PROLOGUE

ioues, deschicqueté les lèvres des vierges à bragucttes et des vertus à trois amans: car il faut aussy faire aulcunes chouses pour les vices de son temps, et la périphrase est bien plus guallante que le mot! De faict, nous sommes vieulx et treuvons les longues bagatelles meilleures que les briefves follies de nostre ieunesse, veu que, alors, nous y goustons plus longtemps.Doneques,mesnagez-moy dans vos médisances, et lisez cecy plus tost à la nuict que pendant le iour ; et point ne le donnez aux pucelles, s’il en estencores, pour ce que ce livre prendroyt feu. Ie vous quitte de moy. Mais ie ne crains rien pour ce livre, veu qu'il est extraict d’ung hault et gentil lieu, d’où tout ce qui est yssu ha eu grant succez, comme il est bien prouvé par les Ordres royaulx de la Toyson d'Or, du Sainct-Esprit, de la Jarretière, du Bain, et tant de notables chouses qui y feurent prinses, à l’umbre desquelles ie me mets.

Ores, esbaudissez-vous, mes amours, et gayement lisez tout, à l'aise du corps et des reins, et que le maulubec vous {rousque, Si vous me rentez après m'avoir lu. Ces paroles sont de nostre bon maistre Rabelais, auquel nous debvons tous oster nostre bonnet en signe de révérence et honneur,comme prince de toute sapience ct de toute comédie.

L’archevesque de Bourdeaux avoyt mis de sa suite, pour aller au Concile de Constance, ung tout ioly petit prebstre tourangeau dont les fassons et la parole estoyent curieusement mignonnes, d'autant qu’il passoyt pour fils de la Soldée et du gouverneur. L’archevesque de Tours l’avoyt voulentiers baiïllé à son confrère lors de son passaige en ceste ville, pour ce que les archevesques se font de ces cadeaux entre eulx, cognoissant combien sont cuisantes les desmangeaisons théologicques. Doncques, ce ieune prebstre vint au Concile et feut logié dans la maison de son prélat, qui estoyt homme de bonnes mœurs et grant science,

Philippe de Mala, comme avoyt nom le prebstre, se résolut à bien faire et servir dignement son promoteur; mais il veit dans ce Concile mystigoricque force gens menant une vie dissolue, et n’en gaignant pas moins, et mesmes plus d'indulgences, escuz d’or, bénéfices, que tous aultres saiges et bien rengez. Ores, pendant une nuict aspre à sa vertu, le diable luy souffla dans l’aureille et entendement qu'il eust à faire sa provision à pannerées, puisque ung chascun puisoyt au giron de nostre saincte mère l’Ecclise sans le tarir; miracle qui prouvoyt bien la présence de Dieu. Et le prebstre tourangeau ne faillit point au diable. Il se promit de bancqueter, de se ruer en rostisseries et aultres saulces d’Allemaigne, quand il le pourroyt sans payer, veu que il estoyt paouvre tout son saoul. Comme il restoyt fort continent, en ce qu'il se modeloyt sur son paouvre vieulx archevesque, qui, par force, ne péchoyt plus et passoyt pour ung sainct, il avoyt souvent à souffrir ardeurs intolérables suivies de tristifications, veu le numbre de belles courtisanes bien gorgiasées et gelives a paouvre monde, lesquelles habitoyent Constance pour éclaircir Pentendement des pères du Concile. Il enrageoyt de ne

pas scavoir comment on abordoyt ces pies guallantes, qui rabbrouoyent les cardinaulx, abbez, commandataires, auditeurs de rote, légats, évesques, princes, ducs et margraves, comme elles auroyent pu faire de simples clercs desnuez d’argent. Le soir, après ses prières dictes, il essayoyt de parler à elles, en s’apprenant le beau breviaire d'amour. Il s’interroguoyt à respondre à tous cas eschéants. Et, le lendemain, si, vers complies, il rencontroyt quelqu’une desdictes princesses en bon poinct, veautrée en sa lictière, escortée de ses paiges bien armez, et fière, il demouroyt béant, comme chien attrapant mousches, à veoir ceste frisque figure qui le brusloyt d'autant.

