DIXA1NS ET EPIGRAMMES

Qui pour nymer Dieu et la vérité

Porte du mal et seuffre de la peyne,

Pour son exemple il prent la charité,

Qui de son cœur nous ouvrist la fontaine

Dessus la croix; mais qui, pour amour vaine,

Contre raison et Dieu seuffre douleur,

Il prent très mal son exemple au Saulveur,

Qui pour saulver chascun voulust mourir :

Son exemple est l'Antéchrist tentateur,

Qui pour soy veult aultruy faire périr.

Elle m'a dict : « Par refuz ou tourment Fol. 133 verso.

Je vous feray laisser vostre entreprise ».

Mais Amour dist : « Avmés la fermement,

Car à la fin, soit douleur ou surprise,

Par mon moyen vous en ferez la prise,

Et vous rendray de son corps le vainequeur. »

Helas ! Amour, ce m'est trop de faveur,

Mais d'un tel corps ne veulx la jouyssance,

Sans estre aymé ; parquoy frappez son cœur,

Si vous avez hardiesse ou puissance.

Preuve d'amour excédent sa coustume, Fol. 134

Je vous puis bien admirable tenir,

Car volupté qui la vertu consume

J'ay veu par vous chaste se contenir,

Et chasteté amoureuse venir,

Sans prendre riens de son honnesteté.

O puissant Dieu, qui avez arresté

Le feu bruslant et faict devenir glasse,

La glasse feu ferme en sa necteté,

Vostrc pouvoir [et] sens et nature passe.

Si l'amour dist au cœur la vérité, Fol. 135 recto.

Qui est tout sien et luy veult obeyr,

Vous m'aym[eri]és, non d'une charité

Qui nous deffend les ennemys hayr,

Mais d'une amour que l'on ne peult fouyr,

Dont le sentir passe la congnoissance ;

Et, bien qu'en vous n'en veoy nulle apparence,

11 me promect qu'il est dens vostre cœur

Si bien caiché soubz saige contenance,

Que vaincu semble où il est le vaincqueur.

DIXAINS ET ÉPIGRAMMES 377

Non pour la peur d'estre ce que je suis, Fol. 135.

Fouyr vous veulx d'œil et de contenance,

Mais pour celer mon désir, si je puis,

Et par ma fuyte en oster congnoissance :

Vous me cherchés en tout lieu d'apparence,

Ce distes vous, mais faictes tel debvoir

De me chercher où seul vous puisse veoir,

Et de fouyr ne seray tant apprins

Qu'en tournant court ne vous face sçavoir

Que je sçay prendre, aussi bien qu'estre prins.

Il pensoit bien brusler son chaste cœur Fol. 135 verso

Par doulx regards, par souppirs très ardens,

Par un parler qui faict amour vaincqueur,

Par long servir, par signes evidens,

Mais il trouva une froideur dedens

Qui tous ces traictz convertissoit en glace,

Et qui pis est, par une doulce audace,

Son pudicque œil le regarda si fort

Que sa froideur dedens le cœur luy passe,

Et mist son feu, amour et luy à mort.

Amour la voulust pour moy paindre, Disant : « Amy, vous l'aurez telle Qu'elle est » ; mais ne pouvent attaindre Nul tableau qui fust digne d'elle, Print son cœur, dans lequel la belle Retira comme elle est en chair; Puis s'envola, tenant si cher Le bien dont j'avoys la promesse, Que despuis je n'ay peu toucher Ny a luy, ny à ma maistresse.

Puisqu'amour est le Dieu qui faict aymer,

Je le requiers, si au commencement

M'a esté doulx, qu'il ne me soit amer,

Quant il me doit donner contentement.

Qui n'a de luy nul bien, n'a nul torment,

Mais qui a eu le mieulx qu'on peult attaindre,

L'ayant perdu, se doit bien de luy plaindre,

Et désirer n'avoir jamais eu bien.

C'est pis que mort, quant regret [il] fault laindre,

Et en riant dire à tous : « Je n'ay rien *.

DIXA1NS ET KPIGRAMMES 379

Or, je l'av veu, mais c'est bien clairement : Fol. 136 recto.

Vous le pouvez maintenant confesser

Ce que m'avez nyé si longuement,

Quand du sçavoir vous ay voulu presser.

Je doy doncq bien ma grand amour cesser,

Non pour aymer ailleurs, car je ne puis,

Mais pour mourir, puisqu'il vous fault laisser,

Veu que de vous le seul amy ne suis.

J'en ayme un tiers dont nully ne sçait rien, Fol. 136 recto.

Si très parfaict que je m'en tiens contente,

Car tout honneur, vertu, plaisir et bien

Je treuve en luy, et riens qui me tourmente.

Les aultres deux ont amour véhémente

A moy par trop, et en eulx jalousie ;

Mais pour quérir leur folle fantasie,

D'eulx ne tiens conte, et les fuvs voulentiers.

Facille il m'est, veu que je suys saysie,

Cœur, corps, esprit, de l'amour de mon tiers.

Une douleur aspre, importable et dure, Fol. 136 yeno.

Ne se sçauroit celer, toucher ne faindre :

Soubdainement faict mourir qui l'endure,

Ou le cœur faict à la monstrer contraindre ;

Mais la douleur de toutes est la moindre,

Qu'un an durant avez peu soustenir.

Or, n'ayez paour que la mort sceust venir,

Car où plus fort de la gaigner m'efforce,

Plus je la fay monstrer saige et honneste,

Et vous veoid l'on mieulx où plus j'ay de force.

L'un vit du feu, car tousjours est nourry Fol. 137 recto.

D'ardente amour, non moins forte qu'honneste;

L'aultre de l'eau, car il s'en va pery

Par les ruisseaulx qui sortent de sa teste.

Le tiers, à qui toute espérance est preste

De son secours, vit seullement de l'air,

Mais le dernier, qui ne faict que parler

D'aller mourir, vit de la terre obscure :

Je vous requiers, ne me vueillés celer

Lequel de tous plus de douleur endure.

DIXAINS ET ÉPIGRAMMES 381

Plus j'ay d'amour, plus j'ay de fascherie, Fol. 137 verso.

Car je n'en voy nulle aultre réciproque ;

Plus je me tayz, et plus je suis marryc,

Car ma mémoire, en pensant, me revocque

Tous mes ennuys, dont souvent je me mocque

Devant chacun, pour monstrer mon bon sens;

A mon malheur moy mesmes me consens

En le celant, parquoy doncq je concluz

Que, pour oster la douleur que je sens,

Je parleray, mais je n'aimeray plus.

Vous m'aviez dict que vous m'aymiés bien fort, Fol. 137 v.

Bien fort, bien fort, et ainsy je l'ay creu,

Mais tost après vous feistes vostre effort

D'en dire autant en un lieu que j'ity veu :

Bien fort, bien fort, vous l'ay mes, je l'ay sceu.

Il vous fault trop de forces pour deux lieux

Si fort aymcr, mais prenez pour le mieulx

Ungs bons ciseaulx couppent nostre amictié,

Et retenez l'aultre, qui a voz yeulx,

Forces et cœur : tant de double et gracieux

Satisfera trop bien de la moytié.