LA MORT D'AMOUR

Et le monde ne vous retirera :

Ainsi serez, ayant aux deux poinctz guerre,

Entre deux selles assise bas a terre.

Je vous supply, ne vueillez doncq eslire

Le pis des deux, mais ceste epistre lire

D'aussi bon cœur que je la vous envoyé,

Et ne changer vostre première voye,

Ce que ferez, je suis seur et le croy.

Et si l'ay creu, vous promectant la foy

Qu'en le faisant vous viverez contente,

JVlieulx que d'avoir nom de morte vivante.

XLl Fol. 114 verso.

La mort d'amour qui est la deflience, Le souspeçon, la double expérience, Esloingnement, jalousie et le temps, Comme d'amour enhemvs mal contens D'ainsi le veoir triumpher en noz cœurs, Juré il[z] ont qu'ilz en seront vaincqueurs, Disant entr'eulx : « Cest enfant qui est tendre Ne nous pourra en patience attendre, S'il nous attend, ne pourra supporter Les griefz tourmens que luy ferons porter. Si pour un temps il les peult endurer, Nous les ferons si longuement durer -Qu'à la parfin de luy ferons la prise,

Et si romprons sa très ferme entreprise. »

Lors ont cherché par moyen très abille

De l'assaillir du cousté plus debille,

Pensant la femme estre plus variable

Que l'homme n'est, plus legiere et muable :

A mon cœur doncq ils se sont adressés

Et leurs moyens encontre luy dressés.

Premièrement, Jalosie en grand zèle

Me dist : « Helas ! Amye », et si tost1 elle

Se teust, la lerme à l'œil, et [puis se] meist

Expérience en son lieu, qui me dist :

« Ouvre tes yeulx, [o] povre aveugle, et veoy :

Je te vèulx bien l'amy monstrer au doy,

Que tu soustiens estre le plus parfaict;

Or, veoy le bien, regarde ce qu'il faict. »

Lors Souppeçon et Doubte m'affermèrent

Qu'ainsi ont faict tous ceulx qui peu aymerent,

Et Deffience en feist triste serment

Que je n'estois aymée nullement.

Et pour prouver sa fâcheuse sentence,

Me feist venir le Temps, Longueur, Absence ;

Tous d'un accord par mille inventions

Me donnèrent tourmens, tentations,

Paines, douleurs, si grandes, que Tescripre

Ne seroit riens au regard du martyre,

Tant qu'à la fin par eulx trop incitée

Et peu de vous par lettre visitée,

Je fuz quasi [tout] au desespoir mise.