Le secrétaire de Monseigneur, gentilhomme périgourdin, luy ayant apertement démonstré que les pères, procureurs et auditeurs de rote, acheptoyent par force présents, non relicques ou indulgences, mais bien pierreries et or, la faveur d’estre familiers chez les plus haultes de ces chattes choyées qui vivoyent sous la protection des seigneurs du Concile, alors le paouvre Tourangeau, tout nice et cocquebin qu'il estoyt, thezaurisoyt dans sa paillasse les angelotz à luy donnez par le bon archevesque pour tra-

vaulx d’escripture, espérant, ung iour, en avoir suffisamment, à ceste fin de veoir ung petit la courtizane d’ung cardinal, se fiant à Dieu pour le reste

Il estoyt deschaussé de la cervelle iusqu’aux talons, et ressembloyt autant à ung homme qu’une chievre coëffée de nuict ressemble à une damoiselle; mais, bridé par son envie, il alloyt le soir par les rues de Constance, peu soulcieux de sa vie ; et, au risque de se faire pertuysanner le corps par les souldards, il espionnoyt les cardinaulx entrant chez les leurs. Lors il voyoyt les chandelles de cire s’allumant aussitost ez maisons; et soubdain reluisoyent les huys et les croisées. Puis il entendoyt les benoïsts abbez ou aultres se rigolant, beuvant, prenant du meilleur, énamourez, chantant l’Alleluia secret, et donnant de menus suffraiges à la musicque dont on les resgalloyt. Les cuisines faisoyent des miracles, et si disoyt-on des Offices de bonnes pottées grasses et fluantes, Matines de iambonneaux, Vespres de goulées friandes et Laudes de sucreries. Et, après les beuvettes, ores, ces braves prebstres se taisoyent. Leurs paiges iouoyent aux dez sur les degrez, etles mules restives se battoyent dans la rue. Tout alloyt bien! Mais, aussy, il y avoyt de la foy et de lareli-

gion. Voilà comment le bonhomme Hus feut bruslé ! Et la cause? Il mettoyt la main dans le plat, sans en estre prié. Et doncques, pourquoy estoyt-il huguenot avant les aultres?

Pour en revenir au petit gentil Philippe, souventes foys il receut force horions, et attrapa de bons coups; mais le diable le soustenoyt, en l’incitant à croire que, tost ou tard, il auroyt son tour d’estre cardinal chez quelque femme d’ung. Sa convoitise lui donna de la hardiesse comme à ung cerf en automne, et si, qu'il se glissa ung soir dans la plus belle maison de Constance, au montoir, d’où il avoyt souvent veu des officiers, senneschaulx, varlets et paiges attendant, avecques des flambeaux, leurs maistres, ducs, roys, cardinaulx et archevesques.

— Ah! se dit-il, elle doibt estre belle et guallante, celle-là !.…

Ung souldard, bien armé, le laissa passer, cuydant qu'il appartenoyt à l'électeur de Bavière, sortant présentement dudict logiz, etqu’il alloyt s’y acquitter d'ung messaige de ce dessusdict seigneur. Philippe de Mala monta les degrez aussi lestement que lévrier possédé de male raige d'amour, et feut mené par une délectable odeur de parfums iouxte la chambre

où devisoyt avecques ses femmes la maistresse du logiz en désagraphant ses atours.Ilresta tout esbahy, comme ung voleur devant les sergens. La dame estoyt sans Cotte ni chapperon. Les chamberières et les meschines, occupées à la deschausser et déshabiller, mettoyent son ioly corps à nud si dextrement et franchement, que le prebstre esmérillonné feitung Ah! qui sentoyt l'amour.

— Et que voulez-vous, mon petit? luy dit la dame.

— Vous rendre mon âme, feit-il en la mangeant des yeulx.

— Vous pouvez revenir demain, reprint-elle pour se druement gausser de luy.

À quoy Philippe, tout bordé de cramoisy, respondit gentement : — Ie n’y fauldray.

Elle se print à rire comme une folle. Le Philippe, interdict, resta pantois et tout aise, arrestant sur elle des yeulx qui cupidonnoyent d'admirasles mignardises d'amour : comme beaulx cheveulx espars sur ung dos ayant poly d'ivoire, et monstrant des plans délicieux, blancs et luysans, à travers mille boucles frizotantes. Elle avait sur son front de neige ung rubis-balays, moins fertile en vagues de feu

que ses yeulx noirs humectez de larmes par son bon rire. Mesmes elle gecta son solier à la poulaine, doré comme une chaasse, en se tordant, force de ribauder, et feit veoir son pied nud, plus petit que bec de cygne. Ce soir, elle estoyt de belle humeur ; aultrement, elle auroyt faict bouter dehors par la fenestre le petit tonsuré, sans en prendre plus de soulcy que-de son premier évesque.

