EPISTRE A LA ROYNE

Disant l'adieu de séparation.

Or vous supplie avoir pour agréable

Que cest adieu à la langue importable

Vous puissiez lire et non pas escoutter.

O dur morceau malaisé à gouster

A vous et moy! Que l'amour maternelle,

Qui sans finer me sera si cruelle,

Ne peult ce mot de triste adieu soufrir !

Je ne vous puis, Madame, rien offrir :

Je suis à vous et en vostre puissance,

Asseurez-vous que ceste obéissance,

Que je vous doibz, si bien observeray

Que mon debvoir en cela je feray.

Vous suppliant très humblement, Madame,

Pour la santé de mon corps et mon ame,

M'entretenir en vostre bonne grâce;

Car, m'asseurant y avoir bonne place,

Malheur ny mal je ne puis recepvoîr,

Sinon celluy que j'ay pour ne vous veoir.

Or, entendez, Madame, ung grant tourment

Que j'ay senty en ce département,

Car deux amours qui ne me furent qu'une,

Je sens en deux, dont Tune m'importune

En me voullant présenter passience,

Me promectant1 l'agréable plaisance

Et le plaisir de reveoir ung mary.

Mais quoy! mon cueur encores trop ma[r]ry

Ne la veult poinct avoir ne recepvoir,