grant jornée sont li forrier coru Qu'enmeinnent la vitaille qui par la terre fu; Et Karles l'emperere fet charroiier le fust, Les pins et les loriers et les chesnes branchus Et mistrent mangonniax et les perrieres sus, Et grans et merveilleuses ; n'i a celui n'i rut : Peçoient les mesonJYj et peçoient les murs. Et Aye la duchese fu as estres des murs , Et huche hautement et salue li dus :

« Amis , tenez le siège, car tuit seront vaincus. »

Berengiers vit les os qui vienent et assemblent, Et drecent mangonniaus et les perr[ier]es lancent ; Il mandent Karlemaine et pes et acordance, Et qu'il li perdoint s'ire, il li rendra la dame, Puis le lest convenir lui et Garnier ensemble. Et Karles en jura saint Gille de Prouvence Que, c'il les puet tenir, il les fera toz pendre. Diex ! se li rois vosist , la fin en fust moult tempre.

Berengiers doute Karle, le roi de Saint Denise, Por ce qu'i le menace à pendre ou à ocire. Il mande ses neveus, s'a tenu son concile En une chanbre à voûte, à menie escherie :

1 363 — j 392 Aye d'Avignon. 45

Tuit furent chevalier plein de chevalerie

« Ja ne vendrons en lieu chacun ne se garisse ;

« Dehais ait qui morra tant com il porra vivre l

« Là desore, à ce port, vi ore une navie

« Qui est fort et tenant et couverte et garnie;

« Ne crient pluie ne vent ne roche ne abisme.

« Ersoir vint à ce port à moult grant manentie,

« (Je cuit que la nef est au neveu saint Basile),

« Achatons la avant et si nou laisson mie,

« Si passon outre mer, en Perse ou en Aufrique ,

« Ou outre en Babiloine, ou devers Barbarie,

a Ou en la grant Espengne au fil le roi Marcille;

« Là prendrez vous dame Aye et aurez tote quite,

« Car en crestienté n'en avériez vos mie. »

Le conseil est fine, chacun ainssi l'otrie,

Puis atendirent tant que la nuit fu séria,

Devant eus ont mandé le neveu saint Basile,

Et achatent la barge tant com il la lor firent,

A tôt les mariniaus qui par la mer la guient.

A .1. an tôt entier y ont viande mise.

Et Aye la duchoise, qui forment fu marrie,

Desor le faudestuel d'ivoire l'ont asise,

Et tendent paveillons desor la dame, à s'ire.

Amaugin jura Diex, le fiz sainte Marie,

Que c'elle dist .1. mot, qu'elle parost ne crie ,

Qu'elle en perdra la teste à l'espée forbie :

« Ja de vous n'enterrons en autre mainbornie. »

Se la dame a paor je ne m'en merveill mie.

Il s'empaingnent en mer, s'ont lor voille esbaudie;

Bien orent esploitié par son l'aube esclardie:

Ne doutent Kârlemaine ne sa grant compaignie.

Or atendent François et Garniers la folie;

Comment que lor en prengne, de sa famé n'a mie,

Car Berengiers por li en a s'onor guerpie.

44 Aye d'Avignon. 1395—1425

ORfu moult grant merveille quant cijjdedensleso-

II mandent Karlemaine, si ovrirent les portes, [rent:

Le chastel li rendirent et les clés li aportent ;

Et il donne Garnier Graillemont et la Roche.

Cuillent lor paveillons et destendent lor cordes

Et chargent les sommiers qui la vitaille portent. Aie est en haute mer en une nef enclose,

Et crie hautement : « Chetive , corn sui morte !

« Garniers, fil à baron , com vos m'esloingniez ore !

« Por quant, comment qu'il prengne, vos me raurezen-

Gamions li cortois fist .1. lai [en] sa rote; core.»]

Ce est icelle chose qui moult la reconforte.

Il sachierent lor voiles [amont] à hautes cordes,

Que li vens les enchace et la mer les enporte;

Mais ne sai si corurent .XV. jors ou .XIIH.

Ez les vous arivez tôt droit à Aigremoire,

Une cité qui sist es illes de Maiogres.

Seignor, en celle terre conversent la gent sore,

Pinconet li petit qui ont les testes grosses;

Por quant si ont il guerre as paiens de Maiogre.

Seignor , icelle terre , elle est tote par illes , Et de bones cités menant et replenies De rouge or et d'argent et de pailes d'Aufrique , De beuz et de bestaille et d'autre manantie. Ganor a nom li rois qui de la terre est sires , Et fu cosin germain à Paumassor d'Aufrique, Et estoit jovenceaus , de famé n'avoit mie. En .1. moult bel jardin, sous la cité antie, Là sist li rois Ganor, 0 li sa baronnie. Par devant le baron .11. chetis escremissent : Li uns a non Hernaut , qui de Gironde est sires , Et li autre Garin, d'Anséunne la riche; En .1. pesant estor li Sarrazin les pristrent,

mj6— uj8 Aye d'Avignon. 45

Le chetif Aymer ileuc[que] nous ocistrent ,

Ses ot li rois Ganor en la seue baillie;

Et neporquant , baron , si ne savoit il mie

Qu'il fussent en lor terre de si grant segnorie.

Chacun jour, tôt adès, devant lui escremissent.

Atant ez vous errant .1. Sarrazin où crie

A Ganor de Mahon : « Soiez savez, biau sire :

« Là jus en vostre port vint ore une galie.

« Ne sai s'est rois onques ou amirans ou sire,

« Quex que il onques soit, à merveilles est riches ;

« Et une dame gente ont dedens la nef mise ,

« Ne sai c'elle est contesse ou duchoise ou roïnne. »

Ot le le roi Ganor, si commença à rire.

■ Mahommet gentilz dex, dit li rois, or m'aie!

« Ce m'aroit grant mestier, que de famé n'ai mie. »

Liez fu li rois Ganor quant il ot de la famé ; Trestous li cuers de joie li tressailli el ventre. 11 est moult tost montez et de ses barons .XXX. Es palefrois amblans et es mulz d'Aquilante, Et est moult tôt venus as pors sans demorance. De la galie vit la voille au vent descendre , Et les barons françois qui s'en issent ensenble. A .1. chief de la barge, par deriere, ert la chambre Richement portendue de bon paile d'Otrentre; Là dedens en .1. lit se jut Aie la gente, lllec se plaint et plore et sovent se gaimente, Et s'est illec pasmée , desor le lit s'adente. Quant li rois l'aperçoit, merveilles l'en puet prandre; En lor romans parole et puis si lor demande : « Baron, d'ont estez vos, en la vostre créance? » Dit li dus Berengiers : « En la nostre créance, « De France sommes nez, d'ont ci venimes sempres. « En la cort Karlemaine avon fet tel mellance

« Ja en nostre vivant n'en ert pris acordance. « Del roi Ganor, biau sire, nos en dist on ensemble » Que mieudre chevalier ne porte escu ne lance. a .1. an le serviron[s], c'il ainsi le créante, c< Contre toz ceus du mont de s'onor à défendre, « Et autrui terre tote à confondre et à prendre. » Et dit le roi Ganor : « Grant honor vos commence; « Quant sa estes tornez, ce ne fu pas enfance , « Car jamés n'aurez soing de retorner en France. « Et neporquant me dites qui est si belle dame; « Que qu'elle soit à vous ou cosine ou parente, « Se bel vous est et boen à fin or la me vendre , « A moillier la prendrai , si en ferai ma famé. » Et respont Berengiers: «Ce n'ert devant septembre; « N'est pas costume à nous, en la terre de France, « En la loi que tenons et en nostre créance, « A nul bon crestien que il sa famé vende.

— Par Mahomjmet] mon dieu, ce dit li rois Ganor, « Toz temps fu il costume à icest nostre port , « Se biaus chavaus i vient ne famé y arivot, « Tôt voirement I'avoit li rois, s'elle li plot; « Et neporquant vos di , a fin or l'achetot. » Et respont Berengiers : « Miex voudroie estre mort. — Amis, ce dit Ganor, dont me feras tu tort? « Par Mahommet mon dieu, or me tiens tu por sot ? « Je ne lairoie mie, por tiex dis pesans d'or, « Que je ne prengne ce que mes ancestres ot. » Berengiers tint l'espée dont li pont fu à or; Parmi le chief amont cuida ferir Ganor, .1. paien consivi qui delez lui estot, Au brant forbi d'acier li a tranchié le col. Et Amaugin li bruns ala ferir Maudrot ; .11. de,tous les plus riches lors i ont geté mors.

149a— u*5 Aye d'Avignon. 47

Ganor li rois s'en fuit, paor a de son cors;

Et li François ensenble se refierent ou port.

De la cité sallirent et Turc et Baligot ,

Sarrazin et Persant acorent à grant ost;

A plus de .C. galies les acueilli Ganor.

De totes pars de mer les acuellent tant fort

Corn li chiens le cengler, quant est navrez à mort ;

De totes pars les prennent et aerdeat as cros ,

Ou il weillent ou non, les ramènent au port.

Qui là véist comment Sarrazin les engingnent! II geterent lor ancres et à cros les detindrent, Ou il vueillent ou non, les ameinnent à rive. Qui dont oïst corn Aye la duchoise s'escrie , Et dist à haute vois : « Sainte Marie, aïe ! « Haï ! fel Berengiers, le cors Dieu te maudie ! « Corn m'as getée à tort de douce compaignie « Et fors de douce France, où souef fu norrie. « Or morras tu isci, et ge serai honnie! » Et Ganor respondi , qui le rommans sot dire : * Ne vous esmaiez mie, belle seur, douce amie; « Se vous me volez croirre, Mahommet vos aïe! « Je vous prendrai à famé, que de moilliern'ai mie.»

