I.KS PRISONS |)|. IV III.IM. DR N A VAItltl

Hz n'ont povoir sinon sur quelque chose ;

Mais où cuyder d'estre est entretenu,

Tant soit petit, penlt estre retenu ;

Et quand ce Riens à son Tout est uny,

Et le cuyder en luy mort et puny,

C'est liberté plaisante, pure et plaine,

Contantement et joye souveraine.

Tout le malheur que l'homme penlt patir

Ne se sçauroit de Rien faire sentir,

Et de tout bien qui l'homme en orgueil monte

Celuy qui est mis à Riens ne tient compte,

Car Tout, auquel inséparablement

Il est uny, est son seul sentement ;

Et ce Tout là ne sçauroit estre pris,

Car tout le monde est dedans luy compris.

Ce Tout est tel qu'on ne le peult comprendre,

Et tout comprent, de nul ne penlt aprendre

Et tout aprent, tout le monde environne

Ce Tout qui est de ses œuvres couronne ;

Et tout l'honneur à luy seul appartient, Fol. 324 verso.

Gloire et amour, comme à celluy dont vient

Tout ; ce qu'il fait est et sera à naistre,

Car par ce Tout et en ce Tout ont estre ■

Il les enclost par grandeur indicible

Et vit en eulx par façon invisible ;

Par le dehors toutes choses contient

Et par dedans en les tenant se tient.

Qui pourra donc ce Tout emprisonner.'

Nul, car sur tous a povoir d'ordonner.

Et cestuy là qui ce Tout a congneu

246 DERNIÈRES POÉSIES DE MARGUERITE DE NAVAlUtE

Tant qu'il est Rien en son sens devenu,

Ne se sentant plus estre ne plus vivre,

Et ce cuyder; qui les mondains enyvre,

Il voit defïaict, et la vérité prendre

Son lieu au cueur, en luy faisant entendre

Que Celluy seul qui Est est de tous maistre,

Et qu'il est Tout en tous, la vie et l'estre ;

La vérité monstrant ce Tout parfaict

Rend le cuyder et l'homme tout deffaict,

Car hors du Tout n'est habitation

Où l'homme puysse «quérir station ;

Si par cuyder quelque chose il se pense,

De son seul Tout s'eslongne et de science1,

Mescongnoissant son estre tel qu'il est,

D'estre à son Tout uny il n'est pas prest ;

Mais quand son Rien il voit et tel se sent,

Il vient petit, povre, nud, innocent,

Et si petit qu'estre en luy ne séjourne2,

Mais en son Tout le voit et le retourne.

Car puysqu'au Tout son estre voit et veult Fol. 325.

Qu'en luy seul soit, son Rien à l'heure peult;

Et ce Tout là, où son seul estre il croit

S'incorporer et retourner tout droit,

C'est le chef d'oeuvre et de foy et d'amour

Par qui au Tout le Rien fait son retour.

Qui prendra donc ce Rien qui est voilé

Jusqu'à son Tout, auquel est si collé

J. Ms. 24298, f° 174, desavancc. — 2. Le ms. 1522 porte : Et si très rien qu'estre en luy ne séjorne.

lis puisons m; i.a m UNI ni. nayaiiiik 247

Que la hatilteur du ciel, ny le profond,

Bmpeschemenl ;i l'union ne fonl .'

Mort ny pèche, douleur ny passion

N'en feront point la séparation,

Car cest amour de Dieu est invincible,

Et tout luy est et facile et possible;

Parquoy tenir ne peult prison ne corde

Celluy qui est par la miséricorde

De ce grand Tout, par vive congnoissance,

Mis tout à Rien, ainsi qu'à sa naissance,

Et si petit qu'il ne se peult congnoistre

Fors seulement en sa vie et son estre,

Qu'il1 recongnoist en son Tout seulement,

Parquoy ce Riens n'a peur de nul tourment.

En luy est bien la liberté libère,

Car ce qu'il veult et ce qu'il délibère

Il sçait et peult faire à sa volonté,

Et nul vivant n'est franc ny exempté

De son povoir et feu inévitable ;

Parquoy il est a soy mesme agréable.

De soy contant, satisfaict et joyeulx,

Car il est Tout, qui la terre et les cyeulx i 0i. 835 verso

En ses braz tient et les tourne et demayne.

Comme il luy plaist, et dedans se promaine.

Mais sa bonté, qui jamais n'est oyseuse,

Qui de sa gloire est tousjours amoureuse,

À fait le ciel à force d'amour fendre

Et son seul lilz eà bas à nous descendre,