— Il ha de beaulx yeulx, madame! dit une des meschines.

— D'où sort-il doncques ? demanda l’aultre.

— Paouvre enfant! s’escria Madame, sa mère le chercheroyt. Il faut le remettre dans la bonne voyc.

Le Tourangeau, ne perdant pas le sens, feit ung signe de délectation, en mirant le lict de brocard d’or où alloyt reposer le ioly corps de la galloise. Ceste œillade, pleine de suc et d'intelligence amoureuse, resveigla la phantaisie de la dame, qui, moitié riant, moitié férue du mignon, luy répéta : « Demain! » et le renvoya par ung geste, auquel le pape Ichan luy-mesme auroyt obéi, d'autant qu'il estoyt comme ung limasson sans cocque, veu que le Concile venoyt de le dépapiser.

— Ah ! madame, voilà encores ung vœu de chas-

teté mué en dezir d'amour, dit l’une des femelles.

Et les rizées recommencèrent dru comme gresle. Philippe s’en aïîla, donnant de la teste contre les bois, en vraye corneille coëffée, tout estourdy qu'il estoyt d’avoir entreveu ceste créature plus friande à crocquer que syrène sortant de l’eaue…. Il remarqua les figures d’animaulx engravées au-dessus de la porte, ets’en revint chez son bonhomme d’archevesque, avecques mille pannerées de diables dans le cueur, et la fressure toute sophisticquée. Monté dans sa chambrette, il y compta ses angelotz pendant toute la nuict, mais n’en freuva iamais que quatre; et, comme ce estoyt tout son sainct-frusquin, il cuydoyt satisfaire la belle en luy donnant ce qu'il avoyt à luy dans le monde

— Qu'avez-vous doncques, Phppe ? luy dit le bon archevesque, inquiet des tresmoussemens et des Oh! oh! de son clerc.

— Ah! monseigneur! respondit le paouvre prebstre, ie m'esbahis comment une femme si légiere et si doulce poise tant sur le cueur !.…

— Et quelle? reprintl’ archevesque en posant son breviaire, qu'il lisoyt pour les aultres, le bonhomine |

— Ah Jésus, vous allez me maulgréer, mon bon maistre et protecteur, pour ce que l'ay veu la dame d’ung cardinal au moins. Et ie plouroys, voyant qu’il me manqueroyt bien plus d’un paillard escu pour elle, encores que me la laïisseriez convertir au bien…

L’archevesque, fronssant l'accent circonflexe qu’il avoyt au-dessus du nez, ne souffla mot. Ores doncques, le trez-humble prebstre trembloyt dans sa peau de s’estre ainsy confessé à son supérieur. Mais incontinent le sainct homme luy dit : — Vère, elle est doncques bien chiere?

— Eh! feit-il, elle ha desgressé bien des mitres et frippé bien des crosses.

— Eh bien! Philippe, si tu veux renoncer à elle, ie te bailleray trente angelotz du bien des paouvres.

— Ah! monseigneur, j'y perdroys trop! respondit le gars, ardé par la ratelée qu’il se promettoyt.

— Oh! Philippe, dit le bon Bourdeloys, tu veux doncques aller au diable et desplaire à Dieu, comme tous nos cardinaulx ?

Et le maistre, navré de douleur, se mit à prier

sainct Gatien, patron des cocquebins, de saulver son serviteur. Il le feit agenoiller, en luy disant de se recommander aussy à sainct Philippe; mais le damné prebstre impétra tout bas le sainct de l’empescher de faillir, si demain sa dame le recevoyt à mercy et miséricorde, et le bon archevesque, oyant la ferveur de son domestique, luy crioyt : — Courage, petit! le Ciel t'exaulcera.