Li rois a apelé Maligan de Sulie :

« Gardez bien tôt l'avoir que est en la galie « Et le cors des François, que nul ne les ocie. » La dame font monter sor .1. mul de Sulye, Si l'en mainnent laiens en la cité garnie, Droit desus la grant tor, en la Mahommerie. De Tervagant y fu tote la loi escrite; Là viennent Sarrazin, Turc, et paien, et prince, Qui les mentons aval ont aers as pointrines. En moult petitet d'ore la véissiez emplie.

48 Aye d'Avignon. rja*-tns

« Hé, Diex, [ce] dist la belle, à quel gent me sui prise !

« Maléoite soit hui si faite compaignie. »

Atant es vous errant Alfamion l'ermine,

.1. cortois Sarrazins qui de corre ne fine :

Il otesté à Romme, en Puille et en Sesile,

Et jusq'en douce France fu il à maint consille,

Et reconnut moult bien tote la baronnie.

Là où il vit les contes ne puet muer ne rie;

Et dist li rois Ganor : « Nel me celer tu mie ,

« Se tu connois ces hommes, garde verte m'en dies.

— Par Mahommet, biau sire, ce dit Alfamion, « Il sont de France né tuit li meillor baron , « Et ce est la belle Aye, [la] dame d'Avignon, « Nièce est au roi de France, l'emperéor Karlon; « A moillier la vi prendre Garnier le fiz Doon. « Et cil dui conte furent andui fil Ganelon, « Véez ci Berengier et son frère Sanson , « Cui père porparla la mortel traïson « Dont mort furent à glaive li .XII. compaignon s Et toute desconfite la mesnie Karlon. « Toute Espengne lor doit servise et guerredon : « Alez les délivrer et geter de prison. » Dont les amena l'en devant lui, au perron ; Li rois Ganor les vit, ses a mis à raison.

Li rois lor demanda : « Barons, estez vos frère ? « Gardez que ne mentez, mestier n'i a celée, a Car Ganelon le ber por voir i fu vo père. « Por coi vos a roi Karles douce France véé[e] ? « Ceste dame d'ont vient , où l'avez vos trouvée ? « Par cui est elle ci de son seignor sevrée ? « Avez la vous tolue ou à force robée ? » Aye respont plorant, qui preus est et senée;

ijjé— ij88 Aye d'Avignon. 49

James vos n'orrez famé si bien enlatinée.

« Gentilz rois debonaire, dist Ayc la membrce,

« Ne savez encor mie com il m'ont démenée :

« Antoine d'Avignon fu voirement mon père ,

« Et Karles est mon oncle, de France l'emperere.

« Li rois m'avoit l'autrier à .1. baron donnée,

« Mieudre vassal de lui ne çaint onques d'espée;

« Li ost de France fu à Terraconne alée,

a Garniers mi sires i ot Poriflambe portée,

« Tôt droit à Avignon m'en ère retornée.

* Là me fist espier Berengiers et son frère ;

« A Graillemont grant pièce m'ont tenue enserrée.

« Là les assist à force Karles li emperere ,

« Li tref et les au[cu]bes tindrent une jornée.

« Quant Berengiers vit ce qu'il n'i aroit durée,

« III a en haute mer sa galie esquipée,

« Si s'en fui nuitantre comme traître Ierre ;

« Or m'a ici , biau sire, à vo port arivée.

« Faitez moi bien garder que ne vos soie emblée,

« OJencor vos serai je fièrement demandée ,

« Car l'en sara, biau sire, quel part serai alée.

« Du plus fin or de France richement rachatée,

« Plus de .Xllll. fois vos en serai pesée.

« Mais s'aviés or fourches faites et aprestées ,

« Là desus cel haut pui, en celle roche lée,

« Là où fust encroé Berengiers et son frère ,

« La moi[e] amor, biau sire , vos estera privée.

— Dame , ce dist Ganor, ice pas ne ferons: « N'est mie drois ne bien que nous les ocions, « Car Ganelon lor père porquist la traïson « Dont furent glavié li .XII. compaignon « Et toute desconfite la mesnie Karlon. « Je les envoierai au roi Marcillion,

Aye d'Avignon. 4

50 Aye d'Avignon. tjs^

« Mon conduit avec eus, Maingot et Baratron. « Je vos plevis ma foi il lor fera gent don , « De totes ses cités les metra à bandon , « Ja de tôt lor avoir ne retendra mangon , a Fors solement Ayen , qui est nièce Karlon. « Entreci qu'à .1. an .1. respit vos metron, « Que serai revenus de Mesques, de Mahon , « Puis vos penrai à famé, à la benéiçon, « En la loi paiennie, qui li Sarrazin ont. » Et respont la duchoise , coiement, à larron : « Ja Damediex de gloire joie ne vos en dont ! » Et cil s'en sont torné , si entrent el dromont. Il drecierent lor mast , traient lor voile amont , Et jor et nuit nagierent à force d'aviron; Au port desous Morinde arivent el sablon, A la mestre chaenne où les colombes sont. Morinde fu asisse ou chief de .lin. mons ; .II. [eves] fors et rades li corent environ , De par trestote Espengne amainnent garison. Les murs en furent tous asmans et macedon , Que tors y ot moult grans entor et environ , Estre la maistre selle le roi Marcillion Qui tient très bien de lonc le trait à .1. bojon. Çà dehors est la place, estoit droit au perron ; .1111. loriers y a de moult bêle façon. Ilec porparla Canes la mortel traïson Dent morurent à glaive li .XII. compaignon. Si grant vertu i fist Damediex por Karlon Que des loriers qui furent là planté environ Aine puis n'en porta nul ne foille ne boton, Et si sont trestuit vert de terre jusq'en son. Illec s'esbanoioient li fil Marcillion A .llllm. Turc qui tuit croient Mahon.

Atant ez vous errant Berengier et Sanson,

«623— 16$4 AYE D'AVICNON. Jl

Lor conduit avec eus, Maingot et Baratron; Hautement les saluent en la loi que il ont. Li rois li demanda : « Cil chevalier, qui sont ? » En droit sarrazinois Berengiers li respont.

BERENGIERS li respont, qui sarrazinois sot : « Sire, de France sommes , tôt del mellor effors , « Fil Ganelon le conte , que vostre père amot ; « Karlemaines de France m'en deserite à tort. « L'autre jor arivoi el roiaume Ganor ; « Tant m'a tenu prison corn li plaist et il vot : « D'ore en avant sui prest que votre enseingne port , « Par champ et par bataille, se nul vos faisoit tort. « Se crestien revient enfreci jusqu'au port, « Se à duel et à painne n'en fais morir le cors , « James n'arai du vostre vaillant .1, anel d'or. » Quant li rois l'entendi, ses bras li met au col. a Par Mahommet, dist il , vos esterez des nos.

« Berengiers, biaus amis, moult faites que cortois a Qui France avez guerpie, s'estes venus à moi. « Par Mahommet mon dieu, ferai vous riche roi. « Tant vous dorroi du mien , cel volez recevoir, a Quant le saura roi Karles, et il et ses Franço[i]s , « Ja n'i ara .1. seul merveilles neli soit. « Je vous doing et otroi les puis de Monsegroi , a Et le terre mon oncle ; grant seignorie aurois , « Et ma seror Plumboie à moillier vos otrois. » Quant l'oï Berengiers, au pié l'en est chéois. Or oiez du gloton comme il desment sa loi , Qui a prise la famé qui Sarrazine estoit ! a Hé! riche rois, dist il, je suis remeis o toi; a Por Mahommet ton dieu , de Ganor me fai droit ! « Sire, tu ne sez mie quel avoir m'a tolet,

$2 Aye d'Avignon. 1655 — 1687

« Une si belle [famé] jamais sa per ne soit.

« Car le mande Ganor, se tu la pues avoir;

« Se Mahommet donnoit q'en eussiez .1. oir,

« Par ce auriez vos en douce France droit ,

« Car Karles n'a enfant qui vaille ne preuz soit,

« Ne mes c'un tôt seul fiz qui ne ot ne [ne] voit. »

Ll rois fu forment liez quant de la dame oï ; Plus tost qu'il onques pot de la porte parti , Si en a apelé Joseau de Valterni Et Brunmamor [le sage], le frère Blanchandin. « Barons, ce dit [li rois] , car vos tornez de ci , « Si m'en alez tôt droit à Ganor l'arrabi , « Qu'il me rende la famé, ce se non, mal la vit, a La nièce Karlemaine c'a Berengier toli , « Et ce se ne veut faire de m'amor le défi , « Ne li lairoi de terre ne d'onour à tenir « Où il puisse vis estre, ne mors puisse gésir. « Dusq'Elainne la bêle que Menelaus perdi , « Dont la cité de Troie destruit et deserti , « Por une seule famé si grant guerre ne vi. » Et cil li respondirent : « Moult fier message a ci ; « Mes, puis que vos volez, moult bien li sera dit. » A ce mot s'en tornerent, el dromont se sont mis, Et drecierent lor voile qui fu blans comme lis. Mais ne corurent [mie] .1. mois ne .XV. dis; Tôt droit sor Aigremore , en .1. vergier flori , Trouvèrent rois Ganor, 0 lui ses Arrabis. Et il et Aie sistrent par desor .1. tapis; De devant lui faisoit .H. chetis escremir : Li uns ot nom Hernaus, le fiz dant Aymeri , Et li autres, Garins d'Anséune [la cit]. En un estor les pristrent paien et Sarrazin , Et ilec Aymer li chetis fu ocis.

