MONSEIGNEUR LE DUC DE BOURGOIGNE, DE BRABANT, ETC

Comme ainsi soit qu'entre les bons et prouffitables passe temps, le tresgractieux exercice de lecture et d’estude soit de grande et sumptueuse recommendacion, duquel, sans flaterie, mon tresredoubté Seigneur, vous estes treshaultement doé, Je, vostre tresobeissant serviteur, desirani, comme je doy, complaire a toutes voz treshaultes et tresnobles intencions en façon a moy possible, ose et presume ce present petit œuvre, a vostre requeste et advertissement mis en terme et sur ptez, vous presenter et offrir ; suppliant treshumblement que agreablement soit receu, qui en soy contient et tracte cent lustoires assez semblables en matere, sans attaindre le subtil et tresorné langage du livre de Cent Nouvelles. Et se peut intituler le livre de Cent Nouvelles nouvelles. Et bource que les cas descriptz et racomptez ou dit livres de Cent Nouvelles advinrent la Dluspart es marches et metes d'Yialie, ja long temps a, neantmains toutesfoiz, portant et retenant nom de Nouvelles, se peut iresbien et par raison fondée en assez apparente verité ce present hivre intituler de Cent Nouvelles nouvelles, jasoit que advenues soient es parties de France, d'Alemaigne, d'Angleterre, de Haynau, de Brabant et aultres eux ; aussi pource que lestoffe, taille et fasson d’icelles est d'assez fresche memoire et de myne beaucop nouvelle.

De Dion, l’an M:rrrre xxx (sic).