Lendemain, pendant que Monsieur déblatéroyt au Concile contre le train impudicque des apostres de la chrestienté, Philippe de Mala despendit ses angelotz, gaignez avecques force labeur, en perfumeries, baignades, estuveries et aultres friperies. Ores, il se mugueta si bien, qu'auriez dit le mignon d'une linotte coëffée. Il dévalla par la ville, pour y recognoistre le logiz de sa royne de cœur; et quand il demanda aux passans à qui estoyct ladicte maison, ils luy rioyent au nez, en disant : « D'où vient ce galeux qui n’ha entendu parler de la belle Impéria? » Il eut grand paour d’avoir despendu ses angelotz pour le diable, en voyant, par le nom, dans quel horrificque tracquenard il estoyt tombé voulontajrement,

Impéria estoyt la plus prétieuse et fantasque fille

ee... TT SE

du monde, oultre qu’elle passoyt pour la plus lucidificquement belle, et celle qui mieulx s’entendoyt à papelarder les cardinaulx, guallantiser les plus rudes souldards et oppresseurs de peuple. Elle possédoyt, à elle, de braves capitaines, archers et seigneurs, curieux de la servir en tout poinct. Elle n'avoyt qu'ung mot à souffler, à ceste fin d’occire ceux qui faisoyent les faschez. Une desconficture d'hommes ne lui coustoyt qu'ung gentil soubrire; et, souventes fois, ung sire de Baudricourt, capitaine du Roy de France, luy demandoyt s’il y avoyt, ce iour-là, quelqu'un à tuer pour elle, par manière de raillerie à l'encontre des abbez. Sauf les potentats du hault clergié, avecques lesquels madame Impéria accommodoyt finement ses ires, elle menoyt tout à la baguette, en vertu de son cacquet et de ses fassons d’amour, dont les plus vertueux et insensibles estoyent enlassez comme dans de la glue. Aussy vivoyt-elle chérie et respectée autant que les vrayes dames et princesses, et l’appeloyt-on Madame. À quoy le bon empereur Sigismond res« pondoyt à une vraye et preude femme qui se plaignoyt de ce : — Que, elles, bonnes dames, con servoyent les costumes saiges de la saincte vertu,

et madame Impéria les tant doulx erremens de la déesse Vénus. Paroles chrestiennes dont se chocquèrent les dames, bien à tort

Philippe doncques, repensant à la franche lippée qu'il avoyt eue par les yeulx la veille, se doubta que ce seroyt tout. Lors, feut chagrin; et, sans mangier ne boire, se pourmena par le. ville, en attendant l'heure, d'autant qu’il estovt cocquet et guallant assez pour en treuver d’aultres moins rudes au montoir que n’estoyt madame Impéria.

La nuict venue, le ioly petit Tourangeau, tout relevé d’orgutil, caparassonné de dezirs et fouetté par scs Hélas! qui l’estouffoyent, se coula comme une anguille au logiz de la véritable royne du Concile : car devant elle s’abaissoyent toutes les authoritez, sciences et prud’hommies de la chrestienté. Le maïistre d’hostel le desconnut et l’alloyt gecter dehors, quand la chamberière dit, du hault des degrez : — Eh ! messire Imbert, c’est le petit de Madame! Et le paouvre Philippe, rouge comme une nuict de nopces, monta la vis en bronchant d’heur et d’aise. La chamberière le print par la main et le mena dedans la salle où piaffoyt desià Madame, lestement nippée en femme de couraige qui attend mieulx. La lucidi-

ficque Impéria estoyt assise près une table couverte de nappes peluchées, garnies d’or, avecques tout l’attirail de la meilleure beuverie. Flaccons de vin, hanaps altérez, bouteilles d'hypocras, grez pleins de bon vin de Chypre, drageoires combles d’espices, paons rostis, saulces vertes, petits iambonneaux salez, auroient resiouy la veue du guallant, s’il n’avoyt pas tant aymé madame Impéria. Elle veit bien que les yeulx de son petit prebstre estoyent tout à elle. Quoique coustumière des parpaillotes dévotions des gens d’ecclise, elle feut bien contente, pour ce qu’elle s’estoyt affolée nuictamment du paouvre pe= tit, qui, toute la iournée, lui avoyt trotté dans le cueur. Les vitresavoient esté closes, Madame estoyt bien dispose et attournée comme pour faire honneur à ung prince de l’Empire. Aussy le fripon, beatifié par la sacro-saincte beaulté d’Impéria, cogneut-il que empereur, burgrave, voire ung cardinal entrain d’estre esleu pape, n’auroyt raison ce soir contre luy, petit prebstre, qui, dans sa bougette, ne logeovi que le diable et l'amour. Il trencha du seigneur, et se iacta, en la saluant avecquesune courtoisie qui n’estoyt point du tout sotte; et pour lors, la dame luy dit, en le festoyant par ung cuisant res-

guard : — Mettez-vous près de moy, que ie voye vous estes changé d'hier.