,688-i7" Aye d'Avignon. 5*

Quant Aye les connut , tôt le sanc li frémi ,

Et dit tôt souavet, que nus ne Pentendi :

a Hay ! corn mar i fustez, franc chevalier gentil !

a Jhesu me lait tant vivre, par la seue merci,

« Que moi et vos encor puisse geter de ci.

« Certes, si ferai je, [se] Dieu plest et je vif. »

Atant es vos errant Joseau de Valterni

Et Brunamor le sage , le frère Blanchandin ;

Tôt oiant la duchoise , lor mesage ont forni.

GANOR treuvent li mes entre la gent grifaine ; Assez i ot paien et Turc de pute caingne, Et félons Canelieus, et Mors de Morienne. Atant es vos errant les messages d'Espengne; De dire son message n'i a nul qui se faigne : « Hé! Ganor, gentisrois, grant painne vos engraingne. o Le fil Marcilion mandent par ire plainne « Que li rendez Ayen, la nièce Karlemaine, o Et, ce vos ce ne faites, plus grant gent vos ameinne « Que li rois Menelaus ne conduit por Elainne; o Mer passeront au port tôt droit desor Aubainne , o Et li dus Berengiers en portera Penseingne.

— Amis , ce dit Ganor, ne[s] pris une chastengne ; o Par Mahommet mon dieu, ainz sera Mongeu plainne, a Et mer devendra terre , ainçois que je li rainge

a Ne que je lor envoi la nice Karlemaine ;

« Faire en weil à estrous ma privée compaigne.

— Sire, nous en irons : grant painne te commence a Quant si te veus destruire por une seule famé,

« Si corn ce laissa faire roi Paris por Elainne. » Ganor regarda Aye, moult la vit belle et gente , Et ot la color fresche comme flor d'aquilante ; De la paor qu'elP a li tremblent tuit li membre, Et crient le Sarrazin par poor ne la rende.

54 Aye d'Avignon. 1721 — 175J

Et Ganor !i a dit : « Ne t'esmaie, suer gente, « Que par cel Mahommet à cui j'ai ma créance , « Tant com porroi mander .XX. chevaliers ou .xxx., « Mar arez ja paor qu'à nul homme vos rende ; « Je vous menroi ençois ensou règne d'Outrente, « Ou passeroie mer en la terre de France , « Et prendroie por vos la saintime créance. » Quant la dame Poï, à son pié se présente. Et H mes s'en tornerent , n'ozent congié atendre , Et sont venus au port , et en lor nef en entrent ; Traient amont lor voile , à nagier se commencent. Or vindrent à Morinde où lor gent les atendent . Margoires demanda : « Rendra Ganor la dame ? — Sire, dit Brunnamors, moult est fol qui ce pense; a Li rois en a juré ses diex et sa créance « Ne vos en rendroit mie s'il en avoit tiex .xxx. , « Car on ne trouveroit desor le ciel plus gente . « Il nen a sor ciel terre ne soit d'Aye joiante. »

Margoras et Aiglie, li fil Marcillion, Par Espengne la grant en firent lor sermon. Premerain a parlé Boïdas l'Arragon :

« Car mandez premerains tous ceus de Carrion , « Et ceus d'Entéenor, .11 II. rois qui i sont. » Et cil li respondirent : « Tôt ainssi le ferons. » Lors mandèrent lor gent as nés et as dromons. Lor voiles entaillies par pans et par girons, Et bien enfigurées à testes de dragon , De devant ens el chief .xxmi. dragon Ce fu senefiance que itant rois 1 sont), En la terre Ganor prennent lor garison. Et li rois se defent à guise de baron; Aye a herbegie en une tel maison Ne savez quele elle est, ce nous nel vos dison :

Une tor merveilleuse , qui Aufalerne ot non ;

Desor aval au port arrivent li dromon ,

En la roche conversent li cinge et li brohon ,

En l'autre desertine li ours et li lyon.

Se trestuit cil du mont estoient environ,

Nen lairoient il gieus ne fable ne chançon,

Et que en la douce aiguë ne prengne[ntj le poisson

Et ne prengnent le cerf en la forest d'Argon.

Ilequesfu dame Aye la duchoise en prison;

N'ot messe ne matines ne vespres ne sarmon ,

Ne ne set rien du siècle, ne quant les festes sont.

11 y ot .111. roïnnes qui bien la serviront;

Doucement, par amor et par devocion ,

Il [Iji mostrent la loi Tervagant et Mahon.

Elle est et preus et sage de dit et de raison ,

Ne nulli ne la voit qui en die se bien non ;

Mais foi porte si bone Garnier le fiz Doon

Onques envers nul homme nen ot conversion.

Or vos lairons ici du roi Marcillion,

De Ganor PArrabi, des. il. fiz Ganelon,

Si chanterons de France, du riche roi Karlon,

Et du bon chevalier, Garnier le fiz Doon ,

Comme il se mist engrant por Aye d'Avignon.

Ce fu à une feste du baron saint Michiel, Que li cerf sont de gresse et l'en les doit chacier. Garniers le fiz Doon repaire d'archoier; En la champaingne furent [plus] de .C. chevalier. Li bers se destorna en l'ombre d'un vergier, Par desor l'erbe vert, por son cors refroidier ; D'unne chançon fait dire de Robert Pecoier Et de la bonne foi Enguelas sa moillier, Corn garirent de mal lor seignor Olivier. Quant li dus Pot oye, si li membra d'Ayen;

56 Aye d'Avignon. 1787—1819

Tôt !e sanc li foï , la color li perdié.

Plus d'une grant lieue alast on loing à pié

Ainz qu'il déist .1. mot ne qu[e] il respondié.

Atant ez vous venu .1. pèlerin paumier,

Et ot la barbe longue et fenestré le chief ,

Et escharpe à son col et .1. fust de paumier.

Li dus l'a apelé, de jouste lui l'assiet :

« Biaus meistre, de quel part ? » ce li a di Garnier.

— Sire, de vers Espengne, de Saint Jaque prier,

« Et fui à Saint Vincent penez et traveilliez ,

« Vendus et tregetés el règne des païens.

« El roiaume a .1. roi qui moult fet à prisier:

« Onques ne fu tel roi , se il fu baptisiez.

« Là vi une merveille, se vos la saviez

«. Et se la ( vosj disoie, ja ne m'en croiriez.

« De ceste vostre terre y a .11. chevaliers:

et Li uns en est Garins d'Anséune li fiers ,

« Et li autres Hernaus, l'orgueilleus bataillier,

« Et une gentil dame, n'a si belle sor ciel.

« Li homme de la terre Papelloient Ayen ;

« A moult fiere merveille l'ennoirent li paien.

« Mes li dui fil Marcille et li dus Berengiers,

« Cil guerroient le roi de la tjeste à trenchier,

a Et li bers se defent au fer et à l'acier.

« Je estoie chetis, délivré fu l'autrier,

« Et si me fist sor sains jurer et fiancer

« Que je vendroie en France por querre soudoiers.

« Qui là vodroit aler bien porroit gaengnier. »

Et quant l'oï li dus, vers soi l'a enbracié;

Plus de .vu. fois le baise por Aye sa moillier.

« Amis, dis me tu voir, que Diex ait part en t'ame ! « Que tu por cest besoing soies venus en France « Por querre sodoiers à sçcorre la dame ?

(8îo— iSfi Aye d'Avignon. 57

« Et [autant] que le croie, ja fu elle ma famé ; « Berengiers la m'embla, Diex m'en face venjance! « Je l'en prendrafi] encor, se je vis, à ma lance. — Oïl, dit li paumiers, en la moie créance, « Por sodoiers vins çà à secorre la dame... « Et ja ne li faudra por i perdre les membres; « Onques tel Sarrazin ne nasqui mes de famé. »

— Amis, auroit [il] foi qu'i n'i ait traïson , « Que me menasses là où Aye est d'Avignon , a En la terre Ganor le nobile baron , o 0 nous tel compaingnie corn mener i voudron ? o Ne serommes que .x., ja plus n'en y menron, « Et serviron le roi trestot à son bandon. « Quant nous nos anemis desconnéus aron , a Nous [les] li rendrons mors ou getés en prison, « Que ja .1111. deniers du sien n'en porterons; a Mes tu me jureras desor saint Semion o Que j[a] au roi Ganor ne nommeras mon nom ; a Ne sara qui je sui ne tuit mi compaignon , a Ne ja de ton poiz d'or mar m'i lairas mangon. » Et respont li paumiers : « Que targiez dont , baron ? x Ja ne voudrez avoir que Ganor ne vos doint. » Et Garnierss'aparaille, ni otlonc achaison. Plairoit vos à oïr qui sont li compaignon ? Girars en est li uns, le fiz au duc Othon, Reniers, et Fouquerans, et Garin de Mascon, Foquins, et Guinemers, et Gautiers d'Avelon , Et Achars de Mesinez , et Thiebaut d'Aspremont, Et le bon pèlerin, qui Diex face pardon! Les barbes firent rire , n'i laissiercnt grenon, Et le chief trestuit rere et li noir et li blont. Coifes orent vermeilles de paille et d'aqueton : En quel terre qu'il viengnent ne les connoistra on.

58 Aye d'Avignon. 1853—188$

Lor nés apareillierent au port sor Graillemont ; Ilec sont les estables où li cheval gierront, Et i metent douce yaue dont les abeveront. Et le bort bataillierent où il se combatront, Et ont escus et lances dont batailles feront. A .1. an tôt entier y metent garison , Et y metent de chiens , d'oistors et [de] faucons, Toutes plainnes les maies d'or cuit et de mangons. Et au chief par derrière , où Instrument metront , Ot une chambre close où li conte gierront , Et devant, ens ou chief, ot .1. pommel roont, Et .1. ymage paint en guise de dragon , La grant gueulle baée tôt droit là où yront. En la nefot .lit. voiles qui à toz venscorront. Il s'enpengnent en mer, ysnelement s'en vont, Et Mellion gouverne, Diex victoire l'ent dont ! Cil Sire les conduie qui vint à passion ! Moult se maitent engrant por Aye d'Avignon.

