I. Atressi com lo los

Que es tant fers quan s'irai- De son leonel, quan nais Mortz ses alen e ses vida,

5 Et ab sa votz, quan l’escrida, Lo fai reviure et anar, Atressi pot de mi far Ma bona domna et Amors

9 E garir de mas dolors.

IT. Totas las gaias sazos Venon et abrils e mais :- Ben degra venir oïmais La mia bon’escarida ;

14 Trop ses Amors endormida, Que-m donet poder d'amar Ses ardimen de prejar.

Ai ! quantas bonas honors

18 Ma tout temens’e paors !

IIT. Rics fora lo guizardos E cars € douz € verais ; Per que m'abellis lo fais, Si sa merces no m'oblida.

23 Aissi com de nau perida Don res no pot escapar Mas per forsa de nadar.

Atressi for’eu ressors.

27 Domn’, ab un pauc de socors.

IV. Marrit mi ten e Joios, Soven. chan, soven m'irais, Soven magrisc et engrais ; Qu'aissi s’es en mi partida Amors joios’e marrida, Que ab rir’ et ab plorar, Ab consir et ab jJogar, Mostra sas ricas valors

36 En mi entrels ris e’ls plors.