— Oh oui! feit-il.

— Et d'où? dit-elle,

— Hier, reprint le matois, ie vous aymoys!.… Ores, ce soir, nous nous aymons; et, de paouvre souffreteux, suis devenu plus riche qu’ung roy.

— Oh! petit! petit! s’écria-t-elle ioyeulsement, oui, tu es changé, car, deieune prebstre, bien voisje que tu es devenu vieulx diable.

Et ils s’accotèrent ensemble devant ung bon feu, qui alloyt espandant esgalement partoutleur ivresse. Ils restoyent tousiours prests à mangier, veu qu'ils ne pensoient qu'à se pigeonner des yeux, et ne touchoyent point aux plats... Comme ils s’estoyent enfin establis dans leur aise et contentement, il se feit ung bruit désagréable à l’huys de Madame, comme si gens s’y battoyent en criant.

— Madame, dit la meschinette hastée, en vécy bien d’une aultre!…

— Quoy? s’escria-t-elle d’ung air haultain, comme tyran maulgréant d’estre interrompu.

— L'évesque de Coire veut parler à vous.

— Que le diable l’estrille! respondit-elle en resguardant Philippe de gentille fasson.

— Madame, il ha veu la lumière par les fissures et faict grand tapaige…

— Dis-luy que ray la fiebvre, et point ne mentiras, pour ce que ie suis malade de ce petit prebstre qui me frétille dans la cervelle.

Mais, comme achevoyt son dire, en pressant dévotieusement la main de Philippe, qui bouilloyt dans sa peau, le gros évesque de Coire se monstra tout poussif et cholère. Ses estaffiers le suivoyent portant une truite canonicquement saumonée, fresche tirée hors du Rhin, gizant dans ung plat d’or; puis des espices contenues ez drageoires mirificques, et mille friandises, comme liqueurs et compotes faictes par de sainctes nonnes de ses abbayes.

— Ah! ah! feit-il de sa grosse voix, j'ai le temps d’estre avecques le diable, sans que vous me fassiez escorchier d'avance par Iuy, ma mignonne.

— Vostre ventre fera quelque iour une belle guaisne d’espée. respondit-elle en fronssant ses sourcils, qui, de beaulx et plaisans, devinrent meschans à faire trembler.

— Et cet enfant de chœur, vient-il doncques à

l'offrande desia? dit insolemment l’évesque en tour nant sa face large et rubicunde vers le gentil Philippe. |

— Monseigneur, ie suis icy pour confesser Madame.

— Oh! oh! sçays-tu pasles canons? Confesser les dames à ceste heure de nuict est ung droict réservé aux évesques.. Ores, tire tes grègues, va pasturer avecques simples moynes, et ne retourne icy, soubz poine d’excommunication.

— Ne bougez! cria la rugissante Impéria, plus belle de cholère qu’elle n’estoyt d'amour, pour ce qu’il y avoyt ensemble amour et cholère. Restez, mon amy ! Vous estes icy chez fous !.….

Lors il cogneut qu'il estoyt le vray bien aymé.

— N'est-ce pas matière de breviaire et enseignement évangélicque, que vous serez égaulx devant Dieu à la vallée de Iosaphat? demanda--t-elle à l'évesque.

— C'est une invention du diable qui ha frelatté la Bible; mais c’est escript, répondit le gros balourd d’évesque de Coire, pressé de s’attabler.

— Hé bien! soyez doncques égaulx devant moy, qui suis icy-bas votre déesse, reprint Impéria ; si-

non, ie vous feroys délicatement estrangler quelque jour entre la teste et les espaules! Ie le iure par la toute-puissance de ma tonsure, qui vault bien celle du pape! Et, voulant que la truite feust du repas, voire le plat, les drageoires et les friandises, elle adiouxta dextrement : — Asseyez-vous et beuvez. Mais la rusée linotte, qui n’en estcyt à sa première dauberie, cligna de l'œil pour dire à son mignon qu’il ne falloyt avoir cure de cet Allemand, dont le piot leur feroyt briefve iustice.