Ceus entrent en la nef qui la dame vont querre ; .II. jors et une nuit costoient une terre, Les illes de Maiogres où pute gent converse. Ainssi corent .Vil. jors tant qu'il virent la terre; [Et lij bons pèlerins est montés sor la vergue Et choisi Aigremore et la tor d'Aufalerne; Il descent en riant , li duc Garnier apelle : « Ber, vois tu celle tor haute desor cel terre ? « Grans est et merveilleuse que près du ciel semble estre; « Laiens est li palais où dame Aye converse. « Diex ne fist ainz espices ne flors de bones herbes « Qui ne sente flairor très parmi les fenestres. » Dist Gautier d'Avalon : « Moult y feroit bon estre; « Diexîcommeauronsgrant joies'Aienenpoonstraire.»

La defors la cité, en .1. tertre taillié,

1886—1918 Aye d'Avignon. 59

De blans sablons i fu biaus et grans li graviers;

Là arivent les nés nos barons chevaliers.

Hors de la barge font traire les bons destriers ,

De l'erbe les corroient et torchent escuier,

Et mandèrent le roi qu'i les face herbegier.

Il li ont envoie le cortois messagier,

Le sage pèlerin, dont firent l[a]tinier.

Il a trouvé le roi coroceus et irié :

Cel jor c'estoit li rois combatus as paiens,

Ses seneschaus méismey ot le col trenchié,

Et Ganor fu navrez el corde .il. espiez.

Enmi la sale fu ens en .1. lit couchiez,

Et font entrais moût bons por dolors alegier.

Voient le pèlerin , moult s'en sont merveillié,

Qui s'en estoit alez en douce France arier,

Lors le voient ainsi noblement chevauchier ;

Les conrois que il porte ne saroit nus prisier.

Il vint tôt droit au roi, si s'est agenoilliez :

« Sire, je sui de France richement repairiez,

« Si vous ai amenés les meillors sodoiers

« Conques véist nus hons en terre ne sor ciel.

« Il seront avec vos jusques .1. an entier;

« Vos anemis mortez , que vos plus doutiez,

« Se il ne les vos rendent pris ou mors ou liés ,

a Tôt lor service soit en bone pais lessiez ;

« Ja mar lor en dorrois vallissant .1. denier. »

Et dit li rois Ganor : « Par Mahommet, preuz iez ;

« Se je vif longuement, merveille[u]spr[i]s t'en iert.»

Li rois li demanda : « Amis, connois les tu, « Quant il por ta parole sont de lor terre issu, « Et venu en la moie , por toi , sanz mon séu ? — Oïl , moult bien , biau sire , cil li a respondu , « Mes il ne sont, ce cuit, roi ne prince ne duc,

6° Aye d'Avignon. i9i9 !9{,

« Mes vavasor hardi , sodoier connéu ,

« Qui por sodées vienent esprouver lor vertu.

« De maintes jostes ont trestot le pris eu ;

a Avecques vos seront dusques .1. an ou plus.

« Les fiz Marcillion, quant les aront quennus,

« Vos mortes anemis, que tant avez cremus,

o Senson et Berengier anbedeus connéus,

a Tost verrez maintenant estroer lor escus.

« Se nés vous rendent mors, ou pris ou retenus

« Tôt lor servise soit outréement perdus. »

Li roi[s] Ganor en a lors apellé Fabur,

Son mestre seneschal , qui sire ert de Nibus.

Sil s'en tornerent tost et montèrent es mulz,

Et sont tôt droit au port tous ense[m]ble venus,

Où li François estoient fors de la barge issus.

Primes parla à eus li cortois de Nibus.

« Frans crestiens , dist il , bien soiez vos venus.

« Li rois Ganor vos mande amistiez et salus

« De cel seignor du ciel que vos reclamés plus,

« Que vos créez trestuit, qui ou ciel fait vertus,

« Et fet par toutes terres miracles et vertus ,

« Croistre jardins et blez et reverdir le fus. »

Nostre François sont tuit venu fors de la terre ; Fors de la barge traient les bons chevaus à terre. Richement sont vestu, à la loi de lor terre, De bones peaus martrines et de peliçons verre. Le soleil luist es armes et li ors estencele Des garnemens qu'il ont et des frains [et des] selles. Aye les regarda , qui fu à la fenestre , Si près les vit du port comme .1. arc péust traire Où elle fu enclose en la tor d'Aufalerne. « Hé Diex! ce dist la dame, sainte voire Paterne, « Si riche garnement furent feit en ma terre ! »

,9SÎ I984 Aye d'Avignon. 6i

A ycelle parole, ez une de ses mestresses Si li a demandé : « Que avez vos , seur belle? » Et a dit la duchoise : « Sez tu songe retraire ? a Anuit vi en dormant une avision pesme , a Que g'estoie montée en haut desor .1. tertre; « Li rois Ganor méisme se gesoit desor l'erbe , « Et je tenoie fort entre mes mains sa teste. « Amont, de vers le ciel vinrent volant .11. aigle * Qui moi et lui voloient à force les eux traire, « Quant .1. faucons y vint, volant de vers ma terre n Et .1. lyon plus blanc c' onques fust.nùlle beste. « Et li faucons volans apressoit si les aigles m Ainz ne les vout lessier si[s] abati à terre; « Et li lyon méisme les prenoit par la teste, « Ne les voloit lessier, s'en ot mil pièces faites. — Dame , dist la païenne , grant joie vos apreste ; « Un tel secors vos est venus en ceste terre, « Se li rois le savoit, bien dolent porroit estre. » Li paien ont [logiés] les François as herbeges ; Lor conrois fu si bons que mieudres ne pot estre. Souvent li rois y vient au matin et a[u] vespre , De douce France enquiert et demande noveles; Et li baron li dient, qui bien le sevent faire.

NOSTRE baron François grant pièce sejornerent; Ne chevauchierent mie ne armes ne portèrent. Le dus Garniers se lieve à une matinée , 11 et Fouquins li bers, et Guinemers ses frères, Et montent es mules , richement s'atornerent , Et portèrent ostors de moult ferme volées ; Aï Diex! quel rivière ill ont le jor trouvée! Vers nonne s'en retornent, ambiant parmi la prée, Desous la haute tor où Aye ert enserrée. A la fenestre fu la duchoise enclinée ,

62 Aye d'Avignon. 19SJ— 2017

Et vit les sodoiers venir parmi Iaprée,

Qui ont les barbes reses , les coifes el chief fermées.

De la fouce de mer ont les colors muées

Que onques ne vit gent ainssi desfigurées,

Mais onc por nulle riens ne pot estre tornée;

.111. fois s'escrie en haut à sa vois qu'elle ot clere :

« Vos, sodoiers de France, qui m'avez trespassé[e] ,

« Parlez .1. poi à moi , car de France sui née ,

« Si me dites nouveles de la douce contrée.

« Por Dieu, vit encor Karles, nostre drois emperere?»

Ot la li dusGarniers, s'a la teste levée.

La dame le connut, qui ot la face clere.

« Hé! gentis hons, dit elle, corn m'avez oubliée!

« Corn sui por vostre amor traveillie et penée ,

« En al[i pennes terres vendue ettregetée! »

Trait a un anelet dont il [P]ot espousée;

Où ot .11. riches [pierres] precioses et cleres ,

Et la tierce y estoit, qui ert vaillant et clere.

De paradis terrestre l'avoit on aportée;

Tant[e] bonne aventure l[i] avoit Diex donnée

Tout autresi estoit comme chose faée :

Famé qui l'ait 0 soi n'iert ja desvirginée

Par nul homme qui soit, si bien ne li agrée;

En une verge d'or estoit bien séellée.

La dame a pris Panel, son seigneur l'a getée.

Li dus connut l'aneldont il [l']ot espousée;

Or seit il bien de voir que sa famé a trouvée ,

Et la duchoise lui : or est asséurée

Desormès querre engien qu[e] elle soit ostée.

Asporsde Monjardin/as gués de Maie Estraingne, Une eve ravinouse descent de la montaingne ; Là sont li fil Marcille, à lor grant ost d'Espengne. Prennent .vm. Turs eslis de lor compaingne,

1018—2049 Aye d'Avignon. 6$

Es aufferrans montèrent, si portent mainte enseingne. Li cembiaus s'en torna très parmi la champaingne; S'entrent en Aigremore par la porte soustainne , Encui aront François de grant gent belle estraingne.

Ce fu à .1. matin, au cler soleil luisant; Estes vos le cembel à la porte [brui]ant. Et Ganor fu garis des plaies qu'il ot tant ; 11 ist fors du palais en .1. jardin moult grant, Et oy des osiaus le déduit et le chant. Les sodoiers de France a fet venir devant. « Barons, ce dit li rois, savez por quoi vos mant ? ^ A la guise de France prenez vo garnement , « Et puis nous en istrons à la lune luisant, « Au matin et au soir, et à l'aube aparant ; « Se ne puis avec vous souffrir les grans ahans , « Trestote ma richoise ne priseroie .1. gant. « Je sai tant de l'escu que hons n'en dout néant; « Se je sui abatu , cui chaut ? enmi le champ, « Et je puis avenir à l'espée tranchant, « Je ne cuit por nul homme [estre] bailliez avant. « De la terre de France pris .il. chetis, l'autre [an] , « Qui tant m'en ont apris plus nulli n'en demant. — Car les nos mostrez, sire >• , dit Reniers de Mellent. Et li rois les a fet amener par devant. Quant il virent Garin, moult en sont merveillant, Et Hernaut de Gironde à la chiere riant. Garniers ala encontre, si lor dist en riant : « Ne nous nommer vos mie, franc chevalier vaillant; « Nous sommes à ce roi sodoier achetant, « La vostre délivrance querrons de maintenant. » Et cil li respondirent : « Sire, à vostre commant.

