LIVRE V, CHAPITRE XXVII
Durant la procession ils fredonnoient entre les Jents mélodieusement ne sçay quelles antiphones, car je n'entendois leur patelin, et, ententivement escoutant, aperceu qu'ils ne chantoient que des aureilles. O la belle armonie, et bien concordante au son de leurs cloches! Jamais ne les voirrez discordans. Pantagruel fist un notable mirifique sus leur procession, et nous dist : « Avez-vous veu et noté la finesse de ces Fredons icy? Pour parfaire leur procession, ils sont sortis par une porte de l'église et sont entrez par l'autre. Ils se sont bien gardez d'entrer par où ils sont yssus. Sus mon honneur, ce sont quelques fines gens, je dy fins à dorer, fins comme une dague de plomb, fins non affinez, mais affinans, passez par estamine fine. — Cette finesse, dist frère Jean, est extraicte d'occulte philosophie, et n'y entends au diable rien. — D'autant, respondit Pantagruel, est elle plus redoutable que l'on n'y entend rien; car finesse entendue, finesse preveue, finesse descouverte, perd de finesse et l'essence et le nom : nous la nommons lourderie. Sus mon honneur qu'ils en savent bien d'autres. »
La procession achevée comme pourmenement et txercitation salubre, ils se retiroient en leur refectoir, et dessous les tables se mettoient à genoux, s'appuyans la poictrine et stomach chascun sus une lanterne. Eux estans en cest estât, entroit un grand Esclot, ayant une fourche en main, et là les traitoit
PANTAGRUEL
à la fourche : de sorte qu'ils commençoient leur repas par fourmage, et l'achevoient par moustarde et laictue, comme tesmoigne Martial avoir esté Tusage des anciens. En fin on leur presentoit à chascun d'eux une platelée de moustarde, et estoient servis de moustarde après disner.
Leur diette estoit telle. Au dimanche ils mangeoient boudins, andouilles, saucissons, fricandeaux, hastereaux, caillettes, exceptez tousjours le fourmage d'entrée et moustarde pour l'issue. Au lundy beaux pois au lard, avec ample comment et glose interlineare. Au mardy force pain benist, fouaces, gasteaux, galettes biscuites. Au mercredy rustrerie : ce sont belles testes de mouton, testes de veau, testes de bedouaux, lesquelles abondent en icelle contrée. Au jeudy potages de sept sortes, et moustarde éternelle parmy. Au vendredy rien que cormes, encore n'estoient-elles trop meures, selon que juger je pouvois à leur couleur. Au samedy rongeoient les os; non pourtant estoient-ils pauvres ne souffreteux, car un chascun d'eux avoit bénéfice de ventre bien bon. Leur boire estoit un antifortunal : ainsi appelloient-ils ne sçay quel bruvage du pays. Quand ils vouloient boire ou manger, ils rabbattoient leur cahuet de leurs scaputions par le devant, et leur servoit de baviere.
Le disner parachevé, ils prioient Dieu tresbien, et tout par fredons. Le reste du jour, attendans le jugement final, ils s'exerçoient à œuvre de charité,
