Ms. la mectre

Autre db ladite Roynb1

Si vostre tant regretté départir S'est faict de moy à force consentir, Me remonstrant le grant plaisir qu'avoir Vous esper[i]ez de vostre mary veoir, Tant que croyois 2 vostre contentement, De mon ennuy couvrir le sentiment ; Puis je pensois qu'avec vous vostre père Deust achever ce voiage prospère ; Mais maintenant que le contraire voy Et que je suis sans vous et vous sans moy, Vous sans mary et sans père et sans guide, Je ne voy plus ny raison ny remède, Qui engarder me puisse de me plaindre.

Car vray amour ne se sçait pas bien faindre. Helas ! mais quoy, à qui ne à quelle aureille Puis-je monstrer ma doulleur non pareille? Si c'est à ung qui forte amour ignore, Ma vraye amour ne luy diray encore.

1. F© 61 et ms. fr. 883, f° 36 v°. — 2. Ms. Tant qu'en pensant. Li répétition du mot pensois deux vers plus bas et la nécessité de modifier la construction de la phrase justifient notre correction.