CHAPITRE XXVII

Comment passasmes Vhle des Esclots, et de l'Ordre des frères Fredons.

epuis passasmes l'IsIe des Esclots, lesquels ne vivent que de souppes de merlus; fusmes toutesfois bien recuillis et traitez du roy de lTsle, nommé Benius, tiers de ce nom, lequel après boire nous mena voir un monastère nouveau, fait, érigé et basty par son invention pour les frères Fredons : ainsi nommoit-il ses religieux, disant qu'en terre ferme habitoient les frères petits serviteurs et amis de la douce Dame, item les glorieux et beaux frères mineurs, qui sont semi-briefs de bulles, les frères minimes haraniers enfumez, aussi les frères minimes crochus, et que du nom plus diminuer ne pouvoit qu'en fredons. Par les statuts et bulle patente obtenue de la Quinte, laquelle est de tous bons accords, ils estoient tous habillez en brusleurs de maisons, excepté qu'ainsi que les couvreurs de maisons en Anjou ont les genoux contrepointez, ainsi avoient-ils les ventres carrelez, et estoient les carreleurs de ventre en grande réputation parmy eux. J

Ils avoient la braguette de leurs chausses à forme de pantoufle, et en portoient chascun deux, l'une devant et l'autre derrière cousue, affermans par

PANTAGRUEL

ceste duplicité braguatine quelques abscons et horrifiques misteres estre duement représentez. Ils portoient souliers ronds comme bassins, à l'imitation de ceux qui habitent la mer areneuse; du demourant avoient barbe rase et pieds ferrats. Et, pour monstrer que de fortune ils ne se soucient, il les faisoit raire et plumer comme cochons la partie postérieure de la teste, depuis le sommet jusques "aux omoplates. Les cheveux en devant depuis les os bregmatiques croissoient en liberté. Ainsi contrefortunoient comme gens aucunement ne se soucians des biens qui sont au monde. Deffians davantage Fortune la diverse, portoient, non en main comme elle, mais à la ceincture, en guise de patenostres, chascun un rasouer tranchant, lequel ils esmouloient deux fois le jour et affiloient trois fois de nuict.

Dessus les pieds chascun portoit une boulle ronde, parce qu'est dict Fortune en avoir une soubs ses pieds. Le cahuet de leurs scaputions estoit devant attaché, non derrière; en ceste façon avoient le visaige caché, et se moquoient en liberté tant de Fortune comme des fortunez, ne plus ne moins que font nos damoiselles quand c'est qu'elles ont leur cachelaid, que vous nommez touret de nez; les anciens le nomment charete, parce qu'il couvre en elles dè péchez grande multitude.

Avoient aussi tousjours patente la partie postérieure de la teste, comme nous avons le visaige;