LIVRE V, CHAPITRE XXVII
cela estoit cause qu'ils alloient de ventre ou de cul, comme bon leur sembloit. S'ils alloient de cul, vous eussiez estimez estre leur alleure naturelle, tant à cause des souliers ronds que de la braguette précédente; la face aussi derrière rase et peinte rudement, avec deux yeux, une bouche, comme vous voyez és nois indiques. S'ils alloient de ventre, vous eussiez pensé que fussent gensjouans au chapifou. C'estoit belle chose de les voir.
Leur manière de vivre estoit telle. Le clair Lucifer commençant apparoistre sus terre, ils s'entrebottoient et esperonnoient l'un l'autre par charité. Ainsi bottez et esperonnez dormoient, ou ronfloient pour le moins, et dormans avoient beziclesau nez, ou lunettes pour pire.
Nous trouvions ceste façon de faire estrange, mais ils nous contentèrent en la response, nous remonstrans que, le jugement final lors que seroit, les humains prendroient repos et sommeil. Pour donques evidentement monstrer qu'ils ne reffusoient y comparoistre, ce que font les fortunez, ils se tenoient bottez, esperonnez et prests à monter à cheval quand la trompette sonneroit.
Midy sonnant, notez que leurs cloches estoient, tant de l'horloge que du batail de l'église et refectouer, faictes selon la divise pontiale, savoir est de fin dumet contrepointé, et le batail estoit d'une queue de renard ; midy donques sonnant, ils s'esveilloient et desbottoient, pissoient qui vouloit, et
PANTAGRUEL
esmeutissoient qui vouloit, esternuoient qui vouloit. Mais tous, par contrainte, statut rigoureux, amplement et copieusement baisloient, se desjeunoient de baisler. Le spectacle me sembloit plaisant; car, leurs bottes et espérons mis sus un rastelier, ils descendoient aux cloistres, là se lavoient curieusement les mains et la bouche, puis s'asseoient sus une longue selle, et se curotent les dens jusques à ce que le prevost fist signe, sifflant en paume; lors chascun ouvroit la gueule tant qu'il pouvoit, et baailloient aucunefois demie heure, aucunefois plus, aucunefois moins, selon que le prieur jugeoit le desjuner estre proportionné à la feste du jour; après cela faisoient une belle procession en laquelle ils portoient deux bannières, en l'une desquelles estoit en belle peinture le pourtrait de Vertu, en l'autre de Fortune. Un Fredon premier portoit la bannière de Fortune, après luy marchoit un autre portant celle de Vertu, en main tenant un aspersoir mouillé en eau mercuriale, descrite par Ovide en ses Fastes, duquel continuellement il comme sonettoit [fouettoit?] le précèdent Fredon portant Fortune.
« Cest ordre, dist Panurge, est contre la sentence deCiceron et des Académiques, lesquels veulent Vertu précéder, non suyvre Fortune. » Nous fut toutesïois remonstré qu'ainsi leur convenoit-il faire, puisque leur intention estoit fustiguer Fortune.
Rabelais. IV. i5