— Barons, ce dit Ganor, connoissiez les vous dont?

64 AYE D'AVJGNON. aojo— ao8»

— Oïl , ce dit Garnier, cel grenor et cel blont ;

« Nous fusmes ja ensenble escuier compaignon

« En la cort au bon roi , l'emperéor Karlon ;

« Mais je fui retenus au tornai sor Mascon.

« Quant il m'en délivra , ne me costa mangon ;

« Se je ja l'en pooie rendre le guerredon,

« Ne seroie si lié por tôt l'or de cest mont »

Et respondi Ganor: « [Jes] deliverai dont. »

Là lor rendi andeus, qu'il n'i quist achoison.

De maint bon garnement furent mis à l'escon,

Et des chevaus ausi qu'il pristrent à bandon.

Or sont li crestien tiex .XII. compaignon ,

Bien les pourro[i]t on querre à fust et à baston

Ne seroient trouvé de ci en pré Noiron.

Estez vos le cembel des fil Marcillion

Qui fièrent à la porte, bessiez les gonfanons ;

A haute vois escrient : « La gent Ganor où sont ? »

Si s'en issirent hors à tel gent corn il ont,

Fit sont .Lm. devant el premier front;

Mais poi font à prisier, se por la flote non.

Ez vos les sodoiers brochant à esperon

Qui demosterront ja la nature au faucon.

Garniers fiert le premier en l'escu à lyon,

Desous la boucle d'or li peçoie et confont,

Et l'aubert de son dos li [desjmaille et deront;

El cors li met le fer 0 tôt le gonfanon,

Tant corn hante li dure l'abat mort el sablon ,

Puis cria hautement : « Monjoie, la Karlon !

« Ja Damedieu à s'ame ne li face pardon

« Qui n'i ferra .1. cop por Aye d'Avignon. »

Le cheval s'enfui, cil le vont enchaucent. En .vu. liues de terre ja nen alissieztant Que ja y trouvissiez de terre plain .1. gant

aoSj— 3i m Aye d'Avignon ':^

Que ne ait Sarrazin ou paien mort gesant.

Quant vin[ren]t cil as très moult sont grains et dolens,

Que de tôt le cembel orgueilleus et pesant

N'en eschaperent .c, par le mien escient.

Il sonnèrent maint graille et maint cor d'olifant

Que ce vous fust avis que terre vet fendant.

Et dit Garniers as siens : « Barons, n'alez avant ;

« Tout droit à Aigremore retornon maintenant,

« Que li plus orgueillous nous venront ja sivant ;

« Telz i aura des nos qui torneront fuiant. »

Dit Garins d'Anséune : « Tôt à vostre commant ;

« A merveilleus empire nous vendront acorant ,

« Ses convient desconfire par engien sagement. »

AuSporsdeMaleEstrange,asguésdeMonstardon, Là furent herbergié li fil Marcillion A lor grant ost d'Espaingne que conduite y ont. Atant ez vos poignant Thiebaut de Montcenon ; Très parmi son escu portoit son gonfanon, Si que parmi l'escu out de l'anste .1. tronçon. A haute vois escrie : « Car vos armez, baron! « Dire vos sai noveles de Ganor l'arragon. « Sodoiers a de France, du roiaume Karlon, « Qui tôt vostre cembel ont mis à tel rendon « Que de mil chevaliers ne cuit .xxx. en aion. » Atant ez vous poignant Berengier et Sanson, Beraut et Amauguin, cil furent compaignon Qui maintienent la guerre por Aye d'Avignon ; A haute vois escrient : « Li sodoier qui sont « Ne sont mie de France, dou roiaume Karlon, « Ne de la cort roial, quant nous nés connoissons. Li dus Garniers sot bien rengier ses compaignons ; Girart ot, son neveu, le fiz au duc Othon, Renier, et Fouquerrant, et Garin de Mascon, Aye d'Avignon. j

66 Aye d'Avignon.- 2116—2148

Fouquin, et Guynemer, et Gautier d'Avalon , •

Et Achart de Mez[ine], et Tyebaut d'Aspremont,

Et Hernaut de Gironde, et Garin le baron,

Et Ganor l'Arrabi à .1. blanc gonfanon.

Berengiers vint poingnant à guise de faucon ;

En l'escu de son col avoit peint .1. lyon,

Et tint la hante droite à [.I.] vert gonfanon.

Quant Garniers de Nentuel chosi son compaignon,

Il ne fust pas si lié por tôt l'or d'Arragon ;

Don't] hurte le destrier qui li va de rendon,

Et fu le jor couvert d'un vermel ciglaton.

Vet ferir Berengier en l'escu au lyon,

Desor la boucle d'or li peçoie et confont,

Le blanc haubert du dos li desmaille et deront,

Ou cors li met le fer 0 tôt le gonfanon,

Tôt li tranche le cuer, le foie et le pomon,

L'eschine de son dos li met en .Il tronçon,

Tant corn hante li dure, l'abat mort el sablon.

Les espérons à or fait voler el sablon.

Puis dist une parole qui n'ot mie haut ton :

« Mar véistes Ayen, la nièce au roi Karlon,

« Qu'en moult lointaingne terre en avez guerredon.

Quant Sensés se regarde, voit morir Berengier, Les espérons à or tornez envers le ciel, Et l'yaume cler d'Arabe [ens] el sablon fichier, La selle trestorner et fouir le destrier; A sa vois qu'il ot clere commença à huchier : « Frère, qui vos a mort en grant duel m'a laissié, « Ja por tant que je vive n'aurai mais mon cuer lié. Il a brandi la lance, s'a l'escu enbracié, Mais ne pot avenir, ne joster à Garnier. Des grans estors menus et des cox que il fiert Se péust qui vosist moult fort esmerveillier.

ai49-a>8i AYE D'AVIGNON. 67

Le cheval lait aler, si jousta à Renier,

Que tout le mist souvin sor la crope au destrier.

Ja Péust mort ou pris, ne éust recovrier,

Quant i vint Fouquerans, entre lui et Gautier.

Illec pristrent Senson, le gentil chevalier,

En la chartre Ganor l'ont chetis envoie.

Sensés fu retenus et Berengiers ocis.

Ez vos par la bataille Beraut et Amaugins. Li .1. jouste à Hernaut et li autre à Garin; Toutes pleinnes lor lances s'entrabatent souvin. As espées tranchans se fussent entr'ocis Quant i vint Fouquerans et Gautiers le meschin. Les lor .11. ont rescous et les [.II.] frères pris; En la [chajrtre Ganor les envoient chetis. Bien ont envers le roi ses convens aemplis. Entre Hernaut de Gironde et Garnier le hardi Sont venus à Pestor, si commence le cri. Garniers fiert Brunamor, le frère Blanchandrin, En l'escu de son col paintd'asur colori; Desous la bougie d'or li a fendu par mi , Et l'aubert de son dos derot et deserti , Ens ou cors li a mis le bon espié forbi Que mort l'a abatu enmi .1. plein chemin. Et Hernaut de Gironde fiert .1. roi, Alexi, Qui Quiorman tenoit, qui fu au roi David, Et Garin d'Anséune, le viel Amoravi.

Les sodoiers de France les chastierent si Que véissiez les lances sor les escus croisis, Et les brans acerins sor ces elmes ferir, Tant paien et tant Turc craventer et morir. Li solaus raie cler et li jor esclarci ; Quant Ganor les regarde, tôt le sanc li frémi, Et jure Mahommet onques tel gent ne vi ,

68 Aye d'Avignon. uBi—hu

Moult est bonne la terre où il furent norri.

Or ont François josté à la gent esbahie. Garniers vait par le champ, qui ne s'atarde mie, El chief de la bataille a encontre Aiglie. Icil fu li ainzné de toz les fiz Marcille, Et tint Piue et Toleite, Tudele et Aumarie. Garniers le feri si , qui nel redouta mie , Que l'escu ne l'aubert ne li font garantie ; Tant souef l'abat mort qu'i ne brait ne ne crie. Margoras le regarde, n'a talent que il rie : « Frère, qui vous a mort toute Espengne a honnie ; « Onques mais si grant duel n'entra en paiennie. »

La bataille est finée quant Ayglie fu mors; Li Sarrazin d'Espengne tornerent tuit lor dos. Et François les enchaucent ovec les gens Ganor ; Bien les mainnent ferant entresi ens au port. Là pristrent .1. eschec moult merveilleus et fort; Il n'i a nul si povre qui de l'avoir n'ait trop. Tôt droit à Aigremore s'en retornent au port. Quant Aie sot la chose, merveilleuse joie ot : « Damediex, Sire père, car conseilliez mon cors ! « Sainte voire Paterne, isterai mes de ci hors ? »

Ce fu par il. matin que solaus est raians; Es vos le roi Ganor en son palais entrans. Les colonbes en sont ovrées à or bon, Les pierres et les brasmes resplendor getent grant , Que ja n'i estuet cierge por nulle luor grant. Là fait li rois ses dons et départ ses dons grants.

