Ms. sa bonne. La correction est fournie par le manuscrit

Car son * pouvoir est impossible à l'homme.

Ce grant bien là où chacun doibt prétendre 2,

Je te le viens par amour reveller,

Et tu n'y veulx par ta follie entendre.

En attendant qu'icy puisses voiler,

Où tu viendras si la foy ne te fault,

Le bien que j'ay je ne te veulx celler;

Si à moy veulx venir, faictz donc ung sault

Hors de ta chair, à 3 toy mesme renonce,

Car nulle chair ne peut saillir si hault,

Mais de descendre en bas te faict semonce

Jusqu'en enfer par plaisante contraincte,

Pour un plaisir 4 dont ne vault le marc l'once.

Helas ! ma seur, si tu estois attainte

Du dard doré de ceste amour divine,

Toute autre amour en toy seroit estaincte ;

Mais tant qu'auras ceste vieille racine

Dedans ton cueur, tu ne sçaurois gouster

Ceste céleste et doulce discipline.

Heureux je suis, poinct ne t'en fault doubter,

Heureuse tov, si ma félicité

Par foy sentoys, que nul ne peult oster.

Si tu me crois, hors de perplexité

Soudain seras, sachant qu'en Paradis

Citoyen suis de la grande cité ;

Et si l'amour que tu portois jadis

A ma chair morte en l'ame est convertie,

1. Ms. leur. — 2. Ms. là ou chacun se doibt prétendre. — 3. Ms. et — 4. Ms. Mais d'un plaisir.

Tu auras joye et croyras à mes dictz ;

Si de ton corps ton ame est divertie,

Comme la mienne est au grand espoir joincte,

En luy seras comme moy convertye ;

Laisse ton corps, plus de luy ne t'acoincte, Fol. 8 verso.

Cloz l'œil à chair, par * l'œil intérieur

Yoirras au clair sentant d'amour la poincte.

Soyons par foy au grand Supérieur

Toy et moy joinctz, ainsi que nous estions,

Sentions aussi tous deux pareille joye,

A (Tin qu'au ciel avec les sainctz hantions. »

— « Mon bon seigneur, mais que là je te voye2,

J'auray plaisir tel que le tien sans doubte,

Mais je suis loing de la fin de ma voye;

Ton vray repoz par la foy bien je gouste,

Ton glorieux et très crestien trespas.

Je sçay très bien qu'au céleste repas

Es arrivé dès longtemps invité,

A table assiz, mais quoy, je n'y suys pas !

Je sçay très bien qu'aussitost qu'incité

Fuz de partir, tu ne feis nulle excuse 3

De bien 4, honneur, plaisir, nécessité,

Mais tout ainsy que celuy là qui use

Du monde bas pour passer seullement,

Sans que son cueur s'y arreste et abuze,

D'un cueur fidelle aimant très hardiment

Dis à ton Dieu : « Voicy ton serviteur

1. Ms. en (?) illisible. — 2. Pourvu que je te voye la. — 3. Ms. tu ne feras excuse. — 4. Ms. Si en bien.

Tout prcst d'aller à toy joyeusement ;

Donne ta main, ô puissant Créateur, Fol. 9.

Pour me tirer à toy, qui n'ay pouvoir

Sans toy saillir de ceste pesanteur. »

Puis tu disois : « Le désir de te veoir

Me faict trouver ce tardement tardif. »

Durant lequel tu fiz très bon debvoir

D'estre à ton filz et roiaume ententif,

Monstrant l'amour qu'aux tiens avois porté

Et ung désir d'aller veoir Dieu, hastif.

Quant ton cher filz tu euz bien exhorté

D'aymer son Dieu, de bien se gouverner,

Et de ta mort aussi reconforté,

De tes amis tu vouluz ordonner,

Et puis après les divins sacremens

Receuz trestous ; sans [les] habandonner,

Tes serviteurs en douleur et tourmenz

Reconfôrtois leur advanceant la main.

O quel Dieu [gist] , au cueur des vrays5 amans!

Puis retournant l'œil au Bien souverain,

Tendant les bras, le prioit t'embrasser

Et te tirer en son règne serain ;

En ferme foy ne te pouvois lasser

Et declairer toy rien et Dieu tout estre ;

Chascun te veid doulcement trespasser :

Celuy duquel tu desirois la dextre

Ne faillit lors de ton ame y tenir

Et se monstra vray père, roy et maistre.