CHAPITRE XXXVIII

Comment le pavé du temple estoit faict par emblemature admirable.

eues ces inscriptions, jettay mes yeux à la contemplation du manifique temple, et considerois Pincredible compacture du pavé, auquel par raison ne peut estre ouvrage comparé qui onques soit ou ait esté dessous le firmament, fust-ce celuy du temple de Fortune en Preneste, au temps de Sylla, ou le pavé des Grecs appellé Asarotum, lequel fist Sosistratus en Pergame. Car il estoit à ouvrage tesseré, en forme de petits carreaux, tous de pierres fines et polies, chascune en sa couleur naturelle : Tune de jaspe rouge tainct plaisamment de diverses macules, l'autre d'ophite , l'autre de porphyre, l'autre de lycoptalmie semé de scintiles d'or menues comme atomes, l'autre d'agathe à onde de petits flammeaux confus et sans ordre, de couleur laictée, l'autre de calcédoine trescher, l'autre de jaspe verd, avec certaines veines rouges et jaunes, et estoient en leur assiete départies par ligne diagonale.

Dessus fe portique, la structure du pavé estoit une emblemature, à petites pierres rapportées, chascune en sa naïfve couleur, servans au dessain des figures, et estoit comme si par dessus le pavé susdit on eust semé une jonchée de pampre, sans trop