LUI

Cruel désir, nourry de trop d'honneur, . Qui n'espargnez ne mon corps ne mon ame, Veoyez vous point qu'estreme craincte et paour En la couvrant augmentent vostre flamme? Arrestés vous à quelque honneste femme ; Mais vueillez la de tel estât choisir Que bien compter luy puissiez à loisir Vostre vouloir, ou bien subit la lasme

Fol. 130.

DIXÀINS ET ÉPIGRAMMES 373

Vous me veoirrés, sans avoir eu plaisir, Ne nul espoir, ne bien, fors le désir De trop aymer et servir une Dame.

Un ami vif vint à la dame morte, Fol. 131.

Et par prière il la cuida tenter

De le vouloir aymer de mesnie sorte,

Puis la pressa jusqu'à la tourmenter;

Mais mot ne dist, doncq, pour se contenter,

Il essaya de l'embrasser au corps.

Contraincte fut la Dame dire alors :

« Je vous requiers, o Amy importun,

Laissés les morts ensepvelir les morts,

Car morte suis pour tous, sinon pour un.

En la voyant, d'un plaisir fuz attaint Par son regard qui passa dens mon cœur ; Mais fust [bien]tost de son parler estaint, Me contraignant de couvrir ma douleur.

Son œil me feist tant de bien et d'honneur Que contrainct fuz tout droit à elle aller; Mais sans parler soubdain feist ravaler Tous mes devis : c'est pour mourir de deuil, Puisque je perds par son saige parler Le peu d'espoir que m'a donné son œil.

J'ayme une amye entièrement parfaicte, Fol. 132.

Tant que j'en sens satisfaict mon désir.

Nature Ta, quant a la beaulté, faicte

Pour à tout œil donner parfaict plaisir ;

Grâce y a faict son chef d'œuvre a loisir,

Et les vertuz y ont mys leur pouvoir,

Tant que Touyr, la hanter et la veoir

Sont seurs tesmoings de sa perfection :

Un mal y a, c'est qu'elle peult avoir

En corps parfaict cœur sans affection.

Mais dictes moy, Amour, avons ouy

D'un serviteur la piteuse complaincte?

Helas ! Madame, je vous respons que ouy,

Bien qu'au dehors il vueille user de faincte.

Parlant a vous sa parolle est contraincte

De vous celer son amour et douleur ;

Baissant les yeulx, se taist, changeant couleur ;

Lors un souppir forcé faict sa arangue.

Il parle bien, car moy, son seul vaincqueur,

Le vous promectz, mais ce n'est que du cœur :

Xe vous prenez aux yeulx ni à la langue.