CHAPITRE XIX

Comment nous arrivasmes au Royaume de la Quinte- Essence, nommé Entelechie.

yans prudemment coustoyé le turbillon par l'espace d'un demy jour, au troisième suivant nous sembla Pair plus serain que de coustume, et en bon sauvement descendismes au port de Mateotechnie, peu distant du palais de la Quinte-Essence. Descendans au port, trouvasmes en barbe grand nombre d'archiers et gens de guerre, lesquels gardoient Farsenac ; de prime arrivée ils nous feisrent quasi peur, car ils nous feisrent à tous laisser nos armes, et roguement nous interroguerent, disant :

« Compères, de quels païs est la venue? — Cousins, respondit Panurge, nous sommes Tourengeaux. Ores venons de France, convoiteux de faire révérence à la Dame Quinte Essence, et visiter ce trescelebre royaume d'Entelechie. — Que ditesvous ? interroguent-ils. Dites-vous Entelechie, ou Endelechie? — Beaux-cousins, respondit Panurge, nous sommes gens simples et idiots; excusez la rusticité de nostre langage, car au demourant les

PANTAGRUEL

cœurs sont francs et loyaux. — Sans cause, direntils, ne vous avons sus ce différent interrogez, car grand nombre d'autres ont icy passé de vostre païs de Touraine, lesquels nous sembloient bons lourdaux, et partaient correct; mais d'autre païs sont icy venus ne sçavons quels outrecuidez, fiers comme Escossois, qui contre nous à l'entrée vouloient obstinément contester; ils ont esté bien frottez, quoy qu'ils montrassent visaige rubarbatif.

« En vostre monde avez-vous si grande superfluité de temps que ne sçavez en quoy l'employer, fors ainsi de nostre Dame Royne parler, disputer et impudentement escrire? Il estoit bien besoin que Ciceron abandonnast sa Republique pour s'en empescher, et Diogenes Laërtius, et Theodorus Gaza, et Argyropile, et Bessarion, et Politian, et Budé, et Lascaris, et tous les diables de sages fols, le nombre desquels n'estoit assez grand s'il n'eust esté recentement accreu par Scaliger, Bigot, Chambrier, François Fleury, et ne sçay quels autres tels jeunes haires esmouchetez. Leur maie angine , qui leur suffocast le gorgeron avec l'epiglotide ! Nous les... — Mais quoy diantre ! ils flattent les diables, disoit Panurge entre les dents. — Vous icy n'estes venus pour en leur folie les soustenir, et de ce n'avez procuration : plus aussi d'iceulx ne parlerons.

« Aristoteles, prime homme et paragon de toute philosophie, feut parrain de nostre Dame Royne ;