CHAPITRE XV

Comment frère Jean des Entomeures délibère mettre à sac les Chats-four rez.

ertus de froc, dist frère Jean, quel voyage icy faisons-nous? C'est un voyage de foirards, nous ne faisons que vessir, que peder , que fianter, que ravasser, que rien faire. Cor dieu ! ce n'est pas mon naturel; si tousjours quelque acte héroïque ne fais, la nuictje ne peux dormir. Donques vous m'avez en compagnon prins pour en cestuy voyage messe chanter et confesser? Pasques de soles! le premier qui y viendra, il aura en pénitence soy comme lasche et meschant jecter au fond de la mer, en déduction des peines de purgatoire, je dis la teste la première. Qui a mis Hercules en bruit et renommée sempiternelle? N'esse que il, peregrinant par le monde, mettoit les peuples hors de tyrannie, hors d'erreur, de dangers et engaries? Il mettoit à mort tous les brigans, tous les monstres, tous les serpens venimeux et bestes malfaisantes. Pourquoy ne suyvons-nous son exemple, et comme il faisoit ne faisons-nous en toutes les contrées que passons? Il deffist les Stymphalides, l'Hydre de Lerne, Cacus, Antheus, les Centaures, Je ne suis pas clerc, les clers le disent.

« A son imitation deffaisons et mettons à sac ces

PANTAGRUEL

Chats-fourrez , ce sont tiercelets de diables, et délivrons ce païs de tyrannie. Je renie Mahon, si j'estois aussi fort et puissant qu'il estoit, je ne vous demanderois n'ayde ne conseil; çà, irons-nous? Je vous asseure que facilement nous les occirons, et ils l'endureront patiemment, je n'en doute, veu que de nous ont patiemment enduré des injures plus que dix truyes ne boyroient de lavailles. Allons !

— Des injures, dis-je, et deshonneur ils ne se soucient, pourveu qu'ils ayent escus en gibbeciere, voire fussent-ils tous breneux, et les défierions peult-estre, comme Hercules; mais il nous défaut le commandement d'Euristheus, et rien plus pour ceste heure, fors que je souhaitte parmy eux Jupiter soy pourmener deux petites heures en telle forme que jadis visita Semelé sa mye, mere première du bon Baccus.

— Dieu, dist Panurge, nous a faict belle grâce d'eschapper de leurs griphes; je n'y retourne pas, quant est de moy; je me sens encore esmeu et altéré de l'ahan que j'y paty. Et y fus grandement fasché pour trois causes : la première, pource que j'y estois fasché; la seconde, pource que j'y estois fasché; la tierce, pource que j'y estois fasché. Escoute icy de ton aureille dextre, frère Jean, mon couillon gauche : toutes et quantes fois que voudras aller à tous les diables, devant le tribunal de Minos, iEacus, Rhadamanthus et Dis, je suis prest te faire compaignie indissoluble, avec toy passer