El palais sont venus li sodoiers François. Garniers parla premier, qui fu preus et cortois :

JHÎ-ÏÎ44 Aye d'Avignon. 69

« Le congié volons , sire, carde l'aler est drois. » Et Ganor lor a dit : « Non ferez ceste fois , « Car rois de nostre terre est il costume et drois « Qu'à Mahommet de Mesques doie aler une fois; a Encor n'i fui jconques, ja n'ert [jor] ne m'enpoist, « Mais or i weil aler, ne weil que targié soit. «. Del miex de mon barnage enmenrai avec moi , « Si vous lairons ma terre, bien we! que la gardois. « Et, quant je revenroi , bien est raison et drois « Que je prengne la dame por qui la guerre estoit. « Tant vos dorrai du mien que tuit riche serois, « Que , se je vos remans, volontiers revenrois. — Ja est ce bien à faire », ce respondent François. Et Ganor s'en torna, s'entra en .1. encrois, 0 lui de ses barons IplusJ de .LX. et trois; [A] l'amirant d'Aufrique s'en est aie tôt droit, Et a laissié sa terre garder à nos François. Autre parole orra ainz que revenus soit.

Ganor li Arrabis s'en va à oroison A Mahommet de Meques, qui li face pardon. Au port sor Alixandre leissierent ior dromont, A l'amirant d'Aufrique tôt droit alez s'en sont; Et a laissié sa terre Garnier le fiz Doon. Ainçois que il reviengne se tendra por bricon. Ce fu à une feste saint Jehan le baron , Que paien gardent miex asez que nefaison. .III. ans fu la duchoise en la tor en prison ; Celle nuit i entrèrent li .xn. compaignon. Quant Aye vit Garnier, si l'a mis à raison : « Corn vos ai travaillié, gentil fiz de baron ; « Damediex, si li plest, t'en rende guerredon ! » Plus de .xx. fois li baise la bouche et le menton. « Tout ce lessiez ester, dist Gautiers d'Avalon ;

70 Aye d'Avignon. 224$— 2278

« Si sontcortes les nuis, petit esploiteron ;

« Se paien s'aperçoivent , ja n'en eschaperon. »

De ce fait que gentil Garniers le fiz Doon:

Dou grant trésor le roi furent tuit à bandon ,

Mes onc n'en vout porter la monte d'un bouton,

Ne nulle chose prendre, se so[lj la famé non,

Et 0 lui .111. meschines que il baptizeront.

Entre Hernaut de Gironde et Gautier d'Avaion

Firent une proesce qu'ainz tel ne vit nus hon :

Il vindrentà la chartre où li crestien sont,

S'en getent Amaugins, Berart avec Senson,

Et mistrent en la nef 0 Aye d'Avignon,

Si que il dui ne sevent de Ga[rnier] 0 ne non ;

Et quant il le connurent, moult grant paor en ont.

Il s'empeingnent en mer, ysnelement s'en vont,

Et costoient Aufrique où li Aufriquant sont ,

Et à senestre Espengne, que connéue l'ont.

Assez treuvent des illes, mais ja n'i torneront.

Tost si courent de jor et de nuit à bandon ,

A l'onzième ariverent au port sor Graillemont.

Partrestout le païs est aie le renon

Garniers est revenus et Aye d'Avignon.

Tuit cil de la contrée moult volentiers y vont;

Li clerc et li evesque , à grant procession ,

A grant joie reçoivent Garnier le fiz Doon.

Et ont au duc proie si autre compaignon

Que s'ire perdonnast Amaugin et Senson;

Et li dus si a fet, qu'ainz n'en quist guerredon.

Garniers ot .11. [serors], plus belles ne vit on ;

L'une en donne Amaugin, l'autre donne Senson,

A l'un rendr[aj la Roche , à l'autre Graillemont.

Entre Hernaut et Garin en lor terres s'en vont;

Moult est belle la joie que li parent en font

Quant Diex les a getés de la laide prison

„79-sîio Aye d'Avignon. 71

D'antre gent Sarrazine qui mesure nen ont. Aye et li dus s'en vont tôt droit à Avignon; Volentiers sejornerent qui traveillié se sont. Diex lor donna .1. oir qui Guyot ot à non ; Ce fu Guy le sauvage , qui guerre ot à Karlon :

Encor ne faut pas si, se sachiejz], la chauçon; Qui plus n'en chanteroit du miex i laroit on , D'estors et des batailles et de grande tençon , Et du merveilleus duel que [li| Sarrazin font D'Aye qu'il ont perdue et de ceus qui s'en vont.

Ganor li Arabiz repaire d'oroison, De Mahommet de Mesques qui li féist pardon. .1. mes li vint encontre es pré sor Florimont : u Entendez, sire rois, que nous vous conterons « Des sodoiers [dej France qui engignié vos ont : « C'est Garniersde Nantuel, le fiz au duc Doon, a Qui ne vint en soudées se por sa famé non. « De la tour l'a getée et traite de prison ; m Nul n'avez deLsJ chetis, car menez les en ont. » Quant Ganor Tentendi ne dist ne 0 nen non ; Du grant [duel j qu'il demainne chiet pasmé el sablon : « Ahi ! gent crestienne , corn par estes félon ! « Qui se séust garder de tel subducion ?

« AYE , ce dist Ganor, qui estes bêle et gente , « Hé Diex! qui vit onc famé de vostre sapience? « Ainz m'en ira[i] à pié deschaus par toute France « Que ja li dus Garniers si por noiant s'en vante. »

DÈS or s'en va Ganor à poi que il n'est mors. Si li poise d'Ayen à poi du sen n'ist hors; Si vint à Aigremore à l'ainz qu'il pot plus tost. D'un an ne fu baigniez ne revestus son cors ; Li rois ne se vout tondre , sa barbe laissa lors.

jî Aye d'Avignon. s$u«-*h«

Mais le vis de devant ot il cler com fin or, Par espaules fu lés, moult ot bien fet le cors, Grailles par la çainture et de moult biau déport. Les mains bêles et blanches, et si ot gros le col. Li rois ot latinier qui bons conpaing estoit ; Là nen vandront [il mie] qu'il ne saichent les fors, Trestoute la vitaille por vivre enquerre lors. Et firent vestéures trestout à lor déport: Chauces ont detrenchies par les pies à sisos, Après les chars les haire[s] qui bien lor sistrent lors ; Bliaus ont de coton porfendus lez les cors, Et firent cours mantiaus,gonailles de depors.

Ganor s'est apresté qui atome son erre, Disant qu'iront par France por pénitence faire. Ganor laisse sa terre , où n'avoit point de guerre, Et sont au port venus, qui fu près de lor terre. En langage romans bargegnierent la barge; As mariniers qui nagent saint Climent le marage Requerront sanz outrage , ce dient , cil message : Bien pert à son visage que il est de paraige.

Cil marinier sont riche, de Gennes et de Pise , Qui mainnent le navie par toute paienie. As grans cités antis et à bours et à villes Achatent les espices qu'il ont de maintes guises, Et canelle et gingembre, ricolice et baupine, O les bonnes racines dont on fait médecines, Dont tote Lombardie sera bien replenie.

Dist li mestre quis a [à] Ganor quis engingne : « D'ont estes vos biau sire? — De France la garnie, <- Et sui de Saint Denise, frère Guefier le riche. » Ce li respont Boydes, qui la barbe ot florie : « Se Diex me leisse vivre et vens ne me detrie ,

aj4î — 2j7î Aye d'Avignon. 7?

« En .x. jors ou en .XV. serez à Saint Denise; « Car Garniers d'Auberive , le fil Doon le riche , « Qui sa famé a conquise comme preudons et sire , « Forsd'Aufalerne mise par grant chevalerie, <• Adon que il revindrent en Avignon la riche, « Une foire establirent; ja, por tant qui il vivent, « N'en iert costume prise, ne tolue , n'asisse. « Là ira cil navie et autre .1111. mile. » Ganor commence à rire et souavet à dire : « Mahommet or m'aie, que je Garnier ocie. »

Ceste raison leissierent et une autre commencent, Que il ont .1. tel vent que meillor ne demandent. Tant quiercnt de vitaille que toute la nef emplent; Les cordes et les voiles atisent et atrempent; Puis s'empaingnent en mer, durement se desrengent, Et costoient sor destre la terre d'Aquilente. Tost si corrent .x. jors et les nuis tôt ensemble, Que n'i abaissent mast ne voile n'i descendent; Et choisirent de loing Saint Gile de Provence, [Et] Ays, la grant cité, et Avignon la gente. Là sont venu à por, là où il porent prendre, A la bouche du Rogne, où la mer lor assemble; Là sont venus au port bêlement tuit ensenble.

« Barons, ce dist Ganor, comment le ferons ore? « S'avon rien qui vous plaise, par charité, soit vostre.x Il a trait .1. mars d'or, tôt en riant lor offre ; Et cil li respondirent : « N'en baillerons riens ore. » Dont les mirent à terre parmi l'eaue desore. Hé Diex ! ce fu grant duel que li Lonbars nel sorent, La painne et le travaill qu'il en aront encore. Diex! s'Aye ne s'i garde, bien se tendra por foie,

74 Aye d'Avignon. 2374—2406

El chemin s'en entrèrent vers Avignon grant erre. « Seignors, ce dit ii rois, moult a ci gente terre ; « Se tele la séusse quant ving en cest affaire, « A .xillm. barges la venisse requerre ; « De voilles et de mas fust si la mer coverte « Ne véist on au port plein pié de wide terre. « Si ferai je encor, se autre ne puet estre. » En Avignon entrèrent parmi ifhe poterne ; Au perron du palais sous .1. arbre s'arestent. Dame Aie la ducheise s'en repaire de vespres; Ganor, li Arrabis rois d'Espengne, l'apresse. « Diex vos saut, dist j il!, dame, onques ne vi si belle! « Por l'amor Damedieu le corrois venons querre; « Anuit le nous donnez, n'en avons plus que faire, « Et demain le penrons là où nous porrons estre. » La dame vit la barbe qui au pis li ventele, Qu'il avoit bêle et blanche, mes n'i soloit pas estre, Et la char blanchoier par de desor la chiere. Par poi nel reconnut ; mais nel regarda gaires De tant comme elle fu en la tor d'Aufalerne : « Frère, je t'ai véu, mais ne sai en quel terre.

