ET FORTS

<( Dieu, qui acogneu nos cœurs plains dambition et de toute meschanceté, nous a vouleu visiter de ses fléaulx, peste, guerre et famine que nous avons veu dans ce royaume, mesme la guerre qui a duré presque neuf ans sans aucune trefve et fault croyre que nous avons bien mérité dadvantaige. Les grandz ny les petits ne sen peuvent dire exempts. Car oultre ce que la guerre a cousté la vie au feu Roy et à plusieurs princes et grands seigneurs, on a veu toutes les villes de ce royaume au hasard destre prinses et saccagées, sans en exempter aucune, la guerre estant générale par tout ce royaume, voire ung grand nombre dicelles ont passé par les mains de leurs ennemis et Dieu scait comme ilz ont estes traictez avec leurs familles. Le plat pays, ruiné entièrement par ung grand nombre de brigands, mesmes les paouvres laboureurs qui, apprès avoir souflTert par tant de fois les logis des gens d'armes dung et dautre party qui les ont réduis à la faim, forcé femmes et filles, prins leurs bœufs par plusieurs fois et fait délaisser les terres incultes, mais encore en on faict mourir de fain une infinité dans les prisons, pour ne pouvoir payer les grandes tailles et subcides que lung et lautre party les ont contrainctz de payer, à raison

de quoy il y a trop de bonnes maisons et honnestes ftoiilles réduictes à toute paouvreté, lesquelles, au lieu quelles souUoint commander, sont à présent commandés et valletz dautres qui naguières estoient bélistres, qui est ung grand crève-cœur aulx gens de bien, et maintenant que Dieu nous a faict la grâce d'avoir ce peu de temps de trefve, laquelle nous espérions jouyr, nous voyons que nous en sommes frustrés, car les villes, au lieu de la faire entretenir et tenir la main à la justice, ne se soucient de la ruine de paouvre peuple, parce que nostre ruine est leur richesse. Ilz ont leurs biens et marchandises dans leurs forts poinct subjects aulx brigands quy tiènent la campaigne, nous les vandent au pris que bon leur semble et font les belles mestairies à bon marché, nous font payer la rante au double et au tripple de ce que nous leur debvons et saident de la justice quand il leur plaist. On a veu Périgeulx prins par force, deux fois pilhé et saccagé, Sarlat autant, Bragerac ne soulloict estre que une bicoque qui a esté pilhé et saccagé par plusieurs fois et nen fesoict on estât que comme dung villaige. Belvès, Montignac et autres villes ont esté aussy prinses et pillées, néantmoingts aujourdhuy ses belles ruines sont plus riches que ne furent jamais, mais cest tant à nos despens. Et non contans, nous tourmentent et ruinent plus que devant la trèfve par tailles et impositions, comme si nous estions exemps de la guerre et tenus de les garder. Et combien que plusieurs arrérages des tailles et impositions nous sont données par Tédict de la trefve, néantmoings ont nous contrainct par emprisonnement de nos personnes de les payer, et ne pouvons estre ouys devant la justice, car nen y a poinct pour nous. Crémoux * et Gontrand font la pierre philosophalle et les voir régner et faire les belles acquisitions, cependant se sont les deniers qu'ilz ont levé de nous, et pour en avoir davantaige sont après pour nous faire emprisonner s'ilz peuvent, et leurs chefs le permettent ou commandent ceste tirannie. Nous voyons aussy Vincenot à Bragerac que est tantost aussy plain comme Gourgues. 11 n'est que en peine de trouver quelque belle place pour y bastir un pareil chasteau que celluy de Vaires. Mais il n'est pas encore content, car il nous veult traicter comme les autres s'il peult. A-t-on ouy jamais parler d'une si grande tirannie que celle que cest commise durant six ou sept ans par les garnisons de Griniaulx et que se continue encore ? Ne laissant pour la trefve ilz ont les prisons toutes plaines de paisans. A Limeuilh, à Montignac et aultres endroicts, en font autant. Comme ces paouvres gens ont pour ce paty dans les prisons, ilz en sortent avecques de largent sans aulcune quittance et jamais il n'est jour, et sitost arrivés en leurs maisons deviènent malades et en meurent. Cependant Périgeulx, Bragerac et aultres lieux où les chefs conmiandent, ny la justice aussy, ne tiennent compte de remédier à ses tirannies et ne pensent

* Rerre Crémoux, sieur de Lacombe, greffier jusqu'après 1607. (Arch. de Uérard.) Gontrand du sénéchal de Sarlat, puis receveur des tailles devait être son collègue de Périgueux.

que à leur particulier ou à prendre part des butins, nous en voyons les tesmoignages tous les jours, car ceux de Griniaulx ne doibvent rien à ceux de Périgeulx ny à leur baillieue, ny ceux de Périgeux ne doibvent rien à ceux de Griniaulx aussi, ainsin en font les autres.

« Bref, à l'exemple de nos voisins Messieurs le chasse volleurs de Limosin, il faut que nous arrivions tous pour empescher telles volleries et tirer raison de ceux quy nous ont entremailhés et qui sont encores après pour nous ruiner, et ceux qui ne se vouldroint unir avecques nous et nous assister, les déclairer ennemis du repos public et comme telz les traicter par les moyens que nous verrons estre propres, nous estant assemblés pour prendre la délibération, et si nous sommes gens de bien. Dieu verra nostre entreprinse et par ce moyen fairons tenir la justice que punira les blasphémateurs, vouleursettiransque nous servira de perpétuelle mémoire. Dieu le veulhe par sa saincte grâce !

