CHAPITRE XXXVII

Comment les portes du temple par soy mesme admirablement s' entr ouvrirent.

n fin des degrez rencontrasmes un portai de fin jaspe, tout compassé et basty à ouvrage et forme dorique, en la face duquel estoit en lettres ioniques d^or trespur escripte ceste sentence : 'Ev oîvco àX^ôeioc, c'est à dire en vin vérité. Les deux portes

l5o LIVRE V, CHAPITRE XXXVII

estoient cTarain comme corinthian, massives, faites à petites vinettes, enlevées et esmaillées mignonnement selon l'exigence de la sculpture, et estoient ensemble jointes et refermées esgalement en leur mortaise sans clavier et sans catenat, sans lyaison aucune. Seulement y pendoit un diamant indique, de la grosseur d'une febve egyptiatique, enchâssé en or brisé à deux pointes, en figure exagone et en ligne directe. A chascun costé vers le mur pendoit une poignée de scordion.

Là nous dist nostre noble lanterne qu'eussions son excuse pour légitime si elle desistoit plus avant nous conduire ; seulement qu'eussions à obtempérer és instructions de la pontife Bacbuc, car entrer dedans ne luy estoit permis pour certaines causes, lesquelles taire meilleur estoit à gens vivans vie mortelle qu'exposer. Mais, en tout événement, nous commanda estre en cerveau, n'avoir frayeur ne peur aucune, et d'elle se confier pour la retraite. Puis tira le diamant pendant à la commissure des deux portes, et à dextre le jetta dedans une capse d'argent, à ce expressément ordonnée . tira aussi de l'essueil de chascune porte un cordon de soye cramoisine, long d'une toise et demie, auquel pendoit le scordion, l'attacha à deux boucles d'or expressément pour ce pendantes aux costez, et se retira à part.

Soudainement les deux portes, sans que personne y touchast, de soy mesme s'ouvrirent, et s'ouvrant

PANTAGRUEL

firent non bruit strident, non frémissement horrible, comme font ordinairement portes de bronze rudes et pesantes, mais doux et gratieux murmur retentissant par la voulte du temple , duquel soudain Pantagruel entendit la cause, voyant sous l'extrémité de Tune et l'autre porte un petit cylindre, lequel par sus l'esseuil joignoit la porte, et se tournant selon qu'elle se tiroit vers le mur, dessus une dure pierre d'ophytes, bien terse et esgalement polie, par son frottement faisoit ce doux et harmonieux murmur.

Bien je m'esbahissois comment les deux portes, chascune par soy, sans l'oppression de personne, estoient ainsi ouvertes ; pour cestuy cas merveilleux entendre, après que tous fusmes dedans entrez, je projettay ma veuë entre les portes et le mur, convoiteux de sçavoir par quelle force et par quel instrument estoient ainsi refermées, doutant que nostre amiable lanterne eust à la conclusion d'icelles apposé l'herbe dite ethiopis , moyennant laquelle on ouvre toutes choses fermées ; mais j'apperceu que la part en laquelle les deux portes se fermoient, en la mortaise intérieure, estoit une lame de fin acier, enclavée sur la bronze corinthianê.

J'apperceu d'avantage deux tables d'aimant indiques, amples et espoisses de demye paume, à couleur cerulée, bien licées et bien polies ; d'icelles toute l'espoisseur estoit dedans le mur du temple

l52 LIVRE V, CHAPITRE XXXVII

engravée, à l'endroit auquel les portes entièrement ouvertes avoient le mur pour fin d'ouverture.

Par doncques la rapacité violente de l'aimant, les lames d'acier, par occulte et admirable institution de nature, patissoient cestuy mouvement; consequemment les portes y estoient lentement ravies et portées, non tousjours toutesfois , mais seulement l'aimant susdit osté, par la prochaine session duquel l'acier estoit de l'obéissance qu'il a naturellement à l'aimant absout et dispensé ; ostées aussi les deux poignées de scordion, lesquelles nostre joyeuse lanterne avoit par le cordon cramoisin eslongnées et suspendues, parce qu'il mortifie l'aimant et despouille de ceste vertu attractive.

En l'une des tables susdites, à dextre, estoit exqmsitement insculpé en lettres latines antiquaires ce vers iambique senaire :

Ducunt volentetnfata, nolentem trahunt.

Les destinées meuvent celuy qui consent, tirent celuy qui refuse. En l'autre je veis à senestre, en majuscules lettres, elegantement insculpé ceste sentence :

Toutes choses se meuvent a leur fin.

PANTAGRUEL