RÈGLE DES BONNES FEMMES SAINTE-AVOYE

Articles observej de tout temps et ancienneté pour le reiglement des vefves et bonnes femmes madame saincte Avoye, assises en la parroisse Saint Mederic à Paris, soubj Vadministracion, régime et gouvernement des cheveciers curej de ladicte église Sainct Mederic, maistres, supérieurs, gouverneurs, administrateurs et fondateurs de la maison et oratoire dudict lieu de Saincte-Avoye.

1. Premièrement, vous promettez et jurez à Dieu le créateur, à la saincte Trinité de Paradis, à la benoiste, sacrée et glorieuse vierge Marie, à madame saincte Avoye et à tous les sainctz et sainctes de paradis de vivre en paix, amour, dileciion et communaulté avec vos seurs et de résider et demourer audict lieu de Saincte-Avoye.

2. Secondement, vous promettez et jurez de porter honneur, révérence et obéyssanceà Messieurs les vénérables cheveciers et curez de l'église collégial et parrochial Mons' sainct Mederic à Paris, vous supérieurs, fondateurs, gouverneurs, maistres et administrateurs.

3. Item, vous promettez et jurez vivre en communaulté, ayant le précepte et commandement de Dieu devant les yeulx, où il est dict que devant toutes choses il fault aymer Dieu sur tout et son prochain comme soy-mesme, car en ces deux commandemens la loy de Dieu y est comprinse et tout ce qui en dépend.

4. Item, vous vivrez et habiterez en paix et unanimité de cueur en vostre maison, qui est la fin pourquoy estes assemblées et congrégées en une société et communité.