LIVRE V, CHAPITRE VII
parmy les guerests; là rencontra une gaye bergère, laquelle,
A l'ombre d'un buissonnet, Ses brebiettes gardoit,
ensemble un asne et quelque chèvre. Devisant avec elle, luy persuada monter derrière luy en crouppe, visiter son escurie, et là faire un tronçon de bonne chère à la rustique. Durant leur propos et demeure, le cheval s'adressa à l'asne, et luy dist en Taureille (car les bestes parlèrent toute icelle année en divers lieux) : « Povre et chetif baudet, j'ay de toy pitié « et compassion. Tu travailles journellement beauce coup, je Papperçois à l'usure de ton bas-cul: c'est « bien faict, puisque Dieu t'a créé pour le service « des humains; tu es baudet de bien. Mais n'estre « autrement torchonné, estrillé, phaleré et alimenté « que je te vois, cela me semble un peu tyrannique « et hors les metes de raison. Tu es tout herissonné, « tout hallebrené, tout lanterné, et ne manges icy « que joncs, espines et durs chardons. C'est pource quoy je te semonds, Baudet, ton petit pas avec « moy venir, et veoir comment nous autres, que « Nature a produits pour la guerre, sommes traittez a et nourris. Ce ne sera sans toy ressentir de mon « ordinaire. — Vrayement, respondit l'asne, j'iray « bien volontier, Monsieur le Cheval. — Il y a, « dist le roussin, bien Monsieur le Roussin pour « toy, Baudet. — Pardonnez moy, respondit l'asne,
PANTAGRUEL
« Monsieur le Roussin, ainsi sommes en nostre lan- « gage incorrects et mal apprins, nous autres villa- « geois et rustiques. A propos, je vous obeiray « volontiers, et de loing vous suivray de paourdes « coups (j'en ai la peau toute contrepointée), « puisque vous plaist me faire tant de bien et « d'honneur. »
« La bergère montée, l'asne suyvoit le cheval, en ferme délibération de bien repaistre advenans' au logis. Le pallefrenier l'apperceut, et commanda aux garsons d'estable le traicter à la fourche et Tesrenerà coups de baston. L'asne, entendant ce propos, se recommanda au Dieu Neptune et commençoit à escamper du lieu à grand erre, pensant en soy mesme et syllogisant : « Il dict bien aussi « n'estre mon estât suivre les cours des gros sei- « gneurs; Nature ne m'a produit que pour l'aide « des pauvres gens, Esope m'en avoit bien adverty « par un sien apologue; ce a esté outrecuidance à « moy; remède n'y a que d'escamper d'huy, je dis « plustost que ne sont cuictes asperges. »
Et l'asne au trot, à peds, à bonds, à ruades, Au gallot, à pétarades.
« La bergère, voyant l'asne desloger, dist au pallefrenier qu'il estoit sien, et pria qu'il fust bien traité; autrement elle vouloit partir, sans plus avant entrer. Lors commanda le pallefrenier que plustost les chevaux n'eussent de huit jours avoine que l'asne
