PAR MONSEIGNEUR DE Q^UIEVRAIN
^ 'a guères qu'en la ville de Mons, en 4 Haynau , ung procureur de la cour V du dit Mons, assez sur eage et jà ^ ancien , entre aultres ses clercs avoit ung très beau filz et gentil compaignon , du quel sa femme à chef de pièce s'énamoura très fort ; et très bien luy sembloit qu'il estoit mieulx taillié de faire la besoigne que son mary. Et affm qu'el esprouvast si son cuider estoit vray, elle conclut en soy mesmes qu'el tiendra telz termes que, s'il n'est plus beste qu'un asne, il se donnera tantost garde qu'el en veult à luy. Pour exécuter ce désir, ceste vaillant femme, jeune, fresche et en bon point, venoit menu et souvent couldre et filer auprès de ce clerc, et devisoit à luy de cent mille besoignes dont la pluspart en fm sur amours retournoient. Et devant ces devises elle n'oblya pas de le servir de landes, Dieu scet, largement : une foiz le boutoit du coste en escripvant , une aultre foiz luy ruoit des pierrettes qui brouilloient ce qu'il faisoit , et luy failloit recommancer. Ung aultre jour retournoit ceste feste et luy ostoit papier et parchemin, tant qu'il failloit qu'il cessast l'euvre.
dont il estoit trèsmal content, doubtant le courroux de son maistre. Quelque semblant que la maistresse long temps à son clerc eust monstre , qui tiroit fort au train de derrière , si luy avoit jeunesse et crainte les yeulx si bandez que en rien il ne s'aparcevoit du bien qu'on luy vouloit ; neantmains enfin , parestre beaucop hutiné , il s'apparceut aucunement qu'il estoit bien en grâce, et se pensa qu'il l'esprouveroit. Ne demoura guères après ceste deliberacion que, nostre procureur estant hors de l'ostel , sa femme vint à nostre clerc bailler l'arrière ban et assault en escripvant qu'elle avoit de coustume, voire trop plus aigre et plus fort que nulle foiz de devant. Tant de ruer, tant de bouter, tant de parler; mesme pour le plus empescher et bailler destourbier, elle respandit sur buffet , sur papier, sur robe, son cornet à l'encre. Et nostre clerc , plus cognoissant et mieulx voyant que cy dessus , saillit en piez, assault sa maistresse et la reboute en sus de luy, priant qu'elle le laisse escripre. Et elle, qui demandoit estre assaillie et combatue, ne laissa pas pourtant l'emprinse encommancée, mais de plus belle rend estire. u Savez-vous qu'il y a, ce dit le clerc, Madamoiselle .? c'est force que j'escheve en haste l'escript que j'ai encommancé ; si vous requier que vous me laissez paisible, ou, parla mort bieu, je vous livreray castille. — Et que me ferez-vous , beau sire , ce dit-elle ; la moue ? — Nenny, par Dieu. — Et quoy donc .'' — Quoy .'' — Voire quoy ^ — Pour ce , dit-il , que
Nouvelle XXIII. 127
vous avez respandu mon cornet à l'encre et avez brouillé et mon escripture et ma robe, je vous pourray bien brouiller vostre parchemin; et affm que faulte d'encre ne m'empesche d'escripre, je pourray bien pescher en vostre escriptoire. — Par ma foy, dit-elle, vous en estes bien l'omme ; et créez que j'en ay grand paour. — Je ne sçay quel homme, dist le clerc, mais tel que je suis, si vous y rembatez plus, vous passerés par là. Et de fait véez cy une raye que je vous faiz, et par Dieu, si vous la passez , tant pou soit-il , si je vous faulx je veil qu'on me tue. — Et par ma foy, dit-elle, je ne vous en craings, et si passeray la raye, et puis verray que vous ferez. » Et disant ces parolles, marcha la dureau, faisant le petit sault oultre la raye bien avant. Et le bon clerc la prend aux grifz, sans plus enquerre, et sur son banc la rue, et créez qu'il la punit bien: car, s'elle l'avoit brouillié, il ne luy en fist pas mains, mais ce fut en aultre fasson, car elle le brouilla par dehors et à descouvert , et il à couvert et par dedans. Et de ce cas fut le notaire ung jeune enfant environ de deux ansj filzde léans. H ne fault pas demander si après ces premières armes de la maistresse et du clerc s'il y eut plusieurs secrètes rencontres à mains de parolles que les premières. Il ne vous fault pas celer aussi que peu de jours après ceste adventure , le dit petit enfant ou comptouer estant où le clerc escripvoit, le procureur et maistre de leans survint, et marche avant pour tirer vers son clerc , pour re-
garder qu'il escripvoit , ou espoir pour aultre chose ; et comme il approucha de la raye que son clerc fist pour sa femme , qui encores n'estoit effacée , son filz luy dist et crya : « Mon père, gardés bien que vous ne passez ceste raye , car nostre clerc vous abateroit et huppilleroit ainsi qu'il fist naguères ma mère. » Le procureur, oyant son filz, et regardant la raye , si ne scet que penser, car il luy alla souvenir que folz, yvres et enfans ont de coustume de vray dire; mais non pourtant il n'en fist pour ceste heure nul semblant ; et n'est encores venu à ma cognoissance se il différa la chose ou par ignorance ou par doubte d'esclandre.
LA XXIVe NOUVELLE.
