EPISTRE AU ROT DE FRANCE

Vous peust ennuy à la lecture faire,

Et non l'amour que je sens satisfaire,

Je mectray fin à ce facheulx langaige,

Vous présentant, pour ma foy et hommaige,

De mon désir ung petit l'ouverture.

Par ceste epistre l et indigne escripture

Que je vouldrois vous pouvoir faire entendre

Quel est mon c[u]eur, vous suppliant de prendre

La voulonté, l'amour et le désir

Be ceste là qui n'a [d'Jaultre plaisir

[Que] de vous veoir régner bien longuement,

Joyeulx et sain, plain de contantement ;

Et requérant Jésus vostre saulveur

Ne vous faillir de sa grâce et faveur

Et me2 tenir en la vostre tant bonne ;

Car toute à vous pour estrenne me3 donne

1. Ms. espitre. — 2. Le ms. porte la. — 3. Le ms. porte vous.

Epistre de la Royne de Navarre a Madame la Princesse l

Pour nostre adieu, non dict mais bien senty,

Le ciel ne s'est à pleurer2 consenty,

Car en voiant la couverte douleur

Il a couvert sa pluie de chaleur,

Ne se mouvant3 à pleurer ne plouvoir,

Tant que sans pleurs nos yeulx il a peu veoir.

Mais maintenant que l'œil perd4 son object

Qui le randoit à pleurer non subject,

Le c[u]eur qui n'a la consolation

De ce regard plain de dillection,

Par grand regret se print a s'estonner,

Tant qu'il a faict esclairer et tonner

Le ciel, montrant l'apostume crevée

Qui me randoit à la porte grevée.

A mes haultz cris s'acorde le tonnerre,

Par mes souspirs le vent faict partout guerre,

Et ma complainte et lamantation

1. F° 58 et ms. 883, f° 32. Celle lettre, de même que la 5e, la 6° et la 8e, est adressée à la princesse de Navarre, Jeanne d'Albret, fille de Marguerite. — 2. Ms. 883 plouvoir. — 3. Ms. 883 ne s émouvant. — 4. Ms. par.