Dieu. — 2. Ms. austant

LA MONDAINNE.

Pour nous hoster hors de soucy, A vous nous en venons baptant.

LA SUPERSTITIEUSE

Ça, Madame *, à vous veoir de loing ; Seullement à vostre apparence, Nous semble qu'à nostre besoing Vous debvez donner allegence.

LA SAIGE

Or, parlez, car j'ay espérance, En me monstrant comme advocas Ce dont estes en différence, Que je donray2 ordre à vos cas.

LA MONDAINNE.

Madame, je suis corporelle, Aymant mon corps, tant naturelle Qu'à riens fors à vivre ne pense.

J'entens vivre joieusement En biens et3 honneur[s] longuement, En tous plaisirs, jeux, ris et dances.

J'aymc mon corps, voylà la fin :

C'est mon amy, c'est mon afin ; C'est mon tout, mon Dieu, mon idolle.