La chamberière mit et entortilla l’évesque à table, pendant que Philippe, atteint d’une raige qui luy fermoyt le bec, en ce qu’il voyoyt son heur s’en aller en fumée, donnoyt l'évesque à plus de diables qu'il n’y avoyt de moynes en vie. Ils estoyent pieçà vers la moitié du repas, que le ieune prebstre n’y avoyt point encores touchié, n'ayant faim que d'Impéria, près de laquelle il se pelotonnoyt sans mot dire, mais parlant de ce bon languaige auquel lés dames entendent, sans poincts, virgules, accens, lettres, figures ni charactères, notes ou imaiges. Le gros évesque, assez sensuel et soigneux du vestement de peau ecclésiasticque dans lequel sa desfuncte mère l’avoyt cousu, se laissoyt amplement servir de

l'hypocras par la main délicate de Madame ; etilen estoyt desià à son premier hocquet, quand ung grand bruit de cavalcade feit esclandre dans la rue. Le numbre des chevaux, les Æo! ho! des paiges, démonstrèrent qu'il arrivoyt quelque prince furieux d'amour. Et de faict, tost après, le cardinal de Raguse, à qui les gens d’Impéria n’avoyent osé barrer la porte, entra dans la salle. A ceste veue triste, la paouvre courtizane et son petit devinrent honteux et desconvenus comme des lépreux d'hier, car c’estoyt tenter le diable que vouloir évincer le cardinal, d'autant qu’alors on ne sçavoyt qui seroyt pape, les trois prétendans s'estant desmis du bonnet pour le prouffict de la chrestienté. Le cardinal, qui estoyt ung rusé Italian, trez-barbu, grant sophisticqueur et boute-en-train du Concile, devina, par le plus foible iect de son entendement, l'alpha et l’oméga de ceste adventure. Il n’eut qu’ung petit pensier à peser pour sçavoir comment il debvoyt besongner à ceste fin de bien hypothecquer ses fressurades. Il arrivoyt poulsé par ung appétit de moyne; et, pour obtenir sa repeue, il estoyt homme à daguer deux moynes et vendre son morceau de vraye croix, ce qui eust esté mal.

— Hé! mon amy, feit-il à Philippe en l'appelant à luy.

Le paouvre Tourangeau, plus mort que vif, en soupconnant que le diable se mesloytde ses affaires, se leva, et dit; — Plaist-il ? au redoutable cardinal. Cettuy, l’'emmenant par le bras sur les degrez, le resguarda dans le blanc des yeux, et reprint sans Janterner : — Ventredieu ! tu es ung bon petit compaignon, et ie ne vouldroys pas estre obligé de faire scavoir à ton chief ce que ton ventre poise!... Mon contentement pourroyt me couster des fondations pieuses en mes vieulx iours.. Ainsy, choisis: de te marier avecques une abbaye pour le demourant de tes iours, ou avec Madame, ce soir, pour en mourir demain.

Le paouvre Tourangeau, désespéré, luy dit : — Et vostre ardeur passée, monseigneur, pourray-je revenir ?

Le eardinal eut poine à se fascher; pourtant, il dit griefvement : — Choisis! le haultbois ou la mitre |

— Ah! feitie prebstre malicieusement, une bonne grosse abbaye.

Oyant cela, le cardinal rentra dans la salle, y

print une escriptoire et griffonna sur ung bout de charte une cédule pour l’envoyé de France.

— Monseigneur, luy dit le Tourangeau pendant qu'il orthographioyt l’abbaye, l’évesque de Coire ne s'en ira pas aussy briefvement que moy, car il ha autant d'abbayes que les souldards ont de beuvettes en ville, et puis il est dans les ioyes du Seigneur! Ores, m'est advis que, pour vous mercier de ceste tant bonne abbaye, ie vous doios ung bel advertissement... Vous scavez, du reste, combien est malivole et se gaigne dru ceste damnée cocqueluche qui ha cruellement matté Paris? Ores, dictes-luy que vous venez d'assister vostre bon vieulx amy l’archevesque de Bourdeaux.. Par ainsy, le ferez desguerpir comme feurre devant grant souffle d’aër.

— Oh! oh!... s’escria le cardinal, tu mérites mieulx qu’une abbaye... Hé! ventredieu ! mon petit amy, voilà cent escuz d’or pour ton voyaige à l’abbaye de Turpenay, que i’ay gaignés au ieu hier et que ie te baïlle en pur don.

En entendant ces paroles et voyant disparoistre Philippe de Mala sans qu'il luy despartist la chatouillante œillade pleine de quintessénce amoureuse qu’elle en espéroyt, la léonine Impéria, soufflant

comme ung daulphin, devina la couardise du prebstre. Elle n’estoyt pas encores catholicque assez pour pardonner à son amant de la gaber en ne saichant pas mourir pour sa phantaisie. Aussy la mort de Philippe feut-elle engravée dans le resguard de vipère qu'elle luy lança pour luy faire insulte, ce qui rendit le cardinal tout aise, car le paillard Italian veit bien qu'il rentrerait tost dans son abbaye. Le Tourangeau, n’ayant cure ni soulcy de l’oraige, s’évada en allant de costé, en silence et l’aureille basse, comme ung chien mouillé que l’on chasse de vespres. Madame poulsa ung sospir de cueur ! Elle auroyt singulièrement accoustré le genre humain, pour peu qu’elle l’eust tenu, car le feu qui la possédoyt luy estoyt monté dans la teste, et des petillons de flammes sourdoyent dans l’aër autour d’elle. Il y avoyt de quoy, pour ce que c'estoyt la première foys qu'un prebstre la gabeloyt. Ores, le cardinal soubrioyt, ‘cuydant qu'il n’en auroyt que plus d’'heur et d’aise. N'estoyt-ce pas ung rusé compaignon ? aussy avoyt-il un chapeau rouge !

— Ah! ah! mon bon-compère, dit-il à l’évesque, ie me félicite d’estre en vostre compaignie, et suis aise d’avoir sceu chasser ce petit cuistre indigne de

Madame, d'autant que, si vous l'aviez approuché, ma toute belle et fringuante bische, vous eussiez pu trespasser indignement par le faict d’ung simple prebstre.…

— Hé! comment ?.…

— C'est le scribe à monsieur larchevesque de Bourdeaux!... Ores, le bonhomme ha esté prins ce matin de la contagion.

L’évesque ouvrit la bouche comme s’il vouloyt avaller un fourmaige…

— Hé! d'où scavez-vous cela? demanda-t-il.

— Vère... dit le cardinal en prenant la main au bon Allemand, ie viens de l’administrer ei consoler. A ceste heure, le sainct homme ha bon vent pour voguer en paradiz.

Lévesque de Coire monstra combien les gros hommes sont légiers, pour ce que les gens bien pansus ont, par la graace de Dieu, en récompense de leurs travaulx, les tubes intérieurs élasticques comme ballons. Ores, ce dict évesque saulta d’ung bond en arrière, en suant d’ahan, toussant desià comme ung bœuf qui treuve des plumes dans son mangier. Puis, ayant blesmy tout à coup, il desgringola par les degrez, sans seulement dire adieu à

pe >.

Madame. Quand l’huys feut fermé sur l’évesque, et qu'il dévalla par les rues, monsieur de Raguse se print à rire et à vouloir gausser.

— Ah! ma mignonne, suis-je pas digne d’estre pape et, mieulx que cela, ton guallant ce soir ?.…

Mais, voyant l’Impéria soulcieuse, il s’approcha d'elle pour la mignardement enlasser dans ses bras etla mignotter à la fasson des cardinaulx, gens brimballant mieulx que tous aultres, voire mesmes que les souldards, en ce qu'ils sont oïzifs et ne guastent point leurs esperits essentiels.

— Ha! ha! feit-elle en reculant, tu veulx ma mort... fou métropolitain... Le principal pour vous est de vous gaudir, meschant ruffian, et mon ioly cas, chouse accessoire. Que ta ioye metue, vous me canoniserez, est-ce pas? Ah! vous avez la cocqueluche, et me voulez! Tourne et vire ailleurs, moyne despourvu de cervelle... Et ne me touche aulcunement, feit-elle en le voyant s’advancer, sinon, ie te gourmande avecques ce poignard!

Et la fine commère tira de son aumosnière ung tout ioly petit stylet, dont elle sçavoyt iouer à mer-

veille dans les cas opportuns.

…— Mais, mon petit paradiz, ma mignonne, dit

l'aultre en riant, vois-tu pas la ruse ?.. Ne fallovt-il pas forbannir ce vieulx bœuf de Coire ?.…

— Oui dà.. si vous m’aymez, bien le verray-je, reprint-elle… Ie veulx incontinent que vous sortiez.. Si vous estes happé par la maladie, ma mort vous chaille peu. le vous cognoys assez pour sçavoir à quel denier vous mettriez ung instant de ioye, à l'heure de vostre trespassement. Vous noyeriez la terre. Ah! ah! vous vous en estes iacté estant yvre. Ores, ie n’ayme que moy, mes threzors et ma santé... Allez, si vous n’avez pas la fressure gelée par le trousse-galant, vous me reviendrez veoir demain. Aujourd’hui, ie te hais, mon bon cardinal! dit-elle en soubriant.

— Impéria, s’escria le cardinal à genoilz, ma saincte Impéria, allons, ne te ioue pas de moy

— Non, feit-elle, ie ne ioue jamais avecques les chouses sainctes et sacrées.

— Ah! vilaine ribaude, je t'excommunieray.… Demain!

— Mercy Dieu! vous voilà hors de vostre sens cardinalesque.

— Impéria! satanée fille du diable! Hé! làf HR! ma toute belle!... ma petite.

— Vous perdez le respect !... Ne vous agenoillez pas. Fy doncques !.…

— Veux-tu quelque dispense in articulo mortis ?… Veux-tu ma fortune, ou, mieulx encore, ung morceau de la véritable vraye croix ?... Veux-tu?.…

— Ce soir, toutes les richesses du ciel et de la terre ne sauroyent payer mon cueur!.….. feit-elle en riant. Le seroys la darrenière des pécheresses, indigne de recepvoir le corps de Nostre Seigneur Iésus- Christ, siie n’avoys pas mes caprices.

— Je mets le feu à ta maison! Sorcière, tu m'as envousté!.… Tu périras sur ung buscher… Escoute-moy, mon amour, ma gentille galloise, Ie te promets la plusbelle place dans le ciel! Hein? Non!... A mort!... à mort la sorcière!

— Oh! oh ! ie vous tueray, monseigneur.

Et le cardinal escuma de male raige.

— Vous devenez fou, dit-elle; allez-vous-en... Cela vous fatigue.

— Je seray pape, et tu me payeras cet estrif….

— Alors, vous n’en serez pas plus dispensé de m'obéir.…

— Que faut-il doncques ce soir pour te plaire ?

| — Sortir !

Elle sauta légèrement, comme ung hosche-queue, dans sa chambre, et s’y verrouilla, laissant tempester le cardinal, à qui force feut de desguerpir. Quand la belle Impéria se treuva seule devant le feu, attablée, et sans son petit prebstre, elle dit, en brisant de cholère toutes ses chaisnettes d'or: — Par la double triple corne du diable, si le petit m’ha faict donner ceste bourde au cardinal, et m’expose à estre empoisonnée demain, sans que ie chevisse de luy.…. tout mon content ! ie ne mourray pas que iene l’aye veu escorchier vif devant moi. Ah! feit-elle, en plourant ceste foys avecques de véritables: larmes, ie mène une vie bien malheureuse, et le peu d’heur, par-ci, par-là, qui m'eschet, me couste ung mestier de chien, oultre mon salut.

Comme elle achevoyt sa ratelée, en reccapant comme veau qu'on tue, elle veit la figure rougeaude du petit prebstre, qui s’estoyt trez-dextrement mussé, poindant de derrière elle dans son mirouer de Venise.

— Ah! feit-elle, tu es le plus parfaict moyne, le plus ioly petit moyne, moynant, moynillant, qui ayt iamais moyneaudé dans ceste saincte et amoureuse ville de Constance! Ah! ah! viens, mon

gentil cavalier, mon fils chéry, mon bedon, mon paradiz de délectation ! Ie veulx boire tes yeulx, te mangier, te tuer d'amour! Oh! mon florissant, mon verdoyant et sempiternel dieu! Va, de petit religieux, ie veulx te faire Roy, Empereur, Pape, et plus heureux qu’eulx tous! Dà! tu peux tout mettre léans à feu et à sang! Ie suis tienne! et le monstreray bien, car tu seras tost cardinal, quand pour rougir ta barette ie debvroys verser tout le sang de mon cueur !

Et, de ses mains tremblottantes, toute heureuse, elle emplit de vin grec ung hanap d'or apporté par le gros évesque de Coire et le présenta à son amy, qu’elle voulut servir à genoilz, elle dont les princes treuvoyent la pantophle de plus hault goust que celle du Pape. é

Mais luy la resguardoyt en silence d’ung œil si goulu d'amour, qu’elle luy dit, tressaillant d’aise — Allons! tais-toy, petit! Soupons.

D om RE

rire ER HD à LE meet SEL |

Lt

FE. 7 | 6 “4 | fe L” nat CHE TEL) US Ar) au vi