DIXAIXS ET ÉP1GRAMMES

Pour vraye amour cruaultés me rendes, Fol. 128 vers».

Et de vos yeulx quasi me commandés

De m'esloingner, sans que plus je vous hante :

Parler, escrire et signe deffendés

A moy tout seul ; les aultres attendes

Et voulez bien que chascun vous fréquente.

Je pense bien quelle est vostre pretentc :

C'est que du tout ne me faisant l'honneur

De m'estimer vostre humble serviteur,

De mon amour vous cuidez [tout] le bien

Avoir rompu, mais de ceste rigueur

Le nourriray au profond de mon cœur,

Pour vous monstrer en absence combien

Amour est fort, qui en moy vit de rien.

Si vraye amour aviez bien esprouvé, Fol. 120.

Assez ne trop ne seroyent vos propoz,

Et peu seroit de vous tant reprouvé

Qu'assez et trop estimeriez repouz ;

Mais point ne fault vous en taster le poulx,

Telle douleur n'avez garde d'avoir.

Taises vous doncq du trop, dont le sçavoir

Nyé vous est, ou vous avez menty

D'ainsi parler contre vostre debvoir, Car nul n'en peult vray jugement avoir, Si n'a le mal jusqu'à la mort senty.

LU

Fol. 129 verso.

Celuy qui a un bien en sa puissance, Et par ce bien un tout nouveau désire, Il pert celuy dont il a jouyssance Sans l'estimer, car à l'aultre il aspire ; Du bien présent il en faict un martyre, Et si n'y prent un seul contentement.

O povre esprit [et] très faulx jugement, Qui d'un enfer en forges plus de dix! Croyez pour vray que ce désir qui ment Vous mènera de torment en tourment Jusqu'au plus hault des biens de Paradis?