CONSEIL A UNE DAME

Eclairés moy, je vous supply, Madame, Fol. 107.

Si vous estes ou vifve ou morte femme,

Car, quant je croy le rapport de mes yeulx,

Vifve vous tiens dont je vous ayme mieulx :

Je ne veoy point vostre grâce et visaige

Avoir changé de jeunesse l'usaige ;

Je ne veoy point faillir vostre santé,

De leur bon poinct tousjours est augmenté ;

Vostre vertu et force se deffend,

Sans amoindrir pour mary ny enfant;

De la beaulté et du couraige ensemble,

Je ne veoy riens de changé, ce me semble :

Brief, qui vous tient pour morte il a grand tort,

Car je ne veoy en vous signe de mort.

Dont trop ne puis aussi trouver estrange

De vous vive, qui voulez faire change

De nous vivans, pour aller en l'esglise,

Qui est un lieu, si on ne le desguise,

Ou l'on ne doit riens donner que le[s] corps

Mortifiez du tout, ou du tout mortz,

Ou ceulx qui ont virginité vouée,

Dont les enfants vous ont desavouée ;

Comme vierge demourer ne debvez,

Ny vefve aussi, assés vous le sçavez.

Je ne veoy point que pour nulle aultre sorte

Vous y puissiez demeurer, sinon morte.

Auriez vous bien, comme Ton dist, envie De nous laisser, et le monde et la vie, Pour tout souldain a l'église courir, En vous rendant morte devant mourir?

Je ne le puis croire, mais toutesfois Un tour d'amy pour ceste foys vous faiz : C'est d'un conseil lequel debvez entendre, Et s'il est bon le recepvoir et prendre. Las! Madame, pensez que ce sera Quand vostre corps le monde laissera : Le monde plus ne le vouldra reprendre, Ne l'estimant que pourriture et cendre, Et dira l'on, si vous y revenez :

Fermons nos veulx et bouchons nostre nez, Car ce n'est plus qu'une vieille charoingne, Plus il ne fault que nully s'embesoingne De la servir, puisqu'il nous a laissez Pour se renger au renc des trespassez.

D'aultre cousté, l'église se plaindra De vous veoir vifve et vous tenir craindra, En desbatant pour son indemnité Qu'elle ne doit souffrir mondanité.

Oustez, oustez, dira l'église saincto, Ceste vifve mondaine, morte faincto, Car sa grosseur, beaulté et enbonpoint A noz façons ne s'accorderont point.

Trop peu voyons en elle appareils signes D'austérité, jeusnes et disciplines.

L'esglise lors dehors vous mectera.