« Messieurs, nous avons receu ung advis, duquel la coppie va avec la présente, à nous envoyée par les plus qualifiés du Tiers Estât de Périgord ; vous jugerez si nostre cause est bonne. Il nous y va à tous de nos honneurs, vies et bien et de nos familles. Nous sommes un bon nombre de gens de bien qui sommes venus ensemble et juré solennellement de nous assister les ungs aulx autres pour empescher les dessens des voulleurs et contraindre les villes de nous assister et se unir avecques nous, autrement résoleuz de les traicter comme ennemis. Nous sommes asseurés que comme vous estes participans aux misères de ce temps, vous désirez vous joindre avec nous. C'est pourquoy nous vous avons vouUu cscripre la présante pour estre près à la première sommation, vous priant vous trouver le jour des Rameaux prochain, heure de midy, avec le plus grand nombre de vostre juridiction, au lieu de Chasteau Missier, pour prester le sèrement et prendre de vostre advis sur ce que nous debvons faire, auquel lieu tout ceux quy ont juré avec nous estre du nombre des gens de bien vous y trouvères, Dieu aydant, lequel nous prions. Messieurs, vous donnent en santé longue vie. Ce XX VII mars 1594.

« Vos bons amis, compaignons et serviteurs, les Tard-Advisés. » «

Et au-dessus :

« A Messieurs et frères les Tard-Advisés de Limeul. »

(B. N.Ms.,Fr.23194,p. 373.)

DÉLIBÉRATION DE l' ASSEMBLÉE DES CROQUANTS, TENDE A CHATEAU-MISSIER.

« Sur la remonstrance faicte au Tiers Estât du présent pais du Périgord par aucuns dudit Tiers Estât en l'assemblée faicte au présent lieu deChâteau- Messier, a esté accordé et arresté ce qui sensuit.

« Premièrement, que puis que le Tiers Etat estcompozé enpartyedegens de guerre, aiant suyvy img party et aultre en ces mizérables guerres et

quil pouroict arriver quelque confuzion et désordre entre nous, sy Dieu nous punissoict, tant que nous neussions la paix, laquelle nous espérons bientost avec sa bonne ayde, nous prométons et jurons tous devant Dieu, par foy et serment, de nous aymer et chérir les ungs les aultres, comme Dieu nous commande, nous assister et estre aydans en toutes occasions qui se présenteront jusques à employer noz vies, biens et moyens.

« Et daultant que ladicte assemblée a esté faicte pour avizer les moyens de chasser les volleurs qui sont dans le pais en trop grand nombre, qui se tiennent dans les villes et fortz dung et dautre party, lesquek font tous les jours courses au détriment du paouvre peuple, les laboureurs et aultres nozant demeurer dans leurs maisons ny travailler en leurs biens, ny les marchans trafiquer^ nonobstant la Irefve, estant un grand nombre de laboureurs prisonniers entre les mains des volleurs qui détiennent mizérablement dans leurs cruelles prisons pour les rançonner, soubz prétexte des talhes et impositions et que, dans les prisons dung et daultre party, il est mort de fain ou aultrement beaucoup de paouvres gens, tant durant la guerre que despuis la trefve publiée et voyant aussi Messieurs de la justice, les gouverneurs, maires et consulz des villes qui ne veuUent ou ne peuvent, à ce quilz disent, remédier à toutes ses tyrannies, au contraire les susdits volleurs ayant accès dans les villes y vont et viennent plus librement que les gens de bien qui craignent estre emprisonnés pour les talhes et arreyrages, lesquels sont sy grandes que ny a pas moyen de les pouvoir paier, à raison de quoy a esté arresté que les gouverneurs, maires, consulz et aultres qui détiennent les prisoniers seront priés du premier jour, de la part dudit Tiers Estât, de mètre incontinent en liberté tous les prisonniers qu'ilz ont ou détiennent, de quelque party que ce soit, et quilz nenprènent plus et, en ce faisant, nous offrons de leur faire raison des talhes, ainsi qu'il sera advizé à nostre seconde assemblée, pour laquelle faire tous ceux du dit Tiers Estât, et notamment les plus califiés et scindiez des parroissesdu présent pais, seront assemblés avec nous en la forest appelée Dabzac, près Sendreaux, le jour de S^George prochain, heure de midy, pour donner chascun son advis et oppinion à la .response qui sera faicte par les gouverneurs, maires et consulz sur le précédent arrest et faire ce que Dieu nous conselhera. Cependant, seront lesdictes paroisses de tout le présent pais advertis de proche en proche et sommés de se trouver audit lieu avec le plus grand nombre d'hommes qu'on pourra et sy lesdicts volleurs courent plus sur le peuple, sera couru sus comme à loups ravissans, auquel jour de ladite assemblée, aveclayde de Dieu, nous espérons délibérer et faire tout ce que nous pourrons pour le service du Roy, profict et utilité du public. Faîct audit lieu de Chasteau Missier, en ladite assemblée, le jour des Rameaulx (3 avril), an présent mil cinq cens nouante quatre. •

(B. N. Fr, 23194, Sôg.)