— Dame , à Monlaon , là vi vos noces faire ;

« Au partir de la cort i ot por vous grant guerre. » Dient si compaignon : « Or va mal , par ma teste ; « Celle nous reconnoit, jugié sommes à perdre. »

MOULT par fu liez li rois quant ii connut la dame, Et si fu devant li et parolent ensenble ; Ne fust mie si liez por tôt l'or d'Alixandre. Et quant le roi se taist, la dame recommence : « Amis, fustes vous nez à Monlaon en France ?

— Nenil, ce dit Ganor, mais en Vermendois, dame.

— Ditez corn faitement alez par pénitence.

— Dame, .1. mien frère ocis par le fer de ma lance,

3407— 24?9 Aye d'Avignon. 75

« A .1. tornoiement à Buillon , en Ardanne ; « Puis sui venus deRomme par Saint GilecnProuvence. « Au Pui Sainte Marie me convient à descendre , « ASaintMartinàToursvoudrai mon chemin prendre, « Car Diex aimme moult l'omme qui vet par pénitence.» De quanque il sarmonnent et sicompaignontrenblent, Et dist li uns à l'autre: « Le diable a ou ventre, « Car, c'elle nousconnoist, ja nous fera tous pendre.»

GANOR li Arrabis fu moult preus et cortois ; Il tenoit en sa main .1. baston de garois , Et a trait le gant destre, qui estoit a orfrois. Sa mein est belle et longue et blanche comme nois, .1. anelet d'or fin ot en son petit doi A .1. grain d'Aumarie, ja mellor ne verrois; Il nen a soz ciel homme , c'il le porte sor soi, Qui cure de mengier, ne ja ait fain ne soif. La dame le monstra dan Raimmon l'espengnois : « Cil semble bien prodomme, par la foi que vos doi. » Tant s'apreça de lui l'anel li trait dou doi, Si li dist bellement : « Biaus amis, ne vos poist? — Non fait il, douce dame, dist Ganor, par ma foi ; « Et l'anel et le gant prenez, ce vous otroi. « Je vous servi ja bien quant Garniers vos prenoit ; « Si ferai je encor, se termes en estoit « Ne montasse à cheval ne tenisse conroi. « Or weil je congié prandre, que de l'alerest drois.» Et respont la duchoise : « Biaus amis, non ferois, « Par bonne charité anuit mais demourois , « Et le matin au jor aler vous en porrois, « S'en porterez du nostre, qu'il est raison et drois; a Car l'avoir a mestier ou que li preudons soit. » Et respondi Ganor : « Non ferai , par ma foi ; « Faites nous herbergier et pensez del conroi. »

76 Aye d'Avignon. 2440— 247a

Elle les fait mener chiez Garin Bonnefoi , Le prevost de la ville , là où ses filz estoit , Guyonnet li ainznés, li preus et li cortois. Mal vit Aie l'anel et le gant à orfrois, Car par celle acointance se herberja li rois.

Ganor fu herbegiez chiez Garin le prevost, Lez le mur d'Avignon, à la porte dehors. « Hostes , où est li dus ? ce li a dit Ganor. — Biau sire, en son chier règne a conduite grant ost, « Et referme Nantuel et de murs le reclost. » De ce pesa le roi quant il la parole ot. .11. félons Sarrazins avoit 0 lui Ganor, Li uns ot nom Baraton, et li autres Margot. Cil porte une racine qui moult grant mecine ot: Il nen a sous ciel homme, c'il bevoit ou menjost, Lues ne soit endormis; tôt maintenant s'endort, Nel puet on esveillier nient plus que c'il fust mors. Au mengier sont assis dont il assez i ot ; .1. pasté de ploviers fu envoiez Guyot, Et il le présenta devant le roi Ganor. Là furent espandues les mecines Margot, Et burent et mengierent; cil qui assez en ot (Que nul de la maison escharnir ne s'en pot, Li genne ne li vieil , li feble ne li fort), Dès que ot engloti la mecine, s'endort. Et cil ferment les huis, si s'en issent moult tost; Du trésor enporterent tant comme il lor plot. .III. chevausen menèrent, .11. fauves et .1. sor ; Il lor mistrent le[s] frains et les selles à or. Le fiz à la duchoise enporte o soi Ganor, Et issent du palais par .1. vergier desclos, Et sont venus poingnant à la rive dou port. La feste ert départie, le pueple s'en alot.

J47)-î$o4 Aye dAvignon. 77

.!. marinier trouvèrent qui sa nef aprestot,

Et Ganor I'Arrabi li donna de son or,

Et après li commande: « Amis, hastez vos tost. »

AlNÇOiS que PArabi soit entrez en la barge, .1. homme païsant a trouvé au rivage; lllec peinne son cors et labore et travaille. Ganor li Arrabi li a dit son message : a Amis, tien cest bans d'or, si me fai .1. message : « Tôt droit à Avignon , soz le pin en l'ombrage, >< Diras moi la duchoise bien qu'elle en soit sage, « C'est Ganor I'Arrabi, le cortois et le sage , « Qui bien l'a decéue par son pelerinaige; « Son fiz Guyot enporte en sa terre sauvage, .< Jamais ne le verra en trestot son aage, a Deci que savera auques de mon (engage; « Mon gant et mon anel li ai laissié en gage s

Il tendirent les mas sanz noise et sanz tençon. Le maistre marinier mist li rois à raison : « Amis , as tu vitaille que assez en aion ?

— Oïl , jusqu'à .1. an bien vos corroierons.

— Frère, d'ont es tu nez, et de quel région ? » Et cil respondi : « Sire, vérité vous diron :

« De la terre Ganor, dont on dit la chançon « D[e] Aye la duchoise , que il tint en prison.

— Frère, ce dit Ganor, or nagiez à bandon , « Car je sui icil rois dont tu as dit le non

« Qui Aye la duchoise tint tant en sa prison.

« Se Garniers la m'embla par sa subduction,

« Je l'en ai hui rendu merveilleus guerredon ,

« Car g'emporte en ma terre son petit fiz Guyon. »

Il en a le mantel souslevé contremont.

L'enfez fu bien vestu d'un hermin peliçon ,

78 Aye d'Avignon. 2505—2536

Par desus .1. bliautd'un vermeil ciglaton;

L'enfes dist en plorant : « Portez moi en maison ;

« Ma dame pèsera que nous tant demoron ; »

Et li rois le conforte par .1. esmerillon.

Il s'empengnent en mer, isnellement s'en vont.

Et Aye la duchoise fu dedens Avignon

En une chambre painte de Pevre Salemon,

Et a songié 1. songe par grant devision :

Que sa cité ardoit en feu et en charbon ,

Et avoit devant li .11. ours et .1. lion.

Guyonnet est devant, trestous nus , au perron ;

Les .II. ours le geterent en la gueule au lion.

Amont devers le ciel vint volant .1. grifon ;

En ses ongles prenoit l'enfant et le lyon ,

Si l'en portoit volant vers les nues amont,

Tôt droit vers Aufalerne le getoit lez la tour.

La dame s'esveilla par moût grande friçon ,

Puis est alée orer au mostier saint Symon.

La dame s'esveilla et chauça et vesti , Et puis ala orer au monstier sans detri. A l'ostel envoya comment se contient Guis; Mais cil n'i puet entrer, tuit furent endormi, Le prevost et li autre : mal le béussent il. Plus tost qu'il onques pot à la duchoise vint : « Dame , que celeroie ? malement sont bailli. « Li pèlerin d'ersoir, ce furent Arrabi ; « Vostre fiz ontemblé, por verte le vos di. » Quant la duchoise l'ot, par les cheveus se prit, Et cria hautement : « Corn mar vos portai , Guy ! »

Li borjois de la ville i sont venus corant Et boutèrent as huis, ses frangent maintenant, Et gardent par trestot, ses trouvèrent 4r>nw.«t

2j j7 2J7o Aye d'Avignon. 79

Et ont sivi la route de ceus qui vont fuiant;

Atant ont encontre le vilain païsant.

Il a trouvé la dame soz le ciprès séant.

« Dame, dit le vilain, laissiez ce duel atant;

« La joie de cest ceicle nous va tous décevant.

« Ersoir vi pèlerins, .1. en y ot vaillant;

« .1. bans d'or me donna par itel convenant

« Que nostre monstier povre en alasse amandant,

« Et si vous aportasse nouveles de l'enfant;

« C'est Ganor qui l'enporte, par haute mer ciglant. »

Quant l'entent la duchoise, par les cheveus se prent :

« Hay! gent Sarrazine , corn este souduiant !

« Qui se séust garder de tel enchantement ? »

La duchoise remest sor le perron plorant.

Et Ganor l'Arrabi enporte son enfant;

Il et si marinier vont à force nagent,

Et vin t] à Aigremore où li pueples l'atent.

Ganor li Arabiz fet bien norrir l'enfant,

Et croist et enbernist , moult est de bel semblant.

Li rois l'a fet aprendre de tôt son errement,

Et d'esches et de tables, de ce set il forment,

Et du cours des estoilefs] et du trône tornant.

