LIVRE DES FAITS
seroyent destniicts et morts par advanture par loufçue dure prison , ou aultremcnt, se voulsist déporter d'entreprendre la guerre. Les autres disoient , que bon seroit que ils escripvissent aux princes de France , en les suppliant humblement pour Dieu , que ils voulsissent mettre paix et accord entre le mareschal et les Vénitiens , ou sinon ils estoyent perdus. Ces deux voyes leur semblèrent bonnes : mais non pourtant les plus advisés doublèrent que la grande ire , propos et volonté du mareschal de faire guerre aux Vénitiens ne pust estre desmue , ne pour pitié d eulx , ne pour quelconque prière de prince, ne aultremcnt , si n'estoit seulement par une voye, c'est à sçavoir par le seul commandement de son souverain seigneur le roy de France , à qui de rien ne vouidroit désol>éir. Bien le savoient ; et s'ils pouvoieut advenir par leurs prières et piteuses requestes que le roy lui mandast expressément par ses lettres , par ce poinct seroient guaris. Tel appointemeut leur sembla bon , et à celle conclusion se teinrent , et d'ainsi faire le conclurent ; et mesmement avec ce que ils se ayderoient dos autres deux voyes dessus dictes. Adonc les véissiez tous ensemble escripre lettres au mareschal pour ceste requeste , dont Tun ramentevoit Tamourque autres fbis avoit trouvé en luy, l'autre comment il avoit vu sa grande piété démonstrer par divers cas, l'autre assignoit raison que ainsi il le debvoit faire pour eschever plus grand mal, l'autre qu'il feroit aumosne et grand'bonté de souffrir pour les reschapper de mort ; et ainsi diversement tant piteusement à luy se recommandoient , comme ceulx que grand désir menoit, quequand les lettres veindrenl es mains du mareschal, il ne fust oncqucs en la puissance de son noble couraige que les larmes ne luy couvrissent la face , pour la pitié et amour qu'il avoit à ses Ivms amis. Mais pourtant ne se pouvoit desmouvoir de non vouloir la guerre , pour laquelle sappresloit tant et hastivement comme il pouvoit. Mais les povres prisonniers réconfortoil par ses messaigers. Et fit parler aux Vénitiens de les mettre A rançon aux guises de France : mais rien n'y valut ; car ils dirent que ce n'esloil pas leur usance. Adonc véissiez les povres prisonm'ers escripre en France aux seigneurs ausquels ils estoyent de service. Car les aucuns estoyent au roy, les autres au duc de
Berry, autres au duc d'Orléans, ou deBourgongne , ou de Bourbon , et ainsi à plusieur» ; et . chascun supplioit humblement son seigneur et maistre que pour Dieu ne les vouIsLst ouUier, ne laisser là pourrir en prison. Lesquelles requestes murent les seigneurs à grand pitié, à qu'ils escripvirent hastivement au mareschal de ceste chose, et firent tant que le roy lui escripvit que il n'en fist plus jusques à ce que il auroît délibéré en son conseil ce qu'il vuuldroit qu'il en fust fait. De ceste défence Fut moult dolent le mareschal ; mais ne voult desobéir ; si se souffrit à tant pour celle fbis. Et en ces enlrefaictes se entremirent aucuns bons moyens de traiter paix et délaisser la guerre , et singulièrement pour cause des dicts prisonniers. Long Fut le traicté de ceste paix : car le mareschal jura qu'il n'y seroit vu ny ouy : mais puis qu'il plaisoit au roy et à nosseigneurs, il consentoit bien que les Genevois accordassent selon leur bon plaisir, et il ne leur contrediroit. Si fut i la parfin paix faicte entre eulx , dont les Vénitiens eurent grand joye ( car ils n'en estoyent mie sans soucyet peur), à condition que prisonniers pour prisonniers seroyent rendus, a qu'il n'en y eust plus. Et ainsi fut accordé et fait. Et à tant furent délivrés nos prisonniers, qui Furent huit mois entiers ès^isons des Vénitiens. Mais comme par divine volonté les choses viennent aulcunes Fois pour le mieulx, on doibt Dieu louer de celle prinse : car elle c$cheva la guerre , dont grand mal et meschcf s'en fust ensuivy.
CFIAPITRE XXX.
Comment les Vénilicns s'envoyèrent excuser envers ïe roy de ce que ils avoyent fait.
Après ces choses, les Vénitiens qui doubtèrcnt la male-grâce du roy de France et des princes françois, pour Tachoison de ce qu'ils avoienl faict, et dont les François avoient tenus prisonniers, pour eulx excuser envoyèrent leurs ambassadeurs devers le roy , qui portoient lettres de la seigneurie de Venise avec leur créance. Par ces lettres et ambassadeurs se envoyoient moult excuser de ce faict , disant : que le mareschal leuravoit fait trop grand tort et dommaige à Barut, et pris leurs biens et marchandises; et avec ce, quand s'en veuoient vers luy pour luy
DE JEAN BOUCIQUA UT. — PARTIE IL tf4l
direct remonstreraraiablement, et prier que restitution leur fist de leufs biens, que il leur courut sus, et premier les assaillit. Et eulx comme contrains se mirent en défence : pour laquelle chose Dieu leur avoit donné la victoire, si comme il apparust. Et pource ne leur debvoit sçavoir le roy, ni nQsseigneurs , nul mauvais gré. Telles choses et assez d'autres mensongères pour leur excuse dirent au roy et à nosseigneurs ;f mais n'en furent pourtant crus, ne grand fby .on nY adjousta. Et ainsi s'en allèrent à petite chère , et à froide response. Le mareschal qui par ses amis de par deçà entendit ceste nouvelle , lesquels luy avoyent envoyé la coppie des lettres que on avoit apportées au roy, en Fut tant fasché que plus ne se peut, et. lors luy sembla bien avoir achoison de mouvoir noise et débat comme il désiroit aux Vénitiens. Et pour celle cause , et pour monstrerleur tort et mensonge, leur escripvit les lettres qui cy après s'ensuivent , ausquelles les Vénitiens n'osèrent oncques faire response. Et vrayement comme en armes il démonstroit sa vaillance, et au gouvernement sa prudence, pareillement en escripture apparoissoit son sçavoir au contenu d'icelles, lesquelles par luy sans autre furent dictées , si bien, et en si bel et netable style, comme on peut voir , et comme nul clerc rhétoncien pourroit faire , selon le langaige plain et bien ordonné de quoy on doibt user au devis du fait d'armes. Si pouvons conclure par ce qu'il nous appert , iceluy mareschal estre es grâces comprises en sens et faits vaillans tout remply.
