PAR MONSEIGNEUR LE DUC

Saint Omer n'a pas long temps advint une assez bonne histoire qui H n'est mains vraye que l'euvangile , comme il a esté et est cogneu de pluseurs notables gens, dignes de foy et de croire. Et fut le cas tel , pour abréger : Ung gentilhomme, chevalier des marches de Picardie , pour lors bruyant et frez , de grand autorité et de grand lieu , se vint loger en une hostellerie qui par le fourrier de monseigneur le duc Phelippe de Bourgoigne son maistre luy avoit esté délivrée. Tantost qu'il eut mis pié à terre, comme il est de coustume aus dictes marches, son hostesse luy vint au devant, et trèsgracieusement, comme elle estoit coustumière de ce faire , le receut et bienviengna ; et luy, des courtois le plus honorable, la

Nouvelle LXXI. 107

baisa doulcement , car elle estoii belle et gente et en bon point , et mise sur le bon bout , appellant sans mot dire trop bien son marchant à son baisier et accolement, et de prinsault n'y eut celuy des deux qui ne pleust bien à son compaignon. Si pensa le chevalier par quel train et moien il parviendroit à la joissance de son hostesse, et s'en descouvrit à ung de ses serviteurs, qui en peu d'heure tellement batist les besoignes, qu'ilz se trouvèrent ensemble. Quand ce gentil chevalier vit son hostesse preste d'oyr, d'entendre et escouter ce qu'il vouldroit dire, pensez qu'il fut joyeux oultre mesure , et de grand haste et ardent desir qu'il eut d'entamer la matère qu'il vouloit ouvrir, il oblya de serrer l'huys de la chambre, que son serviteur au partir de leur assemblement laissa entrouverte , et commença sa harengue à l'heure, sans regarder à aultre chose ; et l'ostesse, qui ne l'oyoit pas à regret, luy respondoit tout au propos, tant qu'ilz estoient si bien d'accord qu'oncques musicque ne fut pour eulx plus doulce, instrumens ne pourroient mieulx estre accordez que eulx deux , la mercy Dieu , estoient. Or advint , ne sçay par quelle adventure, ou si l'oste de leens, mary de l'ostesse, queroit sa femme pour aucune chose luy dire, en passant par adventure par devant la chambre où sa femme avec le chevalier jouoit des cimbales, il en oyt le son ; si se tira vers le lieu où ce beau déduit se faisoit, et au hurter qu'il fist à l'huys, il trouva i'atelée du chevalier et de sa femme ,

io8 Les Cent Nouvelles nouvelles.

dont d'eulx il fut le plus esbahy de trop , et en reculant subitement, doubtant les empescher et destourber de la doulce oeuvre qu'ilz faisoient, leur dist, pour toutes menaces et tençons : « Et par la mort bieu , vous estes bien meschantes gens , et à vostre fait mal regardans, qui n'avez eu tant de sens, quand vous voulez faire telz choses, que de serrer et tirer les huys après vous. Or pensez que c'eust esté si ung aultre que moy vous eust trouvez ! Et, par Dieu, vous estiez gastés et perduz, et eust esté vostre fait décelé, et tantost sceu par toute la ville. Faictes aultrement une aultre foiz , de par le dyable ! » Et sans plus dire tire l'huys et s'en va ; et bonnes gens de raccorder leurs musettes, et de parfaire la note encommencée. Et quand ce fut fait, chacun s'en alla à sa chacune, sans faire semblant de rien ; et n'eust esté, espoir, leur cas jamais descouvert ou au mains si publicque que de venir à l'oreille de vous ne de tant d'aultres gens, si n'eust esté le mary, qui ne se doubtoit pas tant de ce qu'on l'avoit fait coupaut que de l'huis qu'il trouva desserré.

Nouvelle LXXII. 109

LA LXXIIe NOUVELLE.