US

vanté, s'il n'a d'eulx les sommes de deniers et autres choses dont il les a fait requérir et sommé, nous ausd. religieux abbé et couvent dud. Monstier Ramé et à chacun d'eulx, pour ces causes et par vertu du povoir à nous donné par led. seigneur, avons donné et donnons congié et licence d'envoyer et faire porter aud. d'Archambach et à ses gens des bonnes bourses, merceries et autres choses qu'il vouldra avoir d'eulx à une foiz ou plusieurs, tout ainsi que raieulx faire le pourront, pour garder de bruUer l'abbaye dessusd. comme dit est. Si vous mandons et commandons de par led. seigneur et nous et à chacun de vous, si comme à luy appartiendra, que led. abbé et couvent de Mon tier Ramé et chacun d'eulx vous faictes, souffrez et laissez jouyr et user de noz presens congié et licence paisiblement et sans, pour raison de ce, leur faire, mectro, ne donner, ne sotiffrir estre fait, mis, ne donnez, aucun desplaisir, trouble, ne empeschement, en corps ou en biens, en aucune manière; ainçoys, se aucun leur en esloit sur ce fait, icelluy reparez et mectez incontinent et sans delay à pleine délivrance, nonobstant les deffenses faictes de par led. seigneur de non communiquer ni converser avecques lesd. Bourgoignons et autres ses adversaires et de non leur bailler ne délivrer vivres habillement ni autres choses, et quelesconques ordonnances, restrinctions, mandemens et autres deffenses des contraires. Donné à Troyes soubz nos seing manuel et scel, le 13«= jour de novembre lan mil quatre cent soixante et douze. Signé : Loys Delavalle. — Par monseigneur le grant maistre des eaues et forests, lieutenant-général et gouverneur. De la Roère (a).

Texte 18.