Son seneschal en fait desor toute sa gent;

Li rois ne puet mengier Guy ne li soit devant.

Et quant vint à cel terme que il prist garnement,

Le roi l'adouba bien et bel et gentement.

Ne fist mie que fol c'il emporta l'enfant,

Que puis li ot mestier, se l'estoire ne ment;

Et qui jusqu'en la fin orroit tôt le rommans,

Dame Aye la duchoise ne perdi puis noiant.

De ci nuit la chançon moult fait bien qui l'entent,

Car merveilleus exemple y escoute et aprent

D'estors et de batailles et d'envaïssement,

Et de chasteaus confondre et de peçoiement :

80 Aye d'Avignon. 2571-360»

C'est dou comte Auboyn et dou comte Alerant,

De Milon l'Ardenois et d'Othon l'Alemant

Qui murent Garnier guerre et Karles [ij consent.

Or commence chançon dès ici en avant ,

Ne cuit que nus jugleres mes de meillor vos chant.

Ce fu à unes Pasques que yver se fenist, Que faillissent cil bois et cil pré sont flori , Et chantent li oisel et mainent grant gain , Et li roussignolet qui dit : «c Oci , oci. » Pucelle est en effroi , qui loing seit son ami , Tost change genne dame l'amor de son mari. Lors tint Karles sa court en France à Saint Denis ; Garniers n'i ala mie, car moult i est malmis; Il avoit .11. serorges Senson, et Amaugin, Qui sont cosin germain Millon et Auboïn ; Et Othes l'Alemant est moult près de lor lin. Tant ont l'emperéor et donné et promis Qu'i li tolent l'amor du palesin marchis.

Or ont traites les napes quant li rois ot mengié; Les chambres sont emplies et li palais widié. Huimès porrez oïr les pleintes de Garnier : Senson et Amaugins se plaignent tôt premier : « Hé! roi , car me fai droit du fiz Doon, Garnier , « Qui ocist à ses armes mon frère Berengier. « Ses sorors nous donna, dont sommes engingnié « De l'enor de Nantuel tote l'unne moitié; « Or le fait refermer sanz le vostre congié , « Et Garniers vait tous jors 0 soi quart o soi tiers. « Tant redotommes , sire, vostre talent le fier « Que nous nel volons mie n' adeser ne touchier. » Lors en jure l'apostre que on requiert à pié , S'il en puet avoir lieu , n'en portera le chief.

iéo3— 2634 Aye d'Avignon. 81

Et respont l'emperere : « Qu'avez dit, aversier ? « Ja sera Ténor vostre, se ses fiz ne revient. » Dist Amaugins le bruns : « Dehez ait qui se quiert; « Car li ne ses honors ne pris .1. sol denier.

— Sire, distAlerans, li quensde Traysin, « Membre toi de Nentuel , quant il fu l'autre an pris, « En la terre de Puille s'en foi Do chaitis; i' Quant Do de Nantuel fu mors et en tferjre mis, « Troi's] enfent en remaissent, mar en naquissent il. « Blancheflor la roïnne les fist soef norrir, « E vos, l'enfant Garnier escroistre et chier tenir; « Et puis le radoubastes quant vos vint à plaisir. « Tel henor li donnastes dont conseus ne fu pris, « Le chasement Antoine, qui mal i ffu assis, « Qui à .xvm. hommes vos en venoit servir; « Et Garniers vos en sert 0 soi quart, 0 soi quint. « Le chastel de Nentuel est en tel marche assis a A la porte roial devise .III. païs : « Alemaingneet Loheraigne et France, ce m'est vis. « Garniers l'a refermé sanz vostre congié pris ; « Il i remeist assez des murs d'arainne bis. « Ja hons qui ait Nentuel ne sera ja mendis; « Si c'est vantés li dus, s'il i est .XV. dis, < Encor en ert tôt las vostre fiz Loéis. »

DiST Ostes l'Alemant et Miles l'Ardenois: « A la foi, emperere, ce n'est or mie drois « Que vous por .1. sol homme tous nous deseritois. u Quant Nentuel refu pris, l'autre an, .1. autrefois, ■ III i remest assez de murs sarrasinois. « Garniers l'a refermé sor le vostre defois; « La tor est grans et haute et blanche comme nois ; « D'une part est d'Argonne, qui le clôt en deffois, Aye d'Avignon. 6

82 Aye d'Avignon. aôjj — ié<

« Que ja ne mengera sanz veneson au dois; a De l'autre part cort Muese, où li poisson sontfroil « Si s'est vanté li dus qu'il ne crient .mi. rois. « Se nous savions, sire, qu'i ne vos contrepoist, « Nous le rendrion pris entre ci et .1. mois. « Ha ! nobles emperere, prenez de nostre avoir, « Rouge or et blanc argent et bons pailes grejois, « Plus que ne porteront .un. mul espeingnois. » Et respont l'emperere : « Tôt si le vous otroi ; « Mes primes m'en irai aval outre Marsois « Porparler an Breban de Gautier PAvalois, « Et quant je revendrai , gardez que fin en soit. » Tant donnent et prametent de merveillous avoir Qu'i li tolent Garnier, le bon conte marchois.

Garniers ot .11. neveus, Guichart et Alori, Qui sont de ses serors né et engenuï : Li .1. fu fiz Sanson et li autre Amaugin, Et servoient por armes Karlon le fiz Pépin. Quant oent el palais le conseill descouvrir, C'est de Nentuel abatre et de Garnier traïr, Ce ne puent il onques endurer ne soffrir, Ainz passèrent avant, que cuerne puet mentir. « Entendez, emperere, dit li mendre, Auloris: « Garniers est vostre hons liges et vos a bien servi , « Et vos li otroiastes que Nentuel reféist; « Il estoit sesalués, si l'a de vos repris, a Et or [Pjabandonnés à tous ses anemis ! ce Se jamais vos en sert, ja Diex ne li ait! » Quant l'oï l'emperere, moult faintement en rist; Il li dist bêlement: ce Qu'est ici , Aulori? « Et otroieras tu que Garniers soit ocis ? » Et cil a respondu : ce Si m'aïst Diex, nennil. » Cil mueyent, si s'en vont et ont le congié pris.

166S-3699 Aye d'Avignon. 8î

De la cort se départ Guichars et Aloris, Por l'amor de l[or] oncle ont tuit le roi guerpi. Por ce dit on encore : Ainz venge niez que fiz.

Cil montent es chevaus et s'en vont en lor terre; Gens mandent et assemblent et commencent la guerre. Guichart et Alori si vont lor oncle querre , Si li iront conter trestot icel affaire , Que or mant sodoiers, ou grant sera la perte, Si vingnent si ami de par tôt lor repaire, Et guerroit vivement, quar autre ne puet estre.

Moult sot bien de la guerre cil qui fistla chançon. Gamiers fu à Nentuel et Aye d'Avignon , Et sont en lor compaigne plus de .llm. masçons, Et font frémir la ville entor et environ. Hé Diex ! corn ci herbergent chevalier et geldon ! Dame Aye fist refaire le moustier Saint Symon; Il y avoit .C. moines à la procession. Et .lllm. chevalier sont sa fors au perron Qui ont chauces de paille, bliaus de ciglaton, Et grans piaus marterinnes et hermins peliçons; Et esgardent le gieu des ours et des lions , Et font ces fables dire et escouter chançons. Guichars et Aloris descendent au perron. Dame Aye vet encontre Guichart le fiz Senson , Et Garniers vait encontre Alori le frison ; Baisant et acolant les ont mis à raison. Et li enfant lor dient : « Oez corn vrai sermon : « Miles li Ardenois et Aies de Dijon « EtOthes l'Alemant vous muevent grant tençon; « Ovec eus ont jousté Amaugin et Senson , « Ce sont li nostre père, ja nel vous cèlerons, « Et ont yo mort jurée devant le roi Karlon .

84 Aye d'Avignon. 2700—27:

« Ja Damediex de gloire nulle amor ne nos doing « Se ce qu'il vous prametent de lor cors ne faison.

— Hé Diex ! ce di li dus, or a mes sires tort , « Quant il, por nul avoir, veut asentir ma mort, rc Or me cuidai déduire en rivière ou bos; « Or me convient pener et essillier mon cors. » Dit Aye la duchoise qui les grans pênes ot : « Sire , ja avez vous moult merveilleus trésor « Qu'aportas d'Aufalerne, quant venis de Ganor ; « Mandez les soudoiers et tenez les effors, « Je lor dorrai assez de l'argent et de l'or ; « Tuit sont li traïtor pris ou vaincu ou mort. »

QUANT li mangiersont près, si font meitrelesnap' Et font l'eve crier amont en la grant sale; Ainçois les comparront que il les cous en passent. Estez vos le cenbel as portes et as barres , Si i fu li dus Miles et Auboïns et Aies. Ez vous le cri levé, et cil chevalier s'arment , Et dit cil de la tor, qui moult bien les [es]garde : a Seignors , ne vous hastés, qu'il ont de gent grant mace « Ges ai bien tous véus, sous Malconduit où passent « Lez le bruillet foillu où Pabéie est gaste. « Faitez les gent armer par les vaus de Moraive; « Metez arbalestiêrs en .m. lieusou en .1111. « Qui tuit treiront à eus quant il seront au chaple. Garniers vint el palais, si demanda ses armes ; Il vesti une broigne fort et tenant et large , Et laça en son chief .1. vert elme d'Arrabe; De devant, el nasal, avoit assis .1. brasme. Puis a çaint une espée qui fu Buevon sanz barbe. En l'escu de son col ot paint .1. gent miracle, Ainssi corn Nostre Sire resuscita saint Ladre;