I.KS PRISONS DE LA REIKB DB NAVAItltl

Le portefaix do tout nostre fardeau :

C'est ceste voix qui, en tant de façons,

De temps et lieux, de personnes et sons.

S'est faiete ouvr par doulceur et rudesse,

Et par menasse et par douloe promesse,

Pour attirer au ciel ce monde bas.

Et de tristesse en l'éternel soûlas,

Dont bien petis en furent les prouffitz :

Mais à la fin ceste voix par le Filz

S'est faiete ouyr, en s'escriant si hault

Que crovre, aymer et confesser le fault.

C'est ceste voix qui dist : « Venez trestous

« A moy qui suys tant amyable et doulx. »

Ceste voix dist : « Retournez, retournez,

« O Sunamitte, et à moy seul venez. »

Puys dist : « Venez, faictes de voz cueurs seaux,

« Tous ayans soif puyser des vives eaux. »

Ceste voix là l'amy ressuscita

Lorsqu'à pleurer vraye amour l'incita,

Ceste voix là par son puyssant effort, Fol. 323 verso.

N'estimant rien le povoir de la mort,

D'entre ses dentz en a plusieurs tirez,

Que pourrez veoir quand l'escript saint lire/:

Ceste voix là, tant admirable et digne,

Nous a monstre la volunté divine

Parlant, preschant en tous lieux et au temple,

La confirmant de miracle et d'exemple ;

Et pour la fin, c'est la voix qui pria

Pour les pécheurs, et qui si hault cria

Qu'elle perça oreilles et entrailles

De la justice et du Dieu des batailles,

Qui du péché soudain prenoit vengeance,

Fut exaulcé[e] apportant indulgence

Que jamais nul n'avoit sceu aquerir

Par son prier, pleurer ou requérir ;

C'est ceste voix de Jacob qui supplante

Du frère grand le bien, car il se plante

Devant le père, où bénédiction

Receut estant couvert de passion,

Que merittoit le péché qu'il portoit

Par ceste peau qui nous representoit ;

C'est ceste voix par laquelle dérive

De Dieu à nous ceste parolle vive,

Qui tant et tant de bons motz a chanté

Qu'il n'y a cueur qui n'en soit contante :

Quand est du mien, s'il n'en est satisfaict

Entièrement, il est très imparfaict,

Car rocher n'est si dur qui n'en fendist,

Ou qui de l'eau en l'oyant ne rendist.

Ung mot sans plus d'elle j'ay retenu, Foi. 324.

Qui est souvent devant mes yeulx venu :

« Où est l'Esprit là est la liberté ».

Et me donna ce mot la seureté

Qu'ayant receu cest esprit véritable,

Plus ne seroys prisonnier misérable,

Car cest Esprit, qui tout m'anéantit

Et mon cuyder et désir amortit,

Me scait et peult en ung Rien transformer;

Et ce Rien là ne se peult enfermer,

Car Rien ne crainct prison ne porte close,