I.KS IMUSOXS DE I.A IIP.IXK l)K XAVAIIIIi

Trouvoit en luy repos de conscience ;

Son corps estoit de muraille enfermé,

El tout son oueur en amour confermé

En liberté avec son Tout vivante,

L'amour duquel la rendoil languissante.

Mais nng beau jour de Toussainciz, sa promeaae

Luy tint l'espoux ; ayant ouy sa messe, F©1. 831 reno.

Récent son Dieu, puys le sermon ouy

Vespres aussy, d'un visaige esjouv,

J)ist à ses seurs, en congnoissaut sa fin,

Le prononsant purement en la fin :

« Resjouyssez, filles, en Dieu voz cueurs,

« Encores ung coup, ayez joye. » Ses seurs

Luy demandant la cause de sa joye,

Dist : « L'heure vient qu'il veult que je le vove.

« Ce doulx espoulx, cest amy perdurable,

« Qui rend la mort sans craincte désirable. »

En ce disant, se coucha sur ung lict

Comme attendant la mort en grant delict ;

Et demanda le dernier sacrement,

Lequel receut d'un sain entendement.

A ses enfans escrivit ung langaige,

Qui bien sentoit du divin le ramaige,

Les exortant à tout ce que doit faire

Ung vray chrestien, pour tousjours à Dieu plaire.

Après avoir à tous les siens pourveu,

A son abbesse elle requist que leu

Fust du Seigneur au long la Passion,

Et en l'oyant, par grande affection

Levoit les yeulx et au ciel regardoit.

En demonstrant que soa désir ardoit

D'y parvenir, disant souvent : « Helas !

« Mon Rédempteur, romps mes lyens et laqs

« À ("fin qu'à toy hostie de louanges

« Te sacrifie aveques tous les anges. »

Puys, par amour, comme estant hors de soy,

Disant : « Mon Dieu, tyre moy après toy. » Fol. 332.

Enfin, oyant parler la saige abbesse,

Disant que Dieu par charité s'abbesse

Pour embrasser l'ame, et n'est empesché

De l'espouser pour ce qu'elle a péché,

Elle, sentant ceste miséricorde,

Si joyeuse est quand sa bonté recorde,

Qu'elle s'aproche et au second Adam

Dist tenui avec nunc dùnittam ;

Disant ce mot la dame par amour

Cria : « Helas, quand viendra ce bon jour ? »

Et, de ferveur, son abbesse embrassa

Et en disant : « Jésus, Jésus », passa

Du val de pleur au mont de tout plaisir,

Où de longtemps habittoit par désir.

Mais aussitost qu'elle eut fine de dire :

« Jésus », se print doulcement à soubyrire,

Car ce Tout là, qu'en tout elle avoit creu,

Sans nul obstacle estoit lors d'elle veu.

Encore on peut1 respondre : ces2 nonnains,

Qui ont les cueurs si reformez et sainctz,

Pour déclarer leur vie vertueuse