XIX. — I.I DKl'AHTIRS DK LA DOUCE CONTREE

Et neporquant tous remaing en s'amour, Car tout li lès mon cuer et ma pensée ; Se mes cors va servir Nostre Seignor, 8 Por ce n'ai pas fine amor obliee.

Amors, ci a trop dure desevree Quant il m'estuet partir de la meillor Qui onques fust ne qui jamès soit née,

12 Tant a en li cortoisie et valor.

Nus ne s'en doit merveillier se je plor, Quant mes cors va fere sa destinée Et mes fins cuers s'est ja mis el retor,

i6 Qui sans fauser tent a ma dame et bee.

Dame en qui est et ma mort et ma vie, De vos me part plus dolens que ne di ; Mon cuer avez du tout en vo baillie :

20 Retenez le, ou vos m'avez traï.

Dex, ou irai ? ferai je noise ou cri, Quant il m'estuet fere la départie De mon lin cuer et lessiera celi

24 Qui aine du sien ne me lessa partie ?