Ms. remectant

Car ceste amour du naturel debvoir Je sens si fort, que si l'autre j'accepte Aucune fois, soudain je la rejecte.

Tantost, je sens mon œil pleurer puis rire, Mais la (in [n']est tousjours de ce martire, Qui durera, sans prandre fin ne cesse, Jusques a tant que je reprenne adresse Pour retourner vers vous en dilligence.

Lors, obliant la trop fâcheuse absence, Je recepvray la joye et le plaisir Et joyray de mon parfaict désir D'ensemble veoir père, mère et mary.

Lors cessera mon cueui* d'estre mar[r]y. Donc attendant ceste heureuse journée Je languiray de mal environnée, Ayant toujours de vous reveoir envie, Suppliant Dieu vous conserver la vie.

Autre de Madame la Princesse a la Royne1

A ce matin, Madame, j'ay receu

En grand plaisir votre epistre bien leue,

Mais me faisant souvenir de l'adieu.

A tous ennuys certes j'ay donné lieu,

Et si le ciel retarde de pleuvoir2,

Pour ne me veoir aux yeulx la larme avoir,

Je vous diray pourquoy cela advint :

C'est qu'à l'adieu d'un « Dieu gard » me souvint

Qui recréa mes pleurs, mais non obstant

N'effaça pas en mon cueur mal contant

Ce dur ennuy qu'a présent me tourmente.

Et en tant que [je] vous trouvay3 absente,

Hier au soir, je me mis à me plaindre ;

Lors Dieu voullut astres et èiel contraindre

Vous declairer mon mal dur à porter;

Le vent cueillit, pour vous les transporter4,

1. F°59 v°et ms. 883, f° 35. Cette lettre est évidemment la réponse 4 la lettre II. — 2. Ms. pleurer. Cette correction se justifie à la fois par les exigences de la rime et par plusieurs comparaisons faites avec divers passages des lettres III et V. — 3. Ms. trouvant. — 4. Ce vers, donné dans une forme incorrecte dans le manuscrit, est rectifié le ms. 883.

Les hau[lt]x souspirs de mon deuil importable.

Voila comment j'euz le ciel favorable,

Ayant voullu le vent prompt et léger,

En me servant, vous estre messager,

Faisant oyr mes plainctz à vostre oreille,

Où me contrainct ma douleur non pareille.

Or, craignant trop que ma longue escripture

Vous feist sentir de nouveau la poin[c]ture

De vostre ennuy, si fort à supporter,

Je prie à Dieu qui nous peult conforter

Me faire veoir vostre centiesme année.

En attendant ceste heureuse journée,

Que le ce Dieu gard' » 1 me fera autant rire

Que cest adieu m'a causé de martire,

Je vous supplie estre de moy contente

Et me tenir la plus obéissante

Fille, qui fut et qui jamais sera,

Tant [qu']en ce corps Famé demeurera.