LA QUATRE VINGTS CINQUIESME NOUVELLE

PAR

MONSEIGNEUR DE SANTILLY.

Depuis cent ans en ça ou environ, es marches de France, est advenu en une bonne paroisse, une joyeuse adventure que je mettray ycy pour croistre mon nombre, et pource qu'elle est digne d’estre ou reng des aultres. En ladicte bonne ville avoit ung maryé, de qui la femme estoit belle, doulce et gracieuse, et avec tout ce tresamoureuse d’un seigneur d’eglise, son propre curé et prochain voisin, qui ne l’aimoit rien mains qu’elle luy. Mais de trouver la maniere comment 1lz se pourroient conjoindre bien amoureusement ensemble fut difficile, combien qu’en la fin fust trouvée, et par l’engin de la dame, en la fasson que je vous diray. Le bon mary orfevre estoit tant alumé et ardent en convoitise qu’il ne dormoit heure ne bon somme pour labourer. Chacun jour se levoit une heure ou deux devant jour, et laissoit sa femme prendre la longue crastine jusques a viij ou a ix heures, ou si longuement qu’il luy plaisoit. Ceste bonne et entiere amoureuse, voyant son mary chacun jour continuer la diligence et entente de soy lever pour ouvrer et marteler, s’advisa qu’elle employroit avecques son curé le temps qu’elle estoit habandonnée de son mary, et que a telle heure son dit amoureux la pourroit visiter sans le sceu de son dit mary, car la maison du curé tenoit a la sienne sans moyen. La bonne maniere fut descouverte et mise en termes a nostre cuté, qui la prisa tresbien, et luy sembla bien que tresaisement le feroit et secretement. Ainsi doncques que la façon fut trouvée et mise en termes, tout ainsi fut elle executée, et le plustost que les amans peurent, et la continuerent par aucun temps qui dura assez longuement. Mais comme Fortune, envyeuse peut estre de leur bien et doulx passetemps, le vouloit, leur cas fut descouvert maleureusement en la maniere que vous orrez. Cest orfevre avoit ung serviteur, qui estoit amoureux et jaloux tresgrandement de sa dame. Et pource que tressubtilement avoit perceu nostre maistre curé parler a sa dame, il se doubtoit tresfort de ce qui estoit. Mais la maniere comment se povoit faire, il ne le pouvoit ymaginer, si n’estoit que le curé viensist a l’heure qu’il forgeoit au plus fort avec son maistre. Ceste ymaginacion lui hurta tant a la teste qu’il fist le guet et se mist aux escoutes pour savoir la verité de ce qu’il ignoroit. Il fist si bon guet qu’il perceut et eut vraye experience du fait. Car, une matinée, il vit le curé

qe! E:

GOT sde:

venir tantost après que l’orfevre fut widé de sa chambre, et y entrer, puis fermer l’huys. Quand il fut bien asseur que sa suspicion estoit vraye, il se descouvrit a son maistre, et luy dist en ceste maniere : « Mon maistre, je vous sers, de vostre

. grace, non tant seulement pour gaigner vostre argent, menger vostre pain, et

faire bien et garder vostre honneur et vostre dommage empescher ; et si aultrement faisoie, digne ne seroye d’estre vostre serviteur. J’ay eu despieça suspicion que nostre curé vous feist desplaisir, et le vous ay celé jusques ores que j’en ay eu la vraye experience. Et affin que vous ne cuidez que je vous veille en vain tromper, je vous prie que nous allions en vostre chambre, et sçay que l’on l'y trouvera maintenant. Quand le bon homme oyt ces nouvelles, il se tint tresbien de rire ; il fut content de visiter sa chambre en la compaignie de son varlet, qui luy fist promectre qu’il ne tueroit point le curé, car aultrement ne luy vouloit point tenir compaignie, mais trop bien vouloit qu’il fust bien puny. Ilz monterent en la chambre, qui fust tantost ouverte. Et le mary entra le premier, et vit que monseigneur le curé tenoit sa femme entre ses braz et forgeoit ainsi qu’il povoit. Si s’escrya disant : « À mort, a mort, ribauld! Qui vous a cy bouté ? » Qui fut adoncques bien esbahy, ce fut maistre curé, et demanda mercy. « Ne sonnez

mot, ribauld prestre, ou je vous tueray maintenant. — Ha! mon voisin, pour

Dieu mercy, dit le curé, faictes de moy vostre bon plaisir. — Par l’ame de mon pere, avant que vous m’eschappez, je vous mectray en tel estat que jamais n’arez volunté de marteler sur enclume femenine. Sus, laissez vous manyer, si vous ne voulez morir. » Le pouvre maleureux se laissa lyer par ses deux ennemis sur ung banq, le ventre dessus, et les deux jambes esraillées en dehors du bancq. Si bien fut lyé qu’il ne povoit rien mouvoir que Ia teste; puis fut porté, ainsi marescaucié en une petite maisonnecte qui estoit derriere l’ostel de l’orfevre, et estoit la place ou il fondoit son argent. Quand il fut ou lieu ou l’on vouloit le avoir, l’orfevre envoya querir deux grands clouz a large teste, des quelx ïil attacha au bancq les deux marteaulx qui avoient en son absence forgé sur l’enclume de sa femme, et puis le deslya de tous poins. Si print après une poignée d’estrain, et en bouta le feu en la maisonnette, et habandonna nostre curé, et s’en fuyt en la rue crier au feu. Quand le prestre se vit environné de feu, et que remede n’y avoit qu'il ne luy faillist perdre les genitoires ou estre brullé, se leve et s’encourt, et laisse sa bourse cloée. L’effroy du feu fut tantost elevé par toute la rue ; si venoient les voisins pour l’estraindre. Mais nostre [curé] les faisoit retourner, disant qu’il en venoit, et que tout le dommage qui en pouvoit advenir estoit desja advenu, et que aider plus n’ÿy pouvoient ; mais il ne leur disoit pas que le dommage luy competoit. Ainsi fut le pouvre amoureux curé salarié du service qu’il feist a ses amours, par le moien de la faulse et traistresse jalousie du varlet, comme vous avez oy.

LA IIIFxVIe NOUVELLE,

PAR