Ms

248 DEKNIÈIîES POÉSIES DE MARGUERITE DE NAVARliE

Pour nous tirer de prison orde et salle

Où le cuyder, plain d'invention malle,

Nous retenoit, et faisoit apparoistre

Que chacun doit penser quelque chose estre ;

Et puys désir d'estre et valoir beaucoup

Suyvoit cuyder, et plaisir tout à coup

Après les deux venoit le cueur lyer,

En lui donnant de peynes ung milier.

Las ! myeulx vauldroit à l'homme n'estre né

Que par cuyder estre ainsy proumené

De Dieu, de soy, de son estre et naissance :

Cuyder le fait perdre la congnoissance ;

Mais par ce Filz, transmis à nous ça bas,

Sont appaisez ces differentz debatz,

Car nostre chair il a prise et l'a mise

Du Tout à Rien : là gist nostre franchise.

Et ce Rien là il voulut esprouver,

Quand sur la croix se monstra estre ung ver

Et homme non, en s'aneantissant

Et nostre Rien de cuyder nettissant.

Lors, quand à Rien eut mys Adam charnel,

11 le tira à son Père éternel,

Lequel est Tout et Celluy seul qui Est :

Là il trouva son repoz et arrest, Foi. 326.

Clarté sans nuict et beaulté sans laideur.

Santé sans mal, feu plaisant sans ardeur.

Plaisir sans fin et joye sans tristesse,

Force et vertu sans vice ny fallace,

Vie sans mort, scavoir sans ignorance,

Possession sans travail d'espérance,

LIS puisons dk LA RBINB DE NAVAiu:i 249

Vraye union sans séparation,

Amour parfaict sans nulle fiction,

Le ciel sans terre et Dieu sans nul semblable,

Esprit sans chair et tout innommable,

Et vérité sans cuyder claire et pure,

Foy sans douhter, netteté sans ordure,

Contantement satîsfaict et contant.

Parquoy ce Rien va courant et saultant,

Ravy d'amour et transporté de joye,

Dedans son Tout, vérité, vie et voye :

Il vit ayant sa vie recouverte,

Il croyt voyant sa voye toute ouverte,

Il est scavant, trouvant la vérité.

O povre Rien, qui n'avoys meritté

D'estre, sinon Rien, le nom que tu porte[s],

Comme en ce Tout tu as puyssance forte,

Lequel t'a fait en toy premier entrer

Et puys en luy par vive foy rentrer,

Te donnant mort, puys résurrection.

Damnation et puys salvation,

Qui du hault ciel jusqu'en enfer t'abbesse

Pour te monstrer ta grande petitesse,

Et puys du fond/ d'enfer plain de niait in-

Jusqu'au plus hault du ciel il te retire; Fol. 326 verso.

Il t'a perdu, tourmenté, esprouvé,

Jusques à Riens, et puys t'a retrouvé.

0 puyssant Tout, plain d'amour indicible !

O povre Rien, encloi en impossible,

Qui es tyré de tes lyens horribles

Par les efiectz du Tout, qui sont terribles.

Aveuglissant les yeulx qu'il illumine,

Faisant boiteux allln que myeulx chemine

L'home impuyssant, le navrant pour guérir,

Et luy couppant les piedz pour myeulx courir !

O povre Rien, très riche devenu,

Dedans ce Tout que t'est il advenu ?

0 prisonnier dedans la lettre morte,

Par ung cuyder qui te fermoit la porte,

Tant qu'en lisant plus de lettre apprenoys

Et moins au vray sçavoir tu parvenois,

Quelle clarté t'a l'esprit révélé,

Qui dans la lettre es encloz et celle?

La lettre occit le vivant qui se fie,

Mais l'home mort cest esprit viyiffie.

Très heureux Rien, qui par ce feu céleste

Prison, lyens, cuyder qui tant moleste,

Pilliers, muraille et tous cruelz ustilz

Sont si brûliez qu'on demande : « Où sont ilz? »

Car leur mémoire avec le son périt

Et de leur mal le malade guérit.

O joyeulx Rien, qui par clarté sans timbre

Peulx cheminer, ne craignant nulle encombre,

Qui te sçauroit plus tenir ne garder,

Emprisonner, lier ou regarder? Fol. 327.

Nul, car il n'est œil sachant si bien veoir

Qui hors du Tout te puysse appercevoir.

L'humaine main sçaura bien besongnor

S'elle te peult hors du Tout empoigner,

Et dans le Tout tu es trop imprenable,

Car il te fait à soy mesmes semblable ;

i i:s puisons Di. i.a iu.im: DR NAVABBB 251

El puysque Tout L'homme ne peull comprendre,

Rien dedans Tout ausev no sçauroil prendre.

0 petit grand ! 0 Rien en Tout fondu !

0 Tout gaigné par Rien en ioy perdu !

() puyssant Rien, (jue tu as beau voiler

Et en enfer dedans tov devallor,

Qui sur toy n'a povoir uy seigneurie,

Car dedans n'est ung rien sans moquerie 1

Et ce grand Tout auquel tu es conjoinet,

Qui du serpent la teste brise et poingt,

Et de l'enfer rompt les portes ferrées,

Et du péché les dentz par trop serrera,

T'a exempté de leur aulhorité.

Puys, tout ardant d'amour et charité.

Tu prens ung vol dedans le Tout si hault

Que le povoir de tes plumes deffault

A declairer ce qui n'est pas licitte

De prononcer, et lors désir t'incittc

De faire ung vol à la partie dextre,

Et puys tourner après à la senestre;

Et de ton Dieu les bienfaictz contemplant

lin l'home et beste, animaulx et en plant,

Où tu peulx veoir si grande différence

Que, faisant d'un à l'autre conférence. Fol. 327 verso

Ne trouveras au dehors rien semblable.

Mais (juoy ! voicy ung cas esmeiveillable

Qu'ung seul en tous est estre et mouvement,

Vie, penser, raison et sentymenl ;

Bien monstre iey le Tout son grant povoir,

Quand luy seul est l'estre, vie et mouvoir

252 DEKNIÈKES POÉSIES DE MARGUERITE DE XAVAKRR

De ce qui est si différent sur terre

Que l'œil de chair en les regardant erre,

En s'arrestant à la diversité,

Division, douleur, adversité,

Car au dehors n'a que division

Qui donne au cueur mortelle passion ;

Et cestuy là, qui le dehors adore,

11 trouvera ténèbre exteriore;

Mais en vovant ce dehors divisé,

Si ung en tous par foy est advisé,

Geste union dedans la multitude,

Ceste douleur dedans l'escorce rude

Rend si contant l'esprit qui voit cela,

Qu'en liberté l'œil deçà et delà

Se peult tourner à veoir les créatures

Qui de Dieu sont masques ou couvertures ;

Et ne doit point craindre d'estre pris l'œil,

Ny de dehors sentir joye ny dueil

Quand ung seul voit au dedans seulement,

Qui du dehors a le gouvernement.

Cest ung, ce Tout en tout va requérant,

Et plus en voyt plus en ung est aidant :

Leur différence et multitude et nombre

Ne peult donner obscurité et timbre Fol. 328.

A ce seul Tout, mais plus le rend louable,

Plus il se voit en chose innumerable.

O saige Rien, qui tiens la droicte voye

Tousjours au Tout, sans que tu te desvoye

Pour le plaisir de la variété,

Par laquelle est, l'yver comme l'esté,

lis puisons DE LA REINB DK NAVARRE 253

Nature belle, qui le dehors admire,

Crï RU vray Tout et non en toy te mvif.

Siins t'arrester à ces choses caduques,

Ténébreuses, empeschantes, offusques,

Combien que l'œil charnel belles h's trouve;

Ainsy ne faiz qui en as fait l'espreuve,

Car la beaulté d'un seul si fort te plaist

Que le dehors, tant soit beau, te desplaist,

Sinon d'autant qu'il doit servir d'eschelle,

Pour adresser le voiler de ton aile i

Par la facture au Facteur, et montant

Aller tousjours ses louanges chantant,

Et des bienfaietz luy tout seul recongnoistre

Sans advouer dans le cueur autre maistre.

Mais parler fault ça bas comme les hommes,

Vivant comme eulx tant qu'avec eulx nous sommes,

Non pas suyvans leurs œuvres et couraiges,

Mais ouy bien, sans péché, leurs langaiges.

Puys ce Rien voile à la seneshv main,

Où tous tourmentz et douleurs voit à plain,

Dont le nombre est à nommer indicible,

Tant que quasi au juste il n'est possible

De traverser ce désert espineux

Sans se piquer ou estre bien poureux; Fol. 328 verso.

Mais il est dit que nully n'est blessé

Que de soy mesmes, et cela je le sçay ;

Et qui le croit comme moy, si le tienne.

Souvienne vous de ce bon saint Estienne,