LIVRE V, CHAPITRE XV
Acheron, Styx, Cocyte, boire plain godet du fleuve Lethé, payer pour nous deux à Charon le naute de sa barque ; pour retourner au guischet, si de fortune veux retourner, saisis toy d'autre compaignie que •de la mienne, je n'y retourneray pas; ce mot te soit une muraille d'arain. Si par force et violence ne suis mené, je n'en approcheray, tant que ceste vie je vivray, en plus que Calpe d'Abila. Ulisses retourna-il quérir son espée en la caverne du Cyclope ? Ma dia non; au guischet je n'ay rien oublié, je n'y retourneray pas.
— O ! dist frère Jean, bon cueur et franc compagnon de mains paralitiques ! Mais parlons un peu par escot, docteur subtil : pourquoy est-ce, et qui vous meut leur jetter la bourse plaine d'escus? En avons-nous trop? N'eust-ce assez esté leur jecter quelques testons rongnez ? — Parce, respondit Panurge, qu'à tous périodes de propos Grippe-minaud ouvroit sa gibbeciere de velours, exclamant : « Or çà, or çà, or çà ! » De là je prins conjecture comme pourrions francs et délivres eschapper, leur jectant : « Or là, or là de par Dieu, « or là de par tous les diables là ! » Car gibbesciere de velours n'est reliquaire de testons ne menue monnoye, c'est un receptable d'escus au soleil; entends-tu, frère Jean, mon petit couillaud ? Quant tu auras autant rousty comme j'ay, et esté, comme j'ay esté, rousty, tu parleras autre latin. Mais par leur injonction il nous convient outre passer. »
PANTAGRUEL 59
Les gallefretiers tousjours au port attendoient en expectation de quelque somme de deniers. Et, voyans que voulions faire voile, s'adressent à frère Jean, l'advertissant qu'outre n'eust à passer sans paier le vin des appariteurs, selon la taxation des espices faictes. « Et Sainct Hurluburlu ! dist frère Jean, estes-vous encores icy, griphons de tous les diables? Ne suis-je icy assez fasché sans m'importuner davantage? Le cordieu, vous aurez vostre vin à ceste heure, je vous le promets seurement. » Lors, desgainant son bracquemard , sortit hors la navire, en délibération de felonnement les occire; mais ils gagnèrent le grand gallot, et plus ne les aperceusmes.
Non pourtant feusmes nous hors de fascherie, car aucuns de nos mariniers, par congé de Pantagruel, le temps pendant qu'estions devant Grippeminaud, s'estoient retirez en une hostellerie prés le havre pour banqueter et soy quelque peu de temps refraichir. Je ne sçay s'ils avoient bien ou non payé l'escot; si est-ce qu'une vieille hostesse, voyant frère Jean en terre, luy faisoit grande complainte, présent un serrargent gendre d'un des Chats-fourrez et deux recors de tesmoings.
Frère Jean, impatient de leurs discours et allégations, demanda : « Gallefretiers, mes amis, voulezvous dire en somme que nos matelots ne sont gens de bien? Je maintien le contraire, par justice je ie vous prouveray ; c'est ce maistre bracquemard icy »
