Ms. Ces, Madame. — 2. Ms. donner ay. — 3. Ms. à

LA SAGE

Voylà trop bestialle amour; Si vous y faictes long séjour, Par cest[e] amour deviendrez folle.

LA SUPERSTITIEUSE

Pas ne suis comme elle, Madame, Car je n'ayme riens que mon ame Et ne veulx, sinon la saulver.

[Mais] pour la rendre necte et pure, Mal et peine en mon corps j'endure, Pour ma vertu mieulx esprouver.

LA SAGE

Vostre ame sauver, las ! ma mve, Elle n'a plus [très] grande envye De vostre gloire par trop grande.

LA SUPERSTITIEUSE

Quoy ! est-ce mal faict de deffaire Son corps, pour son ame parfaire, Madame, je le vous demande?

LA SAGE

Premier voulez le corps destruire Que vostre ame en vertu instruire C'est ruiner tout l'édifice.

LA SUPERSTITIEUSE

Qu'est ce cy? n'est-ce pas bien faict De deffaire ung corps imparfaict,

En jeûnant, disant mon office, Portant la hère tous les jours Et la discipline tousjours ; Pleurer, demourer sollitaire, Estre à beaulx genoulz nus au temple ^ Donner par jeunes bon exemple, Priant Dieu sans jamais se taire?

LA SAGE

Dieu a vostre corps mis sur terre, Auquel ne debvez faire guerre, Sinon qu'il [est] contraire à Dieu.

Souvent, cuidant bien faire, on erre, Faisant cas de casser ung verre Ou de jouer à quelque jeu.

LA MONDAINNB.

Madame, aussy ne faictz-je pas, Car j'ayme miculx ung bon repas Que tous les j[e]unes d'un caresme.

Garde je n'ay de mon corps baptre, Mais en tous lieux le faiz esbattre.

Bref, je n'ayme rien que moy mesme.

LA SAGE

Vous mesme vous n'aymez pas bien, Car vous, comme nous ^n'estes rien, Si du